الشاعر عايد رغيان بن ورده الشراري ووصف الابل

طي
X
 
  • التوقيت
  • إظهار
مسح الكل
المشاركات الجديدة
  • حُرالشمال
    عضو
    • Sep 2006
    • 7

    #1

    الشاعر عايد رغيان بن ورده الشراري ووصف الابل

    هذه القصيدة الابداعية عن الإبل.




    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    يا طالبا وصف الأبل جاك وصفها=مني وأنا من لابة يعرفونها
    ناقة ( بني كلب ) من أشهر حلالهم=بني ( شرار ) بنسلها يحفضونها
    حم الذرا نذكر لك الفرق بينها=ونشرح لكم موجز تفاصيل لونها
    أجملهن الوضحا إذا زان وقتها=هدبا مناكبها وسودا عيونها
    تشبه لها الشقحاء تقاطيع وصفها=تصعب على اللي بالقلم يرسمونها
    ثالثهن العطرا وإذا اللون يختلف=هي مثلهن ما يقصر اللون شونها
    وأكرمهن الملحا إذا شانت السنة=تعيش منها سربه يحلبونها
    تلحق بها الصفراء على اللون والنسب=توإن كان ما هي مثلها دوب دونها
    وحمر النعم تمتاز عن باقي النعم=صنفين منها كاملاتا ركونها
    القسم الأول يوم يرزم إحوارها=تاتيك تدحم ديدها في ثفونها
    ترطن رطين الترجمان إذا أقبلت=بالروض تملأ يوم تعطف معونها
    والقسم الآخر حرة ساعة الطلب=ان أدبرت خيل العداء يندبونها
    إذا استهاشت كن دقات قلبها=إدبك الغواني يوم ترقع شنونها
    وشعل الركايب من قديما منجبه=شيوخ القبايل بالثمن يطلبونها
    وغزل النضا مامونة السير والسرا=مثل الرواما ضامراتا بطونها
    شيبا محاقبهن تساوج حبالهن=من كثر ما ركبها يركبونها
    وآخرهن الزرقا إذا حل ذكرها=مقلوله والناس ما يرغبونها
    البل عطايا الله إذا عد خيرها=تكثر فوايدها لمن يملكونها
    عبر الفيافي والمثاقل تشيلها=حدب المياسم فوق عالي متونها
    وحليبها متوفرا غير لحمها=ومنها بيوتا بالنزل يسكنونها
    بأوبارها يسدون ممدود سدودهم=وجلودها منها الروى يصنعونها
    منتوجا يغني عن الطب والدواء=ومنها حلايلهم تمشط قرونها
    سفينة الصحراء وهم فوق ظهرها=وتمر في مفلا الجوازي ظعونها [/poem]
  • حُرالشمال
    عضو
    • Sep 2006
    • 7

    #2
    معقووووووووووله

    تعليق

    • سلطان الشمال
      عضو
      • Aug 2008
      • 8

      #3
      بيض الله وجه على القصيده الجزله

      تعليق

      • كفو
        عضو نشيط
        • Mar 2007
        • 69

        #4
        قصيده جيده مشكور على النقل

        تعليق

        • حُرالشمال
          عضو
          • Sep 2006
          • 7

          #5
          الخوين سلطان الشمال والاخ كفو ..

          الله يبيض وجيهكم على المرور الذي افرحتموني به ...والحقيقه اني استغرب عدم التفاعل رغم ان وجودي هنا هو حب بابناء هذه القبيلة العزيزه.

          تعليق

          العمل...