وضع الإسلام ( للشاعر : فلاح بن مرشد الزراقي العتيبي )

طي
X
 
  • التوقيت
  • إظهار
مسح الكل
المشاركات الجديدة
  • معسف القوافي
    عضو
    • Sep 2005
    • 7

    #1

    وضع الإسلام ( للشاعر : فلاح بن مرشد الزراقي العتيبي )

    بسم الله الرحمن الرحيم

    القلب صابه هم من وضع الإسلام = لا عاد أحد عندي يجيب الجرايد
    هذا السنة والعام واللي ورى العام = حال(ن) ردي والشر كاثر وزايد
    محكوم فوقك يا فلسطين الإعدام = شيء(ن) مولي راح ماهو بعايد
    وراح العراق وكلها فعل صدام = والمسلمين اليوم راحوا شرايد
    وقدامها الأفغان بشهور وأيام = شبوا بها نار(ن) تولع وقايد
    وأنظارهم من بعد هذي على الشام = وهم يدرسون الآن فوق الموايد
    وجاتك كبونهيجن برسمات وأفلام = وتقول حرية وراي(ن) محايد
    ما عبرونا أهل البقر وأهل الأغنام = حتى البقر يمكن للإسلام كايد
    هذا الرسول الهاشمي خير الأنام = يبقى ولو ميت للإسلام قايد
    هذا الأمين المصطفى نسل الإكرام = خير البشر معروف باقي وبايد
    تسبه الكفار يا كبر الإجرام = ما عبرونا السب لا زال سايد
    لو جابوا الأعذار من روس الأقلام = القصد كله فاختلاف العقايد
    نبغى لنا ناس يقولون قدام = لا للورا مافالتخلف فوايد
    نبغى من اللي حزة الصيف صيام = بيض الوجيه ارجال عند الشدايد
    اللي طوال الليل فالظلمة اقيام = ما يطرحون الروس فوق الوسايد
    اللي من الخشية يصفون الأقدام= جبين أحدهم من مصلاه جايد
    ما هم من اللي لن رقد طاح ما قام = اللي لهم في كل خنعة عوايد
    ساهر على شاشات وألحان وأنغام = وأشياء كثيرة ما تفيد العدايد
    ورسالتي للي لبس لبس الإحرام = بالله شوفوا وضعكم فالجرايد
    ( والقصيدة أطول من ذلك ولكن هذا ما أعرفه منها )
    الشاعر : فلاح بن مرشد بن خلف الزراقي العتيبي .
    المناسبة ( استهزاء الدنمركيين وغيرهم بالرسول صلى الله عليه وسلم )
  • فواز الشيباني
    موقوف لمخالفة الأنظمة
    • Apr 2005
    • 2001

    #2
    اخي ابن معسف

    صح السانك والسان الشاعر

    الله يعطيك العافيه ولاهنت

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      تسلم يمناك وصح السان الزراقي

      تحيااااااااااااااااااااااااااتي

      تعليق

      • ابـن نـعـيـس
        مشرف سابق
        • May 2005
        • 5666

        #4
        صح لسان الزراقي

        وتسلم يمناك يالغالي


        تحياااااااااااااااااااااااااااااتي
        [align=center][/align]

        تعليق

        • وليد الزراقي
          موقوف لمخالفة الأنظمة
          • Jan 2006
          • 1585

          #5
          معسف تشكر على نقل قصائد فلاح
          نرجـــــــــــــــوا تشريفنا بالتسجيل في المنتدى
          تحياتي

          تعليق

          العمل...