من لاكسب كلمة مجمل ومشكور

طي
X
 
  • التوقيت
  • إظهار
مسح الكل
المشاركات الجديدة
  • ساري 2006
    عضو
    • Aug 2006
    • 27

    #1

    من لاكسب كلمة مجمل ومشكور

    [poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]



    هذه قصيده للشاعر / ناصـــر الــجــنــيـــبي

    اتمنى ان تنال اعجابكم


    لو فالبحـر تسعـه وتسعيـن بابـور = ولو فالرجـال أبشـع نفوسٍ لعينـه
    لي ماقفٍ بالعنف واللطف والشـور = واللـي يريـد الشـر تبـت يديـنـه
    الشـر مدحورٍ وراعيـه مدحـور = ولابدّهـا ســود الليـالـي تديـنـه
    ومن زلـه الخبـلان مانيـب مقهـور = لو هـي كمـا طعنـه شجيـع بيمينـه
    كسبـان لامنـي سفهتـه ومـعـذور =وترى الخبـل لامـن سفهتـه تهينـه
    يعني من العـدوان مانيـب مكسـور = جنبـي يبـى يدحـم عضودٍ متينـه
    أهجم وأدافع وأرتكي وأضبـط الـدور = ومجابهٍ وقتـي بشيـنـه وزيـنـه
    ياكم طرحت مـن الرياجيـل هامـور = وياكم زرعت بقلب خصمـي ضغينـه
    ربي خلقنـي عبـد منهـي ومأمـور = لكـن أنـا ضـد القهـر والغبيـنـه
    والعله اللـي تندفـن داخـل الـزور = حبٍ سطى بيـن الظنيـن وظنينـه
    الحب لو يسطي علـى قلـب دكتـور = تبطـي بـه العلـه وربـي يعيـنـه
    ولو هو بعد راسه صميـدع ومبتـور = ياخـذ وقلبـه شايلـه فــي يديـنـه
    وأنـا ثـلاث أيـام مانيـب مسـرور = حزيـن عايـش فـي ليالـي حزينـه
    باللي عقدلي وأصبح القلـب مسحـور = يامـن يفـك اليـوم نفسٍ رهيـنـه
    وان قلت وش بك قال أنا انسان مغرور = ويشـوف خلـق الله بنـص عيـنـه
    لو صفـوا عيـال الرياجيـل طابـور = محدن ملـى عينـي وياصـل جبينـه
    قلت الزمن معطيـك تسعيـن خابـور = لابــد نـاصـر مايـبـرّد كنيـنـه
    ياصاحبي ماعندك احسـاس وشعـور = فـي ذمتـك عـز النفـوس الثمينـه
    من لا كسب قولت مجمّـل ومشكـور = لاخير في عمرٍ بقـى مـن سنينـه
    صحيح ماني في هوى الزين مجبـور = لكـن حدانـي مـاحـدى عاشقيـنـه[/poem]
  • الأمــير

    رابطة محبي الهيلا

    • Aug 2005
    • 5162

    #2
    ساري 2006


    صح السانك والسان الشاعر

    ومشكووووووووور على الابداع ولالالا هنت

    تعليق

    • ضيف الله المسعودي
      عضو ماسي
      • Apr 2006
      • 482

      #3
      لاهنت ياساري

      تعليق

      • ناصر الجلاه
        شـــاعــر
        • Aug 2006
        • 2909

        #4
        صح السان الجنيبي ناصر


        ولاهنت ياخوي الغالي

        ســــاري 2006


        على نقل هذه القصيده


        الاكثر من رائعه
        [poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

        القصيد اللي معانيه وبيوته = بالاشاده والشهاده يمتلكها

        ماكسبها من تحت كمه وكوته=لارسمها بالهواجيس وحبكها

        جمل الله حال من جمل ثبوته = وانتخى دون الجميله ماتركها

        كل متذوق لنا يدلي بـ/صوته=السعوديه .."حمد" (شاعر ملكها)[/poem]



        آلف آلف مبروووك لقب شاعر الملك يا د. حمد العصيمي


        لتواصــل على الايميــل الجديد

        n200m@hotmail.com

        تعليق

        • السيف الابتر
          عضو نشيط
          • Dec 2006
          • 33

          #5
          [poem= font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
          من لا كسب قولت مجمّـل ومشكـور ------------لاخير في عمـرٍ بقـى مـن سنينـه[/poem]

          تعليق

          • أبو فيصل
            مشرف سابق
            • Dec 2004
            • 3538

            #6
            الله عليك ياساري

            روعة من جد هالقصيدة

            صح لسانك و لسان الشاعر

            ولاهنت يالذيب على هالنقلة الرائعة

            تحياتي
            لا إله إلا أنت سبحانك إني كنت من الظالمين

            تعليق

            • ماجد الدعجاني
              عضو فضي
              • Aug 2006
              • 249

              #7
              بسم الله

              صحّ إلسان شاعرها ناصر الجنيبي
              من لا كسب قولت مجمّـل ومشكـورلاخير في عمـرٍ بقـى مـن سنينـه
              صحيح ماني في هوى الزين مجبـورلكـن حدانـي مـاحـدى عاشقيـنـه




              لاهنت وتسلم يمناك على النقل الرائع

              تعليق

              العمل...