مســاكم الله بالخير
الغربـــه قشرا يالربـــــع
وإليكم هذه المتواضعه ومناسبتها في مضمونها
الغربـــه قشرا يالربـــــع
وإليكم هذه المتواضعه ومناسبتها في مضمونها

[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
الدار تكفى لا تذكرني الدار = ميت علاها بس كيف ؟ الطريقه
يالله تكتب لي على نجد مسيار = البعد عاقبني وانا ما اطيقه
في ديرة الغربه على كف الاقدار = يالله عسى درب السعاده حقيقه
العمر يمشي والرحا عكس تندار = والعام ساعه ما نقصها دقيقه
هاك السلام اعداد ما هلت امطار = واعداد ما هم بنفسي وضيقه
واخذ الرساله بس من دون فكسار !! = والقصد للي تحسب إني رقيقه
قله انا لو صار فالوقت ما صار = دربي سنود وعالي الرجم اويقه
ماني بنا اللي يضرب يمين بيسار = ولو الكحيله تنتهي في حريقه
من يدمح الزلات والسوق منهار = مابه جديد وسالفتنا عتيقه
ولو طوّل المشوار الوقت دوار = والله يعوضك يالجروح العميقه
ياخوك تكفى لا تطرِّي لي الدار = البعد عاقبني وانا ما اطيقه[/poem]
وسلامتكم
.
تعليق