درس في المرجله قدمته الشاعرة نوف العتيبي بيض الله وجهها وجه اهلها

طي
X
 
  • التوقيت
  • إظهار
مسح الكل
المشاركات الجديدة
  • ابوسعدالحليفي
    عضو فعال
    • Jun 2003
    • 130

    #1

    درس في المرجله قدمته الشاعرة نوف العتيبي بيض الله وجهها وجه اهلها

    الشاعره نوف بنت شطيط العتيبى ودروس فى المرجله

    --------------------------------------------------------------------------------

    عنوان القصيده (المرجله)




    إذا المراجل لبسة شماغ وعقال ****** قل للعذارى يلبسنّ العمايم

    ما عاد يفرق زول حرمه ورجال ****** دام الفعايل تشبه البعض دايم

    المرجله ما هيب كلمه وتنقال ****** وتروح ما راحت هبوب النسايم

    وإلا خشونة صوت أو رفع الأثقال ****** أو رزة صدور وفعل الزلايم

    ولا هي بعد مفتاح موتر وجوال ****** وإلا ردى لسانن حديثه شتايم

    المرجله شيمه عن القيل والقال ****** رفيع نفس (ن ) حر بالجو حايم

    المرجله عقلٍ وزن وزنه جبال ****** ودون العقل وش فرقنا والبهايم

    يا مسندي لو مايل الوقت بي مال ****** يا ولد أبويه يا عظيم العزايم

    يا معرب الجدين من العم والخال ****** يا نخوة المفزوع وقت الهزايم

    المرجله يا خوي هي طولة البال ****** هي العزم هي الصبر فالظلايم

    فيها الكرم عزه دله وفنجال ****** فيها الكرامه عن ردى الطبع شايم

    والدين لامنه خذا القلب منزال ****** مشى طريق الحق وابليس نايم

    ومن لا عرف ربه في طيب الحال ****** لابد وقت الضيق بالهم هايم

    حتى صلاتك مع جماعات ورجال ****** في خيرها يا خوي نعم الغنايم

    ولامن نصف ليلك قم صفي البا ****** يا عظم أجرك بين ساجد وقايم

    ولا من رفع ربي له كل الأعمال ****** حسن الذكر لا قالو فلان صايم

    وخلك شريف القصد يا طيب الفال ****** سوء المقاصد فالبيوت الهدايم

    واحذر تبيع النفس في دب الأنذال ****** وتتبع خوي إبليس راع النمايم

    النفس خيل لك إذا كنت خيّال ****** ومن لا قوى نفسه قوته الهزايم

    ولا صرت ما تدري لو يش أنت رجال ****** والله خسارة فيك ذبح التمايم
  • ابو سديم
    عضو ذهبي
    • Apr 2006
    • 333

    #2
    المرجله شيمه عن القيل والقال ****** رفيع نفس (ن ) حر بالجو حايم

    المرجله عقلٍ وزن وزنه جبال ****** ودون العقل وش فرقنا والبهايم

    صح لسانها

    وانا اشهد انها ابدعت


    ولا هنت اخي ابو سعد الحليفي

    ابو سديم

    تعليق

    • ابوسعدالحليفي
      عضو فعال
      • Jun 2003
      • 130

      #3
      للامانه منقول

      تعليق

      • ابوسعدالحليفي
        عضو فعال
        • Jun 2003
        • 130

        #4
        اشكر مرورك ابو سديم وبصراحة لهذا يقال الشعر وينقل والا فلا وكثير من المعاني السامية في للاسف الكثير لايعرفها في عصر المكايد وردة الفعل الحمقاء التي تودي بصاحبها لاكتساب اثم او ضياع حق ويلاحث في القصيدة تاثير الوازع الديني والثقة بالنفس نتيجة التربية السليمة فاقصيدة بصراحه تستحق ان تكبر وتبروز لما فيها من عبر وخاصة عقب كل كلمة المرجلة بصراحة تستحق التثبيت والنشر

        تعليق

        • أبو مرحبا
          مشرف عــام
          • Jan 2005
          • 8037

          #5
          ما عاد يفرق زول حرمه ورجال ****** دام الفعايل تشبه البعض دايم

          فالصميم

          قنبلة في روس

          اللي يجلدون الشنب اللي ماتفرق بينه وبين أخته

          ابوسعد الحليفي

          صح السانك والسان بنت الرجال

          بيض الله وجهها
          |194|
          [align=center]



          [/align]
          [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
          [align=center][/align]

          تعليق

          • جهيبذاوي
            عضو ماسي
            • Dec 2005
            • 411

            #6
            المرجلة يا خوي هي طولة البال,,,,,,,,,,,,,,,هي العزم...هي الصبر فالظلايم
            فيها الكرم عزه ودله وفنجال,,,,,,,,,,,,,,,,,,,فيها الكرامة عن ردى الطبع شايم

            يا سلام..

            سعة أفق..وبعد نظر...لا تجدها إلا نادرا هذه الأيام..

            والله ونعم فيها وفي منبتها الطيب..

            تسلم يا الحليفي على النقل الممتاز..

            تحياااااتي

            تعليق

            • مؤمن
              مراقب سابق
              • Mar 2006
              • 1080

              #7
              ابدعت العتيبيه

              مشكور اخوي ابو سعد الحليفي على نقل القصيدة


              ولك كل الحب والمودة

              تعليق

              • ابوسعدالحليفي
                عضو فعال
                • Jun 2003
                • 130

                #8
                شكر للاخوان قحص جهيبذاوي اثلث
                على المرور والتعليق
                وبصصراحة لااخفيكم المنتدي قل نشاطه مدري يمكن الاسهم اشغلت الناس
                او المواضيع صارت اقل عمق من قبل ؟؟
                مع تمنياتي بالتوفيق للجميع

                تعليق

                • فهد الرويس
                  عضو
                  • May 2006
                  • 22

                  #9
                  قصيدة رائعة ومعاني اروع

                  صح لسانك

                  ويسلم من نقل القصيدة

                  تحياتي

                  تعليق

                  • ابوسعدالحليفي
                    عضو فعال
                    • Jun 2003
                    • 130

                    #10
                    الاخ فهد
                    مشكور على المرور

                    تعليق

                    • نبض المشاعر
                      مراقب سابق
                      • Mar 2006
                      • 5379

                      #11
                      صح لسانهااا


                      قصيدة رائعة

                      ابو سعد

                      اختيار موفق

                      لاتحرمنا جديدك

                      دمت بود
                      دنيــــا ومــن يـــــدري كلــــ شــــئ يصـــير فيهــــا

                      تعليق

                      • راقي سنود
                        عضو نشيط
                        • Apr 2006
                        • 35

                        #12
                        النفس خيل لك إذا كنت خيّال ****** ومن لا قوى نفسه قوته الهزايم

                        ولا صرت ما تدري لو يش أنت رجال ****** والله خسارة فيك ذبح التمايم

                        صح لسانها ولسانك

                        عزاالله انها كفت ووفت

                        مشكور اخوي ولا هنت على النقل

                        اخوك
                        راقي سنود

                        تعليق

                        • ابن نميان
                          فريق التصميم والتطوير
                          • Jul 2005
                          • 2581

                          #13
                          انشهد انها درة في معانيها
                          ’,’




                          ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

                          [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

                          تعليق

                          • ابوسعدالحليفي
                            عضو فعال
                            • Jun 2003
                            • 130

                            #14
                            الاخوه الكرام
                            نبض المشاعر
                            راقي سنود
                            ابن نميان
                            اشكر مروركم مع تمنيات للجميع بالتوفيق

                            تعليق

                            • ابـن نـعـيـس
                              مشرف سابق
                              • May 2005
                              • 5666

                              #15
                              بيض الله وجهها وجه اهلها


                              وبيض الله وجهك



                              تحيااااااااااااااااااااااااااااتي
                              [align=center][/align]

                              تعليق

                              العمل...