قصيده غزليه للشاعر / مقبل بن سعود بن جودان الرويس...

طي
X
 
  • التوقيت
  • إظهار
مسح الكل
المشاركات الجديدة
  • قادم
    عضو نشيط
    • Feb 2006
    • 31

    #1

    قصيده غزليه للشاعر / مقبل بن سعود بن جودان الرويس...

    [frame="1 90"]هذه القصيده من نظم الشاعر/ مقبل بن سعود بن جودان الرويس...
    في عام/ 1419هـ



    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    واعيني اللي زجت الدمـع وانــزج=هلت هماليله على الخد و انــــزاح
    كــن الدمــع من نــاظر العين لا نــج=شــقــان دلــو ٍ تــلـها كــف مــتــاح
    من عـيلـم ٍفـيه الـمـنـابـع تـسـرهــج=مــاطــبـه الــغـراف يـاخــذ بالاقــداح
    هـذا قـــدر عــيــن ٍ ولــعـهـا تأجـــج=مــن حــزنـها تـبـكي عـلى واحد ٍراح
    غــرو ٍ ذبـحـنـي يـوم قــام يـتـغـنـج=بـعـيـونه الـلي فـي مـحاجـرهن سلاح
    يغضي برمش ٍيحمي الطرف الادعج=يخفي وراه الموت قصاف الارواح
    فـي عـيـنـه الـيـمـنى فـصـيل ٍمدجـج=بسلاح ٍ ابيض مقدمه شلف وارماح
    وفـي عــينـه الـيسـرى جـهـازٍ مبرمج=يـرسـل شـعـاع ٍ يـعـطـب القلب ذباح
    والـوجـه كـنـه نـور بــدر ٍ تــوهــج=لاشـع نـوره في دجـى الليل فـضاح
    لــونه مـثـل لــون الـقـمـر ما تـمـكـيج=وجـه تـفاصـيلـه تبي شرح وايضاح
    عـلـيـه خـشـم ٍكـامـل الوصف ماشـج=ماجملوا فـي مـنـظـره عـنـد جراح
    والـيـا تـبـسـم حـطـم الـياس وافـرج=عن بعض مضمون السعاده والافراح
    فـي مـبـسـمـه بـراق وسـم ٍ يـلـعـّـج=بـيـن الـثـمان الـلي كما الـدر وضاح
    والعـنـق طـربـوش ٍ مــداره مـسـفـنـج=لـفـه عـن اسـبـاب الـصواديف بوشاح
    وان جيت اوصف لبة الـصدر الابلج=صاهد نـفـود ٍ هـش بالـنبت شـحـاح
    دمـث ٍظهـر فـي مـرتـعـه طـلع ٍاحدج=غـرس ٍمن الله واثـمر الغرس تفـاح
    يخشى على طلعه من اللمس الاهـوج=لو كان ما نـاشـه مـن الـناس مـشفاح
    مـيـل عـلى جذع ٍ قــوامـه معـمهــج=لاشـِد مـن عـالـيه جـالـه تـمـرجـاح
    تـحـتـه بـرز شـط ٍعـفـر ما تـهــدّج =شــط الحـوار الـلـي تــولاه مـصـلاح
    في وصفه لساني وانا صرت محرج=وشـلـون اوصّف باقي الجسم وارتـاح
    ردف ٍيـضـيـم اقـدام ابو ساق مدمـج =كــم مــرة ٍلاكـل مـن حـمـلـتـه صـاح
    لــولاه يقـصر خـطـوتـه ويـتــدرج=انـقـلـبت افـراحـه مـثـل غيره اتـــراح
    راعي جـديـل ٍ مـن وراه يــتـمــوّج=لـيـل ٍتغـشّى واعـتـلى نـور مـصـبـاح
    لــه مـشـهـد ٍلاقـِـض مـن فـوق وادلـج=يـلحى قـلـوب اهـل الـهـوى لين تـلاح
    عـليه قـلـبي هـزه الــشـوق واخـلـج=مغـير اجـاوب سـاجـع الـورق لا ناح
    يافـج قـلـبـي مـن هـوى صاحـبي فــج= فـجـت شـنـق بـاب ٍولـج فـيـه مـفـتاح
    عـلى ولــيـف ٍ دونـه البــاب يـزلـج=مـصيـون ماشـافـه ابو شوف لـمـاح
    مـاقـط وسـط السـوق شيـف يـتفرج=والا هرج مع بعض الاشخاص مزاح
    انشهد انه محتشم ما تبرج=ما باح سده يوم حظي معه باح
    ياوين ابلقالي معه درب وانهج=واخذ معه في تالي الليل مشواح
    ابدا من بداية جبينه واعرّج=على جميع اللي بقى قبل الاصباح
    لكن خلي ما مشى دربٍ اعوج=ماغاص في دوامة العشق سباح
    لا شافه الحواف مثلي تبرهج=ضيع مفاهيم الخساره والارباح
    يا ناس وشلون ارفع الصوت واحتج=وانا مثل طيرٍ بلا ريش وجناح
    من حب من في حبه القلب لجلج= حوريةٍ منها شذا المسك فواح
    وجدي عليها وجد من طاح وارتج=مخه تحجر وانقفل بعد ما طاح
    والا وجود اللي سقط ليلة العج=حوّل على راسه وسط قامة رماح
    ياعاذلين القلب انا قلبي اصنج=ما عاد يسمع قول ناقد ونصاح
    متى على الله بعض الاوضاع تفرج=كود الهموم اللي على القلب تنزاح
    واعيش مع ربعي وسط نجد واسج=في ديرةٍ غنى بها الطير صداح[/poem][/frame]
  • فيصل المسعودي
    مشرف عام
    • May 2005
    • 8296

    #2
    [glow=FFFFFF]وين القصيده يالغالي


    تحياتي
    [/glow]

    تعليق

    • قادم
      عضو نشيط
      • Feb 2006
      • 31

      #3
      احتاج الى توجيهاتكم...

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ...
        ..

        هلابك يالقادم ..
        .. تطلع ليه ماتطلع

        صح لسان الشاعر الكبير ابن جودان
        وهو اخ لاحد الشعراء البارزين في هالمنتدى

        اختيار موفق لاعدمتك

        تنقل للقسم الشعبي

        ..
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • فواز الشيباني
          موقوف لمخالفة الأنظمة
          • Apr 2005
          • 2001

          #5
          صح السان الشاعر

          وتسلم يمينك على النقل الموفق

          الله يعطيك العافيه

          تعليق

          • شيخ القبيلة
            عضو ماسي
            • Nov 2005
            • 657

            #6
            قصيدة اكثر من رائعة
            ودمت سالم وغانم

            شيخ القبيلة

            تعليق

            • وليد الزراقي
              موقوف لمخالفة الأنظمة
              • Jan 2006
              • 1585

              #7
              يالله حيه وحي ماجابه
              مشكور على النقل
              تحياتي

              تعليق

              • ابـن نـعـيـس
                مشرف سابق
                • May 2005
                • 5666

                #8
                صح لسانك ولسان شاعرها


                تحياااااااااااااااااااااااااااااااااااااااااااااات ي
                [align=center][/align]

                تعليق

                • قادم
                  عضو نشيط
                  • Feb 2006
                  • 31

                  #9
                  اشكركم على الاطراء...والقادم اجمل..
                  انتظروا مني رائعه جديده من روائع هذا الشاعر...
                  واهديكم هالبيتين من قصيده طويله للشاعر مقبل..



                  [poem=font="Simplified Arabic,4,blue,bold,italic" bkcolor="transparent" bkimage="backgrounds/8.gif" border="solid,4,darkblue" type=0 line=0 align=center use=ex num="0,black"]
                  هذا زمانٍ لو صفا يوم لابد=بعد الصفا يقسي على من صفاله
                  مايدري المخلوق وش يحمل الغد=يطرد نصيبه لين يدني زواله [/poem]

                  تعليق

                  • فيصل المسعودي
                    مشرف عام
                    • May 2005
                    • 8296

                    #10
                    صح لسان الشاعر


                    الرويس


                    وتشكر على النقل الراااااائع


                    لك تحياتي

                    تعليق

                    • أبو الوليد
                      شـــــــاعر و أديـــب
                      • Aug 2004
                      • 2326

                      #11
                      صح لسانك ولسان الشاعر مقبل الرويس

                      رائعة بمعنى الكلمة ، يعطيك الف عافية

                      ننتظر المزيد ..

                      تحياتي ..
                      https://twitter.com/abalwled


                      [poem=font="Simplified Arabic,6,white,normal,italic" bkcolor="transparent" bkimage="backgrounds/21.gif" border="double,4,green" type=2 line=1 align=center use=ex num="0,black"]

                      عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات
                      أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ[/poem]

                      تعليق

                      • ناصر الدغيلبي
                        عضو فعال
                        • Dec 2005
                        • 155

                        #12
                        السلام عليكم ورحمة الله وبركاته شكراُ لك على هذا النقل الممتاز وصح لسان الشاعر مقبل هذا الشعر ولابلاش

                        تعليق

                        • فهدالعضياني
                          عضو فضي
                          • May 2006
                          • 261

                          #13
                          السلام عليكم ورحمة الله وبركاته
                          صح السانك والسان الشاعرمقبل ولاهنت

                          تعليق

                          العمل...