يالله سترك مـن تقلـب هالازمـان

طي
X
 
  • التوقيت
  • إظهار
مسح الكل
المشاركات الجديدة
  • اسامة سعد
    عضو نشيط
    • Sep 2006
    • 32

    #1

    يالله سترك مـن تقلـب هالازمـان

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    بديت ذكـر الله و لانـي بخسـران =ومن لا ذكر ربـه حياتـه خسـاره
    يالله سترك مـن تقلـب هالازمـان=ونتاج ما تفـرز علينـا الحضـاره
    ابختصر يكفي عن النـص عنـوان=اخير من كثـر الكـلام اختصـاره
    لقيت في كثر السواليـف نقصـان=ولقيت فـي قـل الكـلام اعتبـاره
    ماني بلا مزري و لانـي بعجـزان=عندي على فتـل البيـوت اقتـداره
    اليا دعيتـك يالقوافـي و الالحـان=عندي تعالـي حضـري بالاشـاره
    سر يا قلم واكتب بعد خاطـري زان=اكتب وانا بامليـك جـزل العبـاره
    مثايـلً فيهـا مواعـظ للاخـوان=وين اللبيب اللـي يحـدد مسـاره
    اما نعيـمً يـودع القلـب فرحـان=و لا جحيـمً فيـه شـر وشـراره
    يالي تبى الجنـة تقـوى بالايمـان=طاعة ولي الكـون هـي التجـاره
    الفرض صله واد حقـه ليـا حـان=ما يقبل الموضوع منـك انتظـاره
    ما ينظـر الله للوجيـه و للابـدان=عند الولي قلبـك تكشـف ستـاره
    اخذ النصيحة واسمع العلم يا فـلان=ما دمت بالمهلـه وجتـك النـذاره
    للنـار وقـاده و للنـار خِــزان=وامـر الولـي منفذينـن قــراره
    اهون هل النار بعذابـه يالاخـوان=يوضع تحت رجيله شعلـة جمـاره
    يغلي دماغ الراس من هول ما كان=ويضن ما احـدً ذاق مثلـه مـراره
    نارً بها ضلمـه وشـوكً وحقـران=يا ويـل مـن هـذا مكانـه وداره
    يا وامن الدنياء ترى مالهـا امـان=يقطعك يادنيـاء الفنـى والدمـاره
    تقبل وتقفـي هاليالـي بالانسـان=حيـل و بعضهنـه تبيـن عشـاره
    عيني تعاف من النظر بعض الاحيان=اهل المعاصي بالمعاصـي جهـاره
    يالي تجر الثـوب بالكبـر غلطـان=ما ينظر الله لـك و لا لـك وقـاره
    ويالي بمالك تشري الموت فسقـان=ترخص حياتك ليه لجـل الزقـاره
    مالله خلقنا نتبع النفـس شيطـان=الله يزيـد اهـل العقـول استنـاره [/poem]


    [align=center]اسامه العتيبي [/align]
  • الأمــير

    رابطة محبي الهيلا

    • Aug 2005
    • 5162

    #2
    صح الساااااااانك


    ولالاهنت على الابداع

    الى الامام

    تعليق

    • ركوان الغبيوي
      عضو فعال
      • Jul 2006
      • 110

      #3
      لاهنت يا الامير على القصيده

      تعليق

      • @المهاجر@
        عضو
        • Jan 2007
        • 27

        #4
        لاهنت وبيض الله وجهك على هذه القصيده

        تعليق

        العمل...