lvedm

طي
X
 
  • التوقيت
  • إظهار
مسح الكل
المشاركات الجديدة
  • ابن رايس
    عضو نشيط
    • May 2006
    • 50

    #1

    lvedm

    بسم الله الرحمن الرحيم
    ام الجمايل توفت كيف ابنساها
    اقفت بها علةٍ ماني بفاهمها
    فاذواد اهل نجد ماتلقى حلاياها
    محولن خشمها هدلن براطمها
    زينه ليا ناحرت زينٍ مقفاها
    جردن سنادن تخيب من يزاعمها
    وليا مشت يلفت الانظار ممشاها
    تقول تجزع من الرقه قوايمها
    تاخذ شهر فالثرى ماراح ماطاها
    مبرومة فخذها فجٍ مقادمها
    مقياظها نجد والصمان مشتاها
    ياكم وكم ديرة ذبت خرايمها
    منها قرا الضيف لامنه تنصاها
    ماخمها الزول بحبالها يحزمها
    خمسة رياجيل اصدرهم من اسياها
    واروي ثلاثة عشر من در قادمها
    عاشت كريمه وراع الونش ماجاها
    وغيري من الناس ماجدد مياسمها
    لاشك جاها زبونٍ ماتعداها
    ارسل سبوره علاها لين حكمها
    ودعتها يوم داع الموت نادها
    ادموعها حولت ووحي ترزمها
    تبكي وتشكي عليه عظم بلواها
    وانا جداي اكظم العبره وازايمها
    من عقبها الذود ماعاد نبغاها
    حلفت فالسوق باول سوم ابصرمها
  • فواز الشيباني
    موقوف لمخالفة الأنظمة
    • Apr 2005
    • 2001

    #2
    الله يعطيك العافيه
    ولاهنت ياغالي

    تعليق

    • معاند الحظ
      عضو نشيط
      • Apr 2006
      • 50

      #3
      بين الناقه وراعيها علاقة عشق مايعرفها الا اهلها
      الله يعوض على الشاعر باطيب منها

      تعليق

      • مؤمن
        مراقب سابق
        • Mar 2006
        • 1080

        #4
        مشكور اخوي ابن رايس على القصيدة



        والله يعطيك العافية وبيض الله وجهك



        ولك كل الحب والمودة

        تعليق

        • نبض المشاعر
          مراقب سابق
          • Mar 2006
          • 5379

          #5
          صح لسانك وسلم بنانك
          دنيــــا ومــن يـــــدري كلــــ شــــئ يصـــير فيهــــا

          تعليق

          • ابن رايس
            عضو نشيط
            • May 2006
            • 50

            #6
            بيض الله وجيهكم جميعاً على هذه الردود الجيدة وجعلكم دائماً في الوجود

            ابن رايس البرقاوي

            تعليق

            العمل...