هــــام جدا // إكتشاف علاج يعيد الشيوخ 40سنه للخلف

طي
X
 
  • التوقيت
  • إظهار
مسح الكل
المشاركات الجديدة
  • حـــ(مجروح)ـــر
    عضو فضي
    • Mar 2003
    • 207

    #1

    هــــام جدا // إكتشاف علاج يعيد الشيوخ 40سنه للخلف

    قصيدة قرأتها واعجبتني

    بشـــرونا بالصحـافه عن علاج جـديد *** ينعش الأبــدان ويرجع الشـــايب ولــد
    صانعينه بواشــنطن ومفعولــه اكيــد *** جعل من جابه يوســع له بقبره واللحــد
    قلت فرصه شايبي له زمن ما يستفيد *** من كبر سـنه يعـــاني وروح بلا جســــد
    له ســنين منعزل لاشــقي ولا ســعيد *** كل ما شـــاف العجــيز تثــاوب ثم رقــــد
    ما بيــده حيلــة وانتهى منــه الرصيد *** العظـام مهلهلـه والعــروق ابـها ســــدد
    بندقه ما عــاد تنفع ولا تقـــدر تصــيد *** والســلاح اللي معه الفشــق فيها فســد
    قلت ابـر بوالـدي وانفعه حتى يعــــيد *** ماضـي الأمجـاد ويصبــح بعيشــة رغــد
    اشــتريت اربع قــوارير بألفين وتزيد ***الحـبوب اللي تخـلي مـن الثعـلب اســـــد
    يوم اخـذ منها تناقض رجـع كنه وليد *** ومن نشــاطه قام يركض ويصدم بالعمـد
    شهر كامل ما تشـوفه من بعيد الي بعيد *** منهمـك هـو والعجـيز كلما ينـزل صعــــد
    وبعد مده قال انا ودي اسـافر للصعيد *** من مصـــر ناوي افيــــــز لعمـــال جـــدد
    غاب يومين وجانا معه شــي فريــد *** بنت شـــــمحوطه وبيضا ومركــوزة نهـــد
    هــام فيها ابوي والحــكي ما عاد يفيد *** حــــلق اللحــيه وعن ربعــــة قفا وابتعـــد
    اسلبته المال والعقل والراي الســديد *** وبالمقـــالب والحـــيل عيشــــتنا في نكــــــد
    طلق ام عياله اللي لها ســــاس جويد *** قال طســي ياعجــوز المشــــاكل والعقــــد
    ومن يذوق الكيك ما يرجع يفكر بالعصيد *** وانتي العيشـــه معك مثل حـبل من مســـــد
    هانت العشره وخانه عسى عمره يزيد *** باعــنا بابخــس ثمــــن وراح عنا ما نشـــد
    اعرف اني سـبة اللي حصل والله شهيد *** جيت اكحــل عين محــروم واعماها الرمــد
    اثر بعض البر وسواس شيطان مريد *** فســد الأخلاق ويضيع الوالد و يضيع الولـد
العمل...