الأوله يا الله يا مجري الأفلاك

طي
X
 
  • التوقيت
  • إظهار
مسح الكل
المشاركات الجديدة
  • كلاشينكوف
    عضو فعال
    • Dec 2006
    • 183

    #1

    الأوله يا الله يا مجري الأفلاك

    [poem=font="Simplified Arabic,4,darkblue,bold,normal" bkcolor="transparent" bkimage="backgrounds/33.gif" border="double,4,gray" type=0 line=1 align=center use=ex num="0,black"]
    الأوله يا الله يا مجري الأفلاك = تعرف مجاريها ومحصن حسابها
    يااللي خلقت آدم وحواء من العدم = ومحيي عظام(ن) تحت سافي ترابها
    تغفر لعبد(ن) معترفلك بذنبه = قدام لا التوبه يصحكون بابها
    فكرت في الدنيا وفكرت في العرب = وبعض الرفاقه ضايق(ن) بي جنابها
    وأنا ليا جات الركايب نطحتها = وأكرم الخطّار وأكرم ركابها
    وأنا ليا قالوا نبا ننطح العدا = أطرّف البندق وأكثر زهابها
    وإن عمست الأريا ركبنا ظهورها = وناخذ صليب حقوقنا من رقابها
    ونضد منهو في القبايل يضدنا = وناطا على روس العدا ما نهابها
    وليا حصل بين الرفاقه مشاكل = احلها واللاش يعلن خرابها
    عزي لمن لا يعرف الحق و الخطا = ويعرف خطا القاله ويعرف صوابها
    وعزي لمن صكت علاه الأعادي = وهو دروعه عن متونه رمابها
    دايم يشاور من يعضه بنابه = والحيه الرقطا تعضه بنابها
    طبع العدا يسعى لشقت عباته = مرسومة الخطه وهو ما درابها
    خلوه يربض ما يوفي قالته = عيب(ن) على من قالها واستنابها
    وهذا زمان(ن) يقهر الشاب شايبه = والعود ضاعت خنجره مع نصابها
    وأهل النمايم بينهم زاد نقلها = تضبح ثعالبها وتنبح كلابها
    كل(ن) خبرنا يوم مدّات الأيدي = يوم العدا بالدم تغرق ثيابها
    يا حازم أبا أوصيك واحفظ وصاتي = الفقه والتوحيد جود كتابها
    تفحص التاريخ وادرس كتابه = تعرف سنين(ن) ماضيه وش جرابها
    ولا تحتزم بالاش وقت الشدايد = ولاّ ضعوف(ن) حايرات(ن) جلابها
    ومن لا يودك ود عينك بذلفته = وربع(ن) تودك دوس معها هضابها
    و أوصيك سرّك احتفظبه وجوده = جوف الضماير مغلفات(ن) ضبابها
    ولا تحتزم الا بقرم(ن) مجرب = لا دلهمت سود الليالي سرابها
    وأوصيك في عانيك وقف شراعه = ترى العواني لزمت(ن) يلتجابها
    ومن بعد ذا يا راكب فوق أصيله = وقم السدس ومزينات آدابها
    ملفاك من يوجد بدار الأذاعه = ربع(ن) على الميعاد تسمع خطابها
    وقل ترى المطلوب حاجة بسيطه = نشر القصيدة بعد جات في رحابها
    وصلوا على المختار وآله وصحبه = عداد ما عج الزهر في شعابها [/poem]

    [align=center]للشاعر .. سليمان بن مطلق الخماش العدواني .. المتوفي عام 1390 هـ .. وسبق اذاعة هذه القصيده من خلال الإذاعه السعوديه .. [/align]
  • أبو فيصل
    مشرف سابق
    • Dec 2004
    • 3538

    #2
    صح لسانك و لسان الشاعر

    ولاهنت على هالنقلة

    تحياتي
    لا إله إلا أنت سبحانك إني كنت من الظالمين

    تعليق

    • كلاشينكوف
      عضو فعال
      • Dec 2006
      • 183

      #3
      صح بدنك يا فهد .. وشاكرلك حضورك و تفاعلك .. الله يعطيك العافيه

      تعليق

      العمل...