.......

طي
X
 
  • التوقيت
  • إظهار
مسح الكل
المشاركات الجديدة
  • عجاج الليل
    عضو ماسي
    • May 2005
    • 716

    #1

    .......

    هذي قصيدة ومجاراتها من شعار كلهم عتبان ارجوا ان تنال اعجابكم .


    ياذيب من حبه شربت البهاذيـل = من يوم سوى بي هذيك السوايـا

    ماهو بجرح الا جروح وغرابيل = واليوم باقي من جروحـه بقايـا

    مدري علامي كل مايظلم الليـل = زارتني همومي جيوش وسرايـا

    ياما سهرت اسامر الجدي وسهيل = واجـر وناتـن بقلبـي خفايـا

    اشكي غرام ام الرموش المظاليل = اللي موردني حيـاض المنايـا

    المهره اللي قلبي الهـا مداهيـل = عطيتها عمري وروحي هدايـا

    طلع غلاها لي خدعـه وتمثيـل = في حبها يارب تجبـر عزايـا

    عسى العوض لي فالليال المقابيل = باللي على ايديها شفاي ودوايـا

    وتحبني وتموت فيني وبالحيـل = تعزنـي علـى جميـع البرايـا

    وازيدها عشق ومحبـه وتدليـل = واحطها فالقلـب بيـن الحنايـا

    واكتب بها شعري واقوله مواويل = حتى يموتن غيض كل الصبايـا


    --------------------------------------------------------------------------------


    فاحت دلال الكيف بالبن والهيل = ونوّخت في طرق القصيد المطايا

    يامسندٍ يمّي جزال التماثيل = جاتك جزالٍ مثلهنّه حلايا

    يالمورقي ياشاعر الهمّ والويل = دايم تعاني من جروح وكوايا

    ذقت العنا من لابسات الخلاخيل = بيض البنات مبّدلات النوايا

    إلهن على درب الهواوي محابيل = وطريقهن في الحب كله لوايا

    إسلوبهن مكر ودعاية وتضليل = وقلوبهن بالحقد سود وحوايا

    والبنت منهن لاهتوت حيلها حيل = تدرس ظروفك من جميع الزوايا

    وتاخذك بالهرج المنمّق وبالقيل = لين إنها ترديك ضمن الضحايا

    ياليتها بالسيف والرمح والخيل = ومقابل الظفران دون الرعايا

    كان التويت بسد ذباحت الحيل = واخذت حقك من جموع الطنايا

    لكنها مكر ودعاية وتضليل = طبع البنات مبدلات النوايا


    تحياتي لكم
  • الجـذع
    عضو ماسي
    • Sep 2006
    • 412

    #2
    حتى يموتن غيض كل الصبايـا

    طبع البنات مبدلات النوايا


    قصيده جميله ولاهنت على النقل

    تعليق

    • عجاج الليل
      عضو ماسي
      • May 2005
      • 716

      #3
      شرفني مرورك ومشاركتك . تحياتي لك أخوي الجذع .

      تعليق

      • ذيب السبايا

        رابطة محبي الهيلا

        • Oct 2005
        • 1794

        #4
        الله لايهينك ياعجاج الليل

        تعليق

        • عجاج الليل
          عضو ماسي
          • May 2005
          • 716

          #5
          اخوي ذيب السبايا شكراً على مرورك ومشاركتك . تحياتي لك .

          تعليق

          العمل...