لا بد اموت ولا ذر تتقي به

طي
X
 
  • التوقيت
  • إظهار
مسح الكل
المشاركات الجديدة
  • أبوثنتين

    رابطة محبي الهيلا

    • Nov 2005
    • 1379

    #1

    لا بد اموت ولا ذر تتقي به

    الأخوة الكرام


    سبق أن أوعدتكم بأن أنقل لكم أحد القصائد المسماة الشيخة

    وأعتقد أن قصيدة الامير الشاعر/تركي بن حميد رحمة الله عليه التي منها هذا البيت :

    ( من لا يقدم شذرة السيف والكيس
    000000000 تبدي عليه من الليالي ثلومي )

    تعتبر شيخة

    وأيضاً قصيدة الشيخ الشاعر/شليويح العطاوي التي وصفت معركة طلال بشكل كامل

    تعتبر شيخه

    وقصيدة مقحم الصقري العنزي


    وكما ذكروا قصيدة الشيخ/مشعان


    وقصيدة محمد بن حسين الدسم التي نحن بصددها


    وإليكم المقدمة والقصيدة كما ذكرها المؤلف :


    هذه واحدة من أبلغ قصائد محمد بن حسين الدسم في الحكمة والموعظة من تجارب الحياة , وهي تسمى : ( الشيخة ) حيث أن هناك ثلاث قصائد تسمى ( الشيخة ) منهن قصيدة الشيخ مشعان وقصيدة مقحم الصقري وهذه القصيدة , وقد نشر بعض أبياتها البحاثة الأردني روكس بن زايد العزيزي في كتابه ( معلمة التراث الأردني ) ونسبها لغير صاحبها وها هي القصيدة كاملة قالها : محمد يوصي أخاه أبا زعزوع فيقول :


    [frame="1 80"]يا اخوي لك عندي وصاة مصيبه 00 ترى وصاتي تلمس العقل وتصيب

    ترى وصاة اخوك ما به معيبه 000 ما دام اخوك مكمل العقل وامنيب

    لابد اموت ولا ذرى تتقي به 000 واخشى توازي للدروب الضنابيب

    سمر الليالي ما تعلم بغيبه 000 ولا يعلم الا صاحب العلم بالغيب

    ودي تحرص عن بلا كل ويبه 000 ويصير بك عرف وكمال وتأديب

    ولا المقدر صار ما ينحكي به 000 ما ينمحي هذا من الله مكاتيب

    اول وصاتي بالفروض الوجيبه000 صوم وصلاة وأد كل المواجيب

    وثاني وصاتي للأمور الصعيبه000 أصبر وبأمر الله تهون المصاعيب

    جرح عبي له ما يكلف طبيبه 000 وفيه شي الا مضاله تجاريب

    وثالث وصاتي تلعة ينعدي به 000 تلقا عليها بينات المساريب

    واللي عدابه ذيب من ذيبه 000 ولا واحد عدابها غير هو ذيب

    ترى هذاك العرف من غير ريبه 000 راعيه ما يطلب ولا له مطاليب

    ورابع وصاتي كثرة الهرج خيبه 000 هرج بلا معناه مسموج ويخيب

    لا صار ما عندك علوم غريبه 000 وسط الرجال ترتب الهرج ترتيب

    وخامس وصاتي خفة الرجل عيبه 000 من كثر الدوجات يركض له العيب

    ان كان ما عندك لوازم تجيبه 000 تنحر لزومك كان ما جاك واتجيب

    وسادس وصاتي كل معزه وهيبه 000 عيلك بسفن البر حرش العراقيب

    ولا يعجبك زبد الغنم والرويبه 000 ترغب لحوش الضأن وتخلي النيب

    راعي الغنم يشيب من قبل شيبه 000 والبل معزه تجلي الهم والشيب

    اليا اشلهب الوقت لو هو حليبه 000 يوصلك لديار الهنا والتعاجيب

    وسابع وصاتي كان صابتك سيبه 000 وتقدر على كثر الثمن والمطاليب

    بنت الحمولة والأصيل العربيه 000 اللي اقتناهن نال لذة وترغيب

    واللي اقتنا بنت الردي والهليبه 000 اصبح بهم وجنب الربح تجنيب

    والعوز يرث لك مذله وريبه 000 أردى الرجال اللي يسمونه السيب

    عليك بالسقمة ولو هي تعيبه 000 ما دام بك حيل تنط المراقيب

    ترى كثير المال كلن حبيبه 000 ينقال له فت جاي لو ما فعل طيب

    ومن قل ماله صار شن أروي به 000 لو كان طيب يكثرن به شواذيب

    وثامن وصاتي علمها ينحري به 000 ترى الدروب الفاسدة فعلها ريب

    درب الدنس والعايزة والقريبه 000 ترى هذيلن من كبار العذاريب

    ثنتين من داخلي عليهن احكي به 000 والعلم يظهر من أذان الاعاريب

    مداخلي على عرضه مثل شق جيبه 00ومداخلي على وجهه تعيبه معاييب

    وتاسع وصاتي عن مناقر شريبه00 لا صار ما هو من وساع المساريب

    خله ويلقا بالموارد لعيبه 000 عند الموارد يكثرون اللواعيب

    ومن دور العيلات غربل نصيبه 000 حسب حسابه من حساب المذاهيب

    ومن ترك الشيطان حقه غدي به 000 ومن هاب طبات الملاعيب ما هيب

    عن واحد يبلاك أو تبتلي به 000 حديكم يناحر ديار الأجانيب

    وعاشر وصاتي كان حلت مصيبه 000 وبلاك ربك وابتلوك المغاضيب

    احذر تمضي ما تسمى غليبه 000 أمض وتبين عن لحاق المشاعيب

    أزبن على حصن الرجال الصليبه 000 اللي يحلون العقود المناشيب

    اللي زبنهم ما يجي له طليبه 000 عده بعيطا عن سموم اللواهيب

    وعندي وصايا للعقول اللبيبه 000 للي يضمه بالضلوع المحاديب

    الضيف ضيف الله وصابه حبيبه 000 استقبل ضيفك في تهلي وترحيب

    قلط له الميسور وما هان جيبه 000 واحلف عن المذخور دين المعازيب

    وخويك اللي بالخلا تبتلي به 000 خيال ولا فوق عوج المصاليب

    أو من مشى رجلي ولا له نجيبه 000 أو عورة يبلا بها عالم الغيب

    أصبر وراعي الصبر مشكور طيبه 000 عند اللي يدور الفخر والمراتيب

    وقصيرك اللي ما يصيبك يصيبه 000 وصابه الله له كرامه وتوجيب

    والعبد لا بد ما كتب له يصيبه 000 واللي تجنب تايح الرمي ما صيب

    الشيوخ والحكام زمل منيبه 000 بهم عمار وقضي لازم وتخريب

    ما ينومن من شان منهم حليبه 000 عقب الصداقه ينقلب كنه الشيب

    أهل خفايا وغيبهم ما دري به 000 بتحدرجون بدون عيب وتذنيب

    عشرانهم أهل العلوم العجيبه 0000 وصدقانهم مروين حد المغاليب

    وإن كان ما حدا الثلاثة تجيبه 000 مالك بهم والدرب شرقاً وتغريب

    خويهم ما يشتهي نفض جيبه 000 حكاي وجهين يقص العراقيب

    هذي يوديها وهذي يجيبه 000 وهذي يسويها بين صدقاً وتكذيب

    واللي حكى بين الصحيب وصحيبه 000 مخرب ويخرب بين ناساً اصاحيب

    سوالفه دايم نميمه وغيبه 000 ولا يستحي كوبان من كلمة العيب

    واعي النقيلي لا توارد قليبه 000 خل الردي ما فاد قربه ولا ايثيب

    حذراك لا تنزل جوانب شعيبه 000 وبالك تحطه يا أبو زعزوع بالجيب[/frame]


    منقول





    ابوثنتين
  • سحاب الصبيحي
    عضو فعال
    • Apr 2006
    • 167

    #2
    مشكووووووور يا خــــــوي أبو ثنتين



    على هــــــــــذا المجهـــــــــــــود الجبـــــــار



    و لا هــــــــــــــــــــــــــــــنت




    تحيااااااااااااااااااااااااااااااتي

    تعليق

    • فيصل المسعودي
      مشرف عام
      • May 2005
      • 8296

      #3
      نقل طيب


      وجزل


      وأكثر من رائع


      تشكر عليه ياغالي


      تحياتي

      تعليق

      • فواز الشيباني
        موقوف لمخالفة الأنظمة
        • Apr 2005
        • 2001

        #4
        مشكووووووور يا خــــــوي أبو ثنتين



        على هــــــــــذا المجهـــــــــــــود الجبـــــــار



        و لا هــــــــــــــــــــــــــــــنت

        تعليق

        • أبوثنتين

          رابطة محبي الهيلا

          • Nov 2005
          • 1379

          #5
          [grade="00008B FF6347 008000 4B0082"]الأخوة الاعزاء


          سحاب الصبيحي

          ***

          وفيصل المسعودي

          ***

          وفواز الشيباني

          ***

          تحية طيبة


          يهمني مروركم


          وتفاعلكم مع الموضوع


          وأشكر لكم مشاعركم الطيبة



          ولابد من النهوض : ( بمنتدانا المميز )



          وتلك القصيدة تعتبر بمثابة النصيحة والتوجيه


          من الأخ لأخيه . . . . . والأب لأبنه . . . . . والرفيق لرفيقه . . . . . . والصديق لصديقه


          والتي توضح مدى تجارب الرجال في الحياة


          الحياة بكل معانيها ( من عقيدة . . . . وتجارب . . . . وتعامل وتبادل المصالح بين الناس . . . . وإيضاح للتراث والعادات الأسلامية والعربية الأصيلة . . . . . وما يواجه الأنسان من عقبات ومشاكل في حياته )




          وأرجو لكم التوفيق من الله [/grade]

          تعليق

          • مؤمن
            مراقب سابق
            • Mar 2006
            • 1080

            #6
            مشكور اخوي ابو ثنتين على المجهود الكبير الذي بذلته من اجل نقله لنا بأحسن صورة لك


            لك كل الشكر الجزيل على هذا المجهود الهائل


            ولك كل الحب والمودة

            تعليق

            • نواف2007

              رابطة محبي الهيلا

              • Mar 2006
              • 1513

              #7
              صح لسانك وسلم بنانك


              والله يعطيك الف عافيه


              تقبل سلامي ياغالي

              تعليق

              • أبوثنتين

                رابطة محبي الهيلا

                • Nov 2005
                • 1379

                #8
                الاخوة

                @@@

                نواف


                الثلث




                أشكر لكم


                مروركم



                وأمل أن يطلع على تلك القصيدة



                أكبر شريحة من الأخوة


                من إدارة 00000 وأعضاء 0000000 وزوار



                وبالتوفيق للجميع

                تعليق

                العمل...