قصيدة في المرجلة

طي
X
 
  • التوقيت
  • إظهار
مسح الكل
المشاركات الجديدة
  • بن صنيدح الروقي
    عضو نشيط
    • Oct 2006
    • 65

    #1

    قصيدة في المرجلة

    [[/size][/size][/fofontالسلام عليكم ورحمة الله وبركاتة =Arial Black][size=7][size=3]


    هذة القصيدة اعجبتني فحبيت انقلها لكم واتمنى تحوز على رضاكم

    إذا المراجل لبسة شماغ وعقال
    =========== قل للعذارى يلبسنّ العمايم

    ما عاد يفرق زول حرمه ورجال

    ============ دام الفعايل تشبه البعض دايم

    المرجله ما هيب كلمه وتنقال

    ============ وتروح ما راحت هبوب النسايم

    وإلا خشونة صوت أو رفع الأثقال

    ============ أو رزة صدور وفعل الزلايم

    ولا هي بعد مفتاح موتر وجوال

    ============ وإلا ردى لسانن حديثه شتايم

    المرجله شيمه عن القيل والقال

    ============ رفيع نفس (ن ) حر بالجو حايم

    المرجله عقلٍ وزن وزنه جبال

    ============ ودون العقل وش فرقنا والبهايم

    يا مسندي لو مايل الوقت بي مال

    =========== يا ولد أبويه يا عظيم العزايم

    يا معرب الجدين من العم والخال

    =========== يا نخوة المفزوع وقت الهزايم

    المرجله يا خوي هي طولة البال

    =========== هي العزم هي الصبر فالظلايم

    فيها الكرم عزه دله وفنجال

    ===========فيها الكرامه عن ردى الطبع شايم

    والدين لامنه خذا القلب منزل
    =========== مشى طريق الحق وابليس نايم

    ومن لا عرف ربه في طيب الحال

    ============ لابد وقت الضيق بالهم هايم

    حتى صلاتك مع جماعات ورجال

    ============ في خيرها يا خوي نعم الغنايم

    ولامن نصف ليلك قم صفي البال

    ============ يا عظم أجرك بين ساجد وقايم

    ولا من رفع ربي له كل الأعمال

    ============ حسن الذكر لا قالو فلان صايم

    وخلك شريف القصد يا طيب الفال

    ============ سوء المقاصد فالبيوت الهدايم

    واحذر تبيع النفس في درب الأنذال

    ============ وتتبع خوي إبليس راع النمايم

    النفس خيل لك إذا كنت خيّال

    ============= ومن لا قوى نفسه قوته الهزايم

    ولا صرت ما تدري لو يش أنت رجال

    ============= والله خسارة فيك ذبح التمايم
    nt]
  • ابن معيض
    عضو فعال
    • Oct 2006
    • 186

    #2
    قصيدة قمة في الروعة


    صخ لسانك ولسان قايلها

    لا هنت

    تعليق

    • الأمــير

      رابطة محبي الهيلا

      • Aug 2005
      • 5162

      #3
      صح السااااااااااانكـ ولاهنت

      تعليق

      • يوسف عبيد
        عضو ماسي
        • Dec 2004
        • 487

        #4
        صح لسانك على القصيدة الرائعه

        تعليق

        • بن صنيدح الروقي
          عضو نشيط
          • Oct 2006
          • 65

          #5
          اشكركم على المرور

          تعليق

          • فهد الحفري
            عضو
            • Apr 2005
            • 27

            #6
            بن صنيدح

            تسلم يدك على النقل

            ولاهنت

            تعليق

            • عبدالمجيدالشمري
              عضو فضي
              • Jul 2006
              • 268

              #7
              صح لسانك ولسان الشاعر قصيده وافيه تستحق الوقوف بل والتامل في معانيه الجزله

              تعليق

              العمل...