قصيده يذكر فيه الشاعر كل قبايل المملكه العربيه السعوديه

طي
X
 
  • التوقيت
  • إظهار
مسح الكل
المشاركات الجديدة
  • عتيبي معاصر
    عضو ماسي
    • May 2006
    • 546

    #1

    قصيده يذكر فيه الشاعر كل قبايل المملكه العربيه السعوديه

    يالله يـاخالق اراضيــن وابـحار **** الواحد المعــبود رازق عبـيده

    الخـالق الغــفار علام الاسـرار **** وفرق شعوب الارض في كل يده

    وابدي واسولف من عذيبات الاشعار **** ابــيات شعر والمعـاني وكيده

    اشري وابيع واعرف كيـف بـختار **** واختار من جزل البيوت الـفريده

    واذكر تـراث وعز وامـجاد وافخار **** قبائل تومن بديــن و عـقيده

    وصلت حضارتنا على سطح الاقمار **** ابنا الجزيرة والجزيره مــجيده

    في ظل حكام لهــم فعل واشـوار **** آل السـعود الـلي تفك الضهيده

    نسل الزعيم الحاكم العادل البار **** مجدد امجـاد الجــزيره بجيده

    حتى اصبحت حره وحنا له انصار **** في ظل اخو نوره هنوف سعيده

    وصارت لابو تركي بطوله وتذكار **** والفخر والامجاد تبقى شهيده

    وخلف لنا املوك لهم فعل واخبار **** الشعب واحد والقياده رشيده

    والامن بانينه على ساس وجدار **** وقرو على العابث عقوبه شديده

    وحنا حماة الدار من كل غدار **** وما همنا بطشه وخبثه وكيده

    قبائل مالحقناهم اوعار **** وعشنا بهذي الدار عيشه رغيده

    والحمد لله نحمده سر واجهار **** شعب تكاتف من سنين مديده

    ودون الوطن جيش على كل معبار **** لارفرف البيرق ونادى عقيده

    بشرق البلاد وغربها دوم حضار **** وارض الشمال اللي نفوده مديده

    وارض الجنوب اللي تخيضر بالاشجار **** جزيرة فيها القبايل عديده

    ارض بها قحطان وافين الاشبار **** وياعز منهم بالشدايد بسيده

    واذكر عتيبـه يوم للطيب مغوار **** لا ثارت الهيجا وقرب ضديده

    وشمر هل الطولات والجود مقدار **** اهل الكرم واهل الفعول الحميده

    وقوم اعنزه مروين الاخصام الامرار **** اولاد وايل من عصور عهيده

    ومطير قوم تكرم الضيف لا زار **** وياويل خصم في حراهم وعيده

    واذكر قبيلة حرب يانعم الاخيار **** وتاريخهم يحكي سطور مجيده

    وسبيع نعم القوم ووجيه الاسفار **** زبن الدخيل ليا زبن من طريده

    واذكر قبيلة يام والطيب يندار **** اهل العلوم الوافيه والرشيده

    ثم الدواسر تجعل الخصم منهار **** عيال زايد عز منهم سنيده

    ثم السهول اللي لها الطيب مدرار **** وعن منهج العادات ماهي محيده

    ثم اذكر العجمان حماية الجار **** والمرجله والجاه فيهم عتيده

    واذكر بني مره طويلين الاعمار **** ما ينقد المري ولا له نقيده

    ثم الهواجر لابه تقدح النار **** اهل الركاب اللي خطاها بعيده

    واذكر بني خالد قبيلة وامار **** قوم لهم في المجد قول ورصيده

    وبني تميم اللي لها الطيب مصدار **** بني تميم وكل فعل تجيده

    ثم الزعوب اللي بها الخصم يحتار **** شجعان ماترضى سوا ماتريده

    العازمي وافي وفي الطيب بيطار **** روحه على كل المصاعب صميده

    ثم الظفيري في المصاعيب جبار **** والطيب والامداح باصله وطيده

    ثم اذكر الاشراف بجلال واكبار **** اهل الحجاز اللي تفك الزهيده

    ثم الهذيلي له مواقف ومندار **** راعي الفخر راعي العلوم السديده

    ثم البقوم اللي لهم جيش وامهار **** ريف الضيوف ليا لفاهم وليده

    واذكر ثقيف اللي لهم مجد وآثار **** ومهما حسبنا من كلام نعيده

    وبلحارث اهل العز بشهود واقرار **** ا لحارثي ياطيب فعله وجيده

    والمالكي معروف لا صار ما صار **** في موقف اهل الطيب يبذل جهيده

    واثني تحياتي عدد وبل الامطار **** على سليم وكل خصم تكيده

    واذكر جهينه هل مواقيف وادوار **** تلقى الجهيني راسم الطيب بيده

    واذكر بلي والمجدله فعل واظهار **** وتاريخهم يحكي فعول فريده

    وبني عطيه في المواجيب حضار **** قوم بوقت الجد قوم عنيده

    ثم الحويطي والكرامه له اشعار **** ثم الشراري له فعول مفيده

    ثم الرشيدي في الصعيبات صبار **** على علوم الطيب فعله يزيده

    وباقي جنوب الدار والقاف مادار **** باقي على قلبي كلام واشيده

    زهران نعم القوم في وقت الاضرار **** والخصم عينه من لقاها سهيده

    والغامدي معروف له عزم واصرار **** راعي المراجل والعلوم المفيده

    وشمران قوم والجمايل لها اطوار **** وبلقرن سم للقلوب النكيده

    والاكلبي والمحلفي مابعد بار **** والحارثي طيبه وفعله يشيده

    وبني شهر وبني عمر سيف بتار **** قوم على الاخصام نار وقيده

    والاسمري والاحمري صيتهم سار **** بين القبايل والمواقف شهيده

    واذكر عسير الهول ذربين الاذكار **** وابها احتموها فالسنين الشديده

    وادهم والصيعر على حد الاقطار **** يحمون حد الدار من اللي يريده

    وامشي مع الساحل مع جمله افكار **** رسمتها والطير زان تغريده

    وانزل على جيزان تاريخ واديار **** ورجال فيفا والقبايل عديده

    وارجوا العذر واهل المواجيب عذار **** الي نسيته مانذكر في القصيده

    الواهبي عدد ابيوته بالادوار **** من شاعر ماشل قلبه حقيده

    شهران ربعي هم هل المدح والكار **** واهل الكند واهل السيوف الجديده

    يوم البلد ما يامن الزند لاثار **** زيزومنا ابن مشيط نعم الوليده

    فالجهل شجعان وفي السلم تجار **** من بطن بيشه للتهم لارفيده

    حبيت ابين موقفي بين شعار **** وارجوا سموحتكم على ذا النشيده

    ماحب انافق واتعنصر تعنصار **** ولا ني باطيع اهل العقول البليده

    ما كل من طب البحر قيل بحار **** وما كل من شل الفشق جاب صيده

    فالشعر بستان به ورد وازهار **** واللي تعداها بيوته فقيده

    واقولها في الشعر تكرار وامرار **** ظرف بلا عنوان يلغى بريده

    وبعض السوالف له مواقف ومحضار**** وشعر بلا معنى لزوم نبيده

    وصلوا على المرسول شفاع الابرار**** محمد الهادي وقدوة عبيده

    منقوووووووووووووووووووول
  • نبض المشاعر
    مراقب سابق
    • Mar 2006
    • 5379

    #2
    حبيت ابين موقفي بين شعار **** وارجوا سموحتكم على ذا النشيده

    صح لسانك يامعااصرر

    واختيار رائع

    ننتظر جديدك
    دنيــــا ومــن يـــــدري كلــــ شــــئ يصـــير فيهــــا

    تعليق

    • بن برقا
      عضو نشيط
      • May 2003
      • 51

      #3
      .
      .

      عتيبي معاصر

      صح لسانك ولسان الشاعر

      ومشكوور على النقل الجميل|194|

      تحياتي

      تعليق

      • عجاج الليل
        عضو ماسي
        • May 2005
        • 716

        #4
        .
        .
        .
        .
        .
        عتيبي معاصر

        صح لسانك ولسان الشاعر

        ومشكوور على النقل الجميل

        تحياتي

        تعليق

        • عتيبي معاصر
          عضو ماسي
          • May 2006
          • 546

          #5
          نبض المشاعر

          صح بدنك ولاهنت على المرور الميميز

          والرائع هوو مرورك

          ولا تحرمنه ولك احترامي وتقدير

          تعليق

          • عتيبي معاصر
            عضو ماسي
            • May 2006
            • 546

            #6
            بن برقااا

            صح بدنك ولاهنت على المرور الميميز


            ولا شكر على واجب هذا لكي تستمر المنتدى

            في رقيه

            تعليق

            • عتيبي معاصر
              عضو ماسي
              • May 2006
              • 546

              #7
              عجاج اليل

              صح بدنك ولاهنت على المرور الميميز


              ولا شكر على واجب هذا لكي تستمر المنتدى

              ولك احترامي وتقديري

              تعليق

              العمل...