والبرق نوه من كريم الخيالي

طي
X
 
  • التوقيت
  • إظهار
مسح الكل
المشاركات الجديدة
  • نواف2007

    رابطة محبي الهيلا

    • Mar 2006
    • 1513

    #1

    والبرق نوه من كريم الخيالي

    يابوفهد يامسنـدي روح الطيـر
    صفقت بالكف اليميـن الشمالـي

    يوم الربوع العصر روح على خير
    اتل النظر يومه عطى راس عالي

    عز الله انه ماحصل منه تقصيـر
    ياكـود يومنـه تركنـي الحالـي

    لوحت بالملواح واقـول مايصيـر
    خليتنـي ياطيـر ضيقـت بالـي

    مايصير ياغنـام واف الاشابيـر
    كـم مـرة خاويتنـا للشمـالـي

    اكرمك مثل امكرميـن الخطاطيـر
    واطعمك من ماجود حالي ومالـي

    انـا وطيـري فرقتنـا المقاديـر
    عقب الفراق اليوم عزي الحالـي

    الكبد فيهـا مثـل دق المساميـر
    شكـواي للمعبـود رب الجلالـي

    والحال فيها من غثا الوقت تاثيـر
    من عقب فرق الطير واعزتالـي

    لحظه بسرعه صار بالجو تغييـر
    ياظنتـي ماهـو ابلاقـن بدالـي

    كم مرة مز لنـا الخـرب تمزيـر
    حر وفعلـه بالوعـر والسهالـي

    في رحلـة مانعدهـا بالمخاسيـر
    لصـار بالخـوه اقـروم العيالـي

    انشهدن الطيـر ويـا المناعيـر
    اخير عندي من رصيـد الريالـي

    لوندني رحلـه فـلا والله اسيـر
    لكن انا شفي ازحـول الرجالـي

    وخوة رفيق لـه معـزه وتقديـر
    يعجبك بالمقناص وصدره شمالـي

    عبرة عن ماكنـه القلـب تعبيـر
    وناستي لاجبـت صفـر الدلالـي

    والهيل بهرته مـع البـن تبهيـر
    وسوالف تطربـك لجـا المجالـي

    ماهي على نمه ولاهـي ابتزويـر
    سوالف بالصيد ماهـي اهزالـي

    وخصن الياشفنا المزون المزابير
    والبرق نوه من كريـم الخيالـي

    ماهمني لـو طولـن المشاويـر
    يالايمي راسك من العقـل خالـي

    راع الولع مايستمـع للشواويـر
    لوكان جاته من رفيـق اموالـي

    واللي يبي الطولات مايرقد اعصير
    يصبر على الدنيا ومـر الليالـي

    وش عذركم يامعذربين الصقاقيـر
    ترى الاجابه في سطور السوالـي

    والهرج ماينفع على غير تبريـر
    والرجل مايسمـع ابقيـل وقالـي

    ناس مع الدنيا وجمـع الدنانيـر
    وصرف مع البران مالـه مجالـي

    لارحبو بالضيف ولاهـم مساييـر
    ياحبهـم للنـقـد والاحتيـالـي

    وعلـى رسـول دلنـا للتياسيـر
    صلاة ربي عـد بـرق شمالـي


    منقووووووووووول
  • مؤمن
    مراقب سابق
    • Mar 2006
    • 1080

    #2
    مشكور اخوي نواف2007على تلك القصيدة الرائعه


    دائماً تميز واضح و ذوق راقي


    ولك كل الحب والمودة

    تعليق

    • فواز الشيباني
      موقوف لمخالفة الأنظمة
      • Apr 2005
      • 2001

      #3
      صح لسانك

      و

      سلم بنانك

      يا غالي

      ع النقل الرائع

      يا نواف 2007

      تعليق

      • نبض المشاعر
        مراقب سابق
        • Mar 2006
        • 5379

        #4
        وش عذركم يامعذربين الصقاقيـر
        ترى الاجابه في سطور السوالـي

        واااااااااااااو

        ذوووووووووق

        يسلموووو نواف 2007
        دنيــــا ومــن يـــــدري كلــــ شــــئ يصـــير فيهــــا

        تعليق

        • سحاب الصبيحي
          عضو فعال
          • Apr 2006
          • 167

          #5
          مشـــــــــكورررررررررررررر يعـــــــــطيـــــــــك العـــــــافيــــــــة



          تحيااااااااااااااااااااااااااااااااااااااااااااااا ااااااتي

          تعليق

          • ابـن نـعـيـس
            مشرف سابق
            • May 2005
            • 5666

            #6
            صح لسانك وسلم بنانك


            رائع دائما


            تحياااااااااااااااااااااااااااااااااااااتي
            [align=center][/align]

            تعليق

            • العميد ركن
              عضو ماسي
              • Jan 2006
              • 469

              #7
              صح لسانك وسلم بنانك

              تعليق

              • حزام الحربي
                عضو
                • Apr 2011
                • 2

                #8
                الاخ نواف اشكرك على النقل للقصيده التي تعود لي شخصيا وهي من ضمن القصايد القديمه التي تم اضافتها بالديوان الاول في مجالس حرب الرسمي

                وياليت ذكرت اسم الشاعر حفاظا على الحقوق والحمدلله ان صاحب الشان حضر
                واشكرك مرة اخرى على نقلك للقصيده وان دل يدل على تذوقك للقصيد وليس مدح لقصيدتي


                واخيرا اشكر اصحاب الموقع الهيلا على هذا الموقع الرائع
                والسلام اخوكم الشاعر حزام الحربي

                تعليق

                • ^روقي عفيف^
                  عضو نشيط
                  • Feb 2011
                  • 58

                  #9
                  صح لسانك يانواف ثانيكيووووووووووووووووووو

                  تعليق

                  العمل...