معووووووض خير

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    معووووووض خير

    شاعر الحمكة


    عبدالله الطلحي


    [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    معوّض خير ياحيٍّ تهقوى في الزمان ومال =سنينك لو رقيت بعدلها يطرحك مايلها

    تعلـّم واعرف انّ الدرب قدّامك سهَل وجبال = جبال تطـُولها وجبال بعيونك تخايلها

    ومعوّض خير يا حيٍّ ورَدت الما بدون حبال = يطول بك الوقوف وشربة الما ما تحصّلها

    وقوفك عند راس البير ما يسقيك لـو فنجال = ولا ينفعك شوف الجَمّه اللي ما انت طايلها

    ومعوّض خير ياحيٍّ خدَعك من الرجال اشكال = تشوف اشكالها وتحطـّها ارفع من منازلها

    تعلـّم من زمانك لا تصير من اجهل الجهّال = ترى في كل يوم تجيك عِبره لا تجاهلها

    إذا ربي وهَب لك عقل تلقى في الرجال رجَال = تعَرف اللي يطلـّع قيمتك واللي ينزّلها

    ترى من بعض ما يندِي الجبين ويحرج الرجّال = ليَا ساق الميانه في نفـوس ٍ ما تقبّلها

    ومهما شفت في صاحبك من نخوه وطِيبة فال = ترى بعض السجايا كثرة الإلحاح يقتلها

    معاريف الرجَال ديُون وديُون الرجَال ثقال = ليَا صرءت امتعافي ليش تغرق في جمايلها

    رصيدك في حياتك سُمعتك مع طيّبين الفال = رجَال الطِيب والمعروف بالمعروف عاملها

    وَلا تبدي بجاهك فـي مقام ٍ ما يسرّ الحال = ولا تشفع لناس ٍ ما تنومسك بفعايلها

    ليا جاتك تعَذّرها مادام العذر له مدخال = ووقت الجدّ قول الـها الصحيح ولا تجاملها

    وخذ مني نصيحه لا تصدّق كل ما ينقال = يجرّك للنميمه لين يطرحك بحبايلها

    يجي لك ناقل النمّات بهروج ٍ تغث البال = سوالف في قفاك وحظك اطيب يوم تجهَلها

    يبرّر بالحَميَّه والصداقه شينة الأفعال = يجمّل صورته بعلومه اللي ما تجمّلها

    ولو كانت حميّه فيك ردّ المخطيه في الحال = وَلا كان إستمَعها في قفاك وجاك شايلها

    ترى من جاب لك ودَّى وهذي عادة النقال = يحاول يقتنص من فمك كلمه لأجل ينقلها

    ومثل ما قال عندك راح عنـك وعند غيرك قال =وزوّد عشر فوق الكلمه اللي كنت قايلها

    تجنـّب مجلسه لا تجلس إلا مع كريم خـصال = تحمّل ميلته وان ملت مَيلتـك يتحَمّلها

    وَلا تصبر على الجار الردي لو هي ثلاث لـيال = تضرّك جـِيرته لو كان بيبانك تقفـّلها

    وبـِيع الدار بأوّل سومةٍ تـُعرَض على الدلاّل = ورزقك عند ربٍ كاتب اللقمه وكافلها

    وبنتك لا تزوّجها الردِي لو هو كثير المال = تربِّيها على الطالات وتشوّه سلايلها

    وكم من لاش يرمي خيبة إبنه فوق راس الخال = لو انّ الخال من رُوس الرجَال ومن دلايلها

    ليا منـّك عرَفت تـميّز الطيّب من البطـّال = وفادتـك التجارب في الحياه وفي مسايلها

    وكشفت الفرق ما بين الصحيح وحِيلة المحتال = وتعلـّمت الفِراسه في الوجيه اللي تقابلها

    بعَد هذي ترى ما لك غنى عن صحبة العقـّّال = يدلـُّونك برايٍ ٍ ينقض الدعوى ويفتلها

    يقولون الرجَال اللي سوالفهم حِكم وامثال = ليَا من ضاعت الحِيله يدلّ القوم عاقلها

    نصيحة واحدٍ جرّب وشاف من الزمان اهوال = يقدّم لك خلاصة هجرةٍ جرّب هوايلها [/poem]
  • أبو نجر النفيعي
    مشرف سابق
    • Jun 2006
    • 6683

    #2
    صح الساانك

    يا فيصل المسعوودي

    ولسااان شاااعرها

    قصيدة معبره

    ولاهنت
    .....




    تعليق

    • معاند الحظ
      عضو نشيط
      • Apr 2006
      • 50

      #3
      قصيده كلها حكمه درر وكلها امثال
      صح لسان شاعرها وصح لسان ناقلها

      تعليق

      • فيصل المسعودي
        مشرف عام
        • May 2005
        • 8296

        #4
        [align=center]صح بدنك ابو نجر


        ولا هنت انت ايضاً


        على المرور الذي اسعدني كثيراً


        تقبل تحياتي[/align]

        تعليق

        • فيصل المسعودي
          مشرف عام
          • May 2005
          • 8296

          #5
          [align=center]معاند الحظ


          مرورك وتشريفك


          اسعدني


          صح بدنك


          ولا هنت


          تحياتي[/align]

          تعليق

          • النافذ
            عضو مهم
            • Jul 2005
            • 6171

            #6
            صح الساانك

            يا فيصل المسعوودي

            ولسااان شاااعرها

            قصيدة معبره

            ولاهنت

            تعليق

            • فيصل المسعودي
              مشرف عام
              • May 2005
              • 8296

              #7
              [align=center]
              صح بدنك النافذ


              ولا هنت انت ايضاً


              على المرور الذي اسعدني كثيراً


              تقبل تحياتي[/align]

              تعليق

              العمل...