طعون الزمن ......

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    طعون الزمن ......

    فهد المفرج



    ياهيه والفنـا الكـرى والمخـده =
    خلاص تبنا عن هـواك وسلينـا
    اليـوم ودعنـا بحـور المـوده =
    لاصـار مـاودك تجـي لاتجينـا
    من باعنـا بعنـاه باللـي يسـده =
    مانشتـري الا واحـد ٍ يشترينـا
    ومن حدّنا جعـل الليالـي تحـده =
    نجفاه لـو انـه عزيـز ٍ علينـا
    ان كان لك خـلّ ٍ تبيـه وتـوده =
    حنـا لنـا خـلّ ٍ نبيـه ويبينـا
    وان كان خلّك ماخذ ٍ عنـك مـده =
    حنا غصين البـان يبكـي علينـا
    وان كان خلّك مبعد ٍ عنـك جـده =
    حنا لطيـف الـروح منـا وفينـا
    وان كان حبلك في يدينـك تشـده =
    حنا رمينـا حبالنـا مـن يدينـا
    وان كان بابك عن هوانـا تـرده =
    حنـا قفلنـا ابوابنـا وانتهيـنـا
    ياطير قـل لـه ماشقينـا بصـده =
    لايحسب انّا من صـدوده بكينـا
    النفس طابت منه والقلـب ضـده =
    ماعاد ابي شوفـه يميـن ٍ يمينـا
    ماابيه لو جاب البحر شرق جـده =
    ولو جرّ ضلع طويق مع طور سينا
    والله لو يمسح على القـاع خـده =
    ولو قلّط الخيرات سمن وسمينـا
    ولوّه تأسّـف لـي وكفّـه يمـده =
    ويقول راضونـا ترانـا رضينـا
    ماارضى عليه ولاعيونـي تلـده =
    حنـا ليـا منـا جفينـا جفيـنـا
    خلّه يبيّـح جـور الايـام سـده =
    ويشكي من طعون الزمن ماشكينا
    يامـا سكتنـا والغلـط مانـعـده =
    نسكت وكنـا ياالغضـي مادرينـا
    وكم واحد ٍ غالي عشانـك نهـده =
    نزعـل عليـه وخابرينـه يبينـا
    مافاد فيك وصبرنا وصـل حـده =
    رح فكّنـا واسـلـم ولاتبتليـنـا
    قد قيل هرج ٍ تستحي منـه بـده =
    بنقول لك هرج ٍ ولو مااستحينـا
    الكحـل كبّـه والشعـر لاتـكـده =
    حنا خذينا اللـي نبـي وانتهينـا
  • ((الدلبحي))

    رابطة محبي الهيلا

    • Mar 2003
    • 6010

    #2
    صح السانك والسان قايلها

    قصيده لها ذوق خاص

    لاهنت


    تحياااااااااااااااااااااااااااااااااتي

    تعليق

    • ابـن نـعـيـس
      مشرف سابق
      • May 2005
      • 5666

      #3
      صح لسان الفرج

      وتسلم يمناك يالغالي

      تحيااااااااااااااااااااااااااااااتي
      [align=center][/align]

      تعليق

      • مقعد الدغيلبي
        شـــاعــر
        • Feb 2006
        • 3502

        #4
        فيصل المسعودي
        أختيار رائع والله لايهينك
        ومشكــــــــــــــــور يالغالي
        تحياااتي


        تعليق

        • فواز الشيباني
          موقوف لمخالفة الأنظمة
          • Apr 2005
          • 2001

          #5
          اخي فيصل المسعودي
          صح السانك ولسان
          قايلها

          يعطيك العافيه
          يا غالي

          تعليق

          العمل...