لاصار جدك ماترك لك ملاييـن|ماهوب لازم تشتري له ضحيه

طي
X
 
  • التوقيت
  • إظهار
مسح الكل
المشاركات الجديدة
  • الأمــير

    رابطة محبي الهيلا

    • Aug 2005
    • 5162

    #1

    لاصار جدك ماترك لك ملاييـن|ماهوب لازم تشتري له ضحيه

    الشاعر سعود جمعان المطيري من الشعراء المبدعين


    وقد حصل له موقف مضحك قبل فترة قصيرة

    يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
    وهو يتشكى كان مركز بعيونه على سعودجمعان

    قال له سعود هالأبيات:





    يا ابن الحلال اللـي تشكـى علينـا
    حنّا لنا بوضع على الله مشاكيه
    كانـك تحـرى للعـطـا مــن يديـنـا
    عزالله إنك عندنا ما أنت لاقيـه
    ماهو ردى بس أرثع الوقت فينـا
    ماعندنـا ماناكـلـه دون نعطـيـه




    ..................................................


    ومرة كان سعود جالس بمجلس
    وكان فيه شيخ يحدث ويقول من ضمن الحديث إننا بأعظم نعمة بتاريخ البشرية

    قال له سعود : ياشيخ أنا عندي مداخلة

    قال له الشيخ تفضل


    قال سعود هالأبيات:





    ياشيخ شخيت الضحـى فـوق ثوبـك
    وانته تروغ عن نحور الصواريخ
    النعمـة الـلـي بــس ياشـيـخ دوبــك
    ماتحسـب أكبـر نعمـة بالتـواريـخ
    وإن كـان هــذا بالتـحـدث أسلـوبـك
    فعز الله إنك لقطة غليـس ياشيـخ




    ..................................................

    وزماااااااااااان كان سعود طالع من المسجد ولقى وحدة رافعة يدها وتشحذ عند الباب
    قال لها سعود:





    يابنت ياللـي بالمساجـد تطوفيـن
    كفـي يدينـك قبـل نأخـذ ريالـك
    حـنــا تـرانــا كـلـنـا مستحـقـيـن
    ماهو أنتي اللي مستحقة لحالك
    لو لا الحيا شفتي وزانك ثلاثيـن
    أحد يميـن منـك وأحـدٍ شمالـك
    مرفـعـيـن إيديـنـنـا ومتـقـاعـيـن
    الموجب إن أحوالنا مثل حالـك




    ..................................................


    ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري






    أنـــا لـقـيـت الـبـنـك مــثــل اخـويـايــه
    مايقضـي الحاجـة إلــى جــاه محـتـاج
    أمــس الضـحـى مـريـت كـــل زمـلايــه
    وكــلٍ عـطـى لــه بالمعـاذيـر منـهـاج
    وضنـيـت بـاقـي فــي رصـيـدي بـقـايـه
    وحركـت نـاصٍ حـارس البنـك هجـاج
    ودقـيـت رقـمـي صـــح مـابــه روايـــه
    طلع على الشاشة : لا داعي للإزعاج





    ..................................................


    وسعود ما عمره دخل البنك لأنه يقول






    يـا أهـل الوظايـف قـولـوا الحـمـدلله
    على معوشتكم ولـو رزقهـا ضنـك
    أنـا وجنـسـي رزقـنـا لــو وصفـنـاه
    حوذ الحنك مافيه زودٍ عن الحنـك
    ماطـاح قــرشٍ فــي يديـنـا قرشـنـاه
    ودايم طفارى الله يجيـرك ويامنـك
    الـبـنـك لـــولا لـوحـتـه مـاعـرفـنـاه
    من قل ماندخل على موظف البنـك
    مـاغـيـر نـقــرا لـوحـتـه ونـتـعــداه
    وإن قيل هذا البنك قلنا اتركه عنك
    لاوا هـنــيــك يـالـغـنــاوي هـنــيــاه
    تـرقـد وحـنــا بـالـدراهـم نـمـونـك
    نفـرح إلـى مـن المـعـاش استلمـنـاه
    ويـهــج مـنــا قـرشـنـا ويتـزبـنـك
    والله يالوتـصـرف ربــع ماصرفـنـاه
    ليصيبك السكر مع الضغط والتنـك
    ولـولا جهدنـا وجهدنـا اللـي بذلـنـاه
    ماتنفـخ ذروبـك وتـمـلأ مخـازنـك
    مـيـر المـقـدر مالـنـا غـيـر نـرضـاه
    مرزقك منـا وسقمـة أرقابنـا منـك




    ..................................................


    طبعا والشاعر سعود جمعان المطيري
    هو صاحب القصيدة اللي يرددون الناس بيتها الأول دايم

    والقصيدة هي





    لاصـار جـدك ماتـرك لــك ملايـيـن
    ماهوب لازم تشتـري لـه ضحيـه
    قل له ياجـدي جعلـك مـن المناجيـن
    والله ماتـسـوى قيـمـة البربـريـه
    عقبتنـي للـديـن ومـصـارع البـيـن
    ومن زين طبعك كاتبٍ لك وصيه؟
    لو أنت ما أخذ لك من الخد حوشين
    يوم الأراض بـلاش وسـط العليـه
    إن كـان تلقانـي مـن أهـل الدكاكيـن
    مطنـطـخٍ هالـحـيـن مـيــة بـمـيـه
    لـكــن يـاجــدي ضحـيـتـك بـعـديـن
    إن سهـل المـولـى ثمنـهـا علـيـه
    حنا بوقتٍ شين وأشين من الشيـن
    فيـه الخـوي ماعـاد ياثـق خـويـه
  • ابـن نـعـيـس
    مشرف سابق
    • May 2005
    • 5666

    #2
    صح لسانك ولسان المطاري


    لاهنت يالغالي



    تحيااااااااااااااااااااااااتي
    [align=center][/align]

    تعليق

    • الأمــير

      رابطة محبي الهيلا

      • Aug 2005
      • 5162

      #3
      شكرا على المشاركه



      يــــــا بن نعيس

      تعليق

      • مطر
        عضو نشيط
        • Jul 2006
        • 49

        #4
        الشاعر سعود شعره ممتع

        مشكور على النقل الحلو

        ماقصرت

        تعليق

        • الأمــير

          رابطة محبي الهيلا

          • Aug 2005
          • 5162

          #5
          شكرا اخوي (( مطر )) على هذه المشاركه الجميله

          تعليق

          • السّامي
            عضو فضي
            • Aug 2005
            • 262

            #6
            صـح لـسـانـك يـالـذيـب ولـسـان الـمـطـيـري والله يـعـطـيـك الـعـافـيـه
            تـحـيـاتـي لـك يـالـغـالـي


            اخــوك الــنـفـيـعـــي_الـنـيـــــــــر

            تعليق

            • الأمــير

              رابطة محبي الهيلا

              • Aug 2005
              • 5162

              #7
              شكرا على المشاركه الجميله

              يـــا (((( النفيعي -النير ))))

              تعليق

              • شـ2000ـاعر
                عضو نشيط
                • Jun 2006
                • 42

                #8
                تسلــم علي هالنقـل الجمــيل يالــذيب وصــح ألسان أخونا الشـاعـر الفـكاهي سعــود المطــيري

                والله يــدوم صداقتكــم اّمــين ..



                تــري صاحبــنا صكـ علي أبـو نـواس


                هـا هـا هـا

                تعليق

                • الأمــير

                  رابطة محبي الهيلا

                  • Aug 2005
                  • 5162

                  #9
                  شاعــــ 2000ـــــر شكرا على المرور

                  تعليق

                  • الأمــير

                    رابطة محبي الهيلا

                    • Aug 2005
                    • 5162

                    #10
                    فيصل القثامي



                    غريبه والله وييييييييييييييييييييينك

                    تعليق

                    • أبو فيصل
                      مشرف سابق
                      • Dec 2004
                      • 3538

                      #11
                      [align=center]صح لسانك ولسان شاعرها


                      ويعطيك العافيه



                      تحياتي
                      [/align]
                      لا إله إلا أنت سبحانك إني كنت من الظالمين

                      تعليق

                      • الفراهيدي
                        مشرف سابق
                        • Jan 2005
                        • 3188

                        #12
                        صح لسانك ولسان المطاري


                        لاهنت يالغالي


                        على النقل المميز



                        تحياااااااااااااااااتي


                        AL-frahedi@hotmail.com


                        تعليق

                        • الأمــير

                          رابطة محبي الهيلا

                          • Aug 2005
                          • 5162

                          #13
                          000000000000الفراهيدي00000





                          شكرا على المرور المستمر والمبدع في نفس الوقت

                          تعليق

                          • الأمــير

                            رابطة محبي الهيلا

                            • Aug 2005
                            • 5162

                            #14
                            وين ردودكموا

                            تعليق

                            • فيصل القثامي
                              مشرف سابق
                              • Apr 2006
                              • 1308

                              #15
                              تم النشر في الأصل بواسطة ذيب الحنابج
                              فيصل القثامي



                              غريبه والله وييييييييييييييييييييينك
                              فيصل القثاامي .........

                              موجوووووووود ..

                              لاهنت على النقل ......

                              تحيـاتـ ي |194|

                              تعليق

                              العمل...