ماحصل بين مطير وعتيبه في مناسبه لشلالحه من مطير وقد حضرها رجال من عتيبه

طي
X
 
  • التوقيت
  • إظهار
مسح الكل
المشاركات الجديدة
  • العين الحمرا
    عضو فعال
    • Mar 2003
    • 180

    #1

    ماحصل بين مطير وعتيبه في مناسبه لشلالحه من مطير وقد حضرها رجال من عتيبه

    بسم الله الرحمن الرحيم

    اخواني الاعزاء

    صبحكم الله بالخير

    معلوم ان الحداية تراث اهل الحجاز وما زالوا متمسكين به في المناسبات والندب ......

    واحببت ان اكتب لكم حداية وردها في مناسبة للشلالحة من بني عبدالله في قرية الغاشية في الحجاز حضرها العتبان وقالوا حدايتهم وردوا عليهم المطران .....

    وقد بدؤا العتبان بأربع فردوا العبادلة بمثلها ... الا ان احد العضيلات لا يحضرني اسمه شارك مع بني عمه في الرد في الحداية الثانية .....
    قالوا العتبان :
    سلام تسليمة وفا لاهل الوفا من بال وافي
    اصحابنا جينا لتكميل الوجوب اللي سوايرها نظافي
    اصحابنا نوفي لهم ماجوبهم فاللازمة بيّن وخافي
    يشهد لنا الله واحددانا والقبايل كلبوهم يشهدون...

    الثانية جينا كما نو ٍ من المنشأ يقود وضّاح برقه ما يغطيه الطخافي
    يبرق ويرعد والمسايل سيلها شال الثقال امع الخفافي
    نشّى بليل ويوم خيّل قبل نور الفجر يبديله كفافي
    يرجع بدار ودار يسلبها واهلها غب نوّّه يرحلون

    والثالثة حنا عتيبة دارها وحدودها ما خفية
    في السلم ديرتنا ومفتكينها عصر ٍ مضى فالجاهلية
    وانتم مطير اللي تضدون الحريب وفعولنا وفعولكم ماهي غبية
    مار الحدود اللي عليها جدودنا وجدودكم لا تشكحون

    والرابعة اليوم امان وشرع مبسوط ٍ لمن عنده على خصمه دعيّة
    مافيه مد يدين والرجال ما يحتاج شيل البندقية
    في ضل دولتنا عسى الدولة تدوم وجعلها دايم قوية
    انتم وحنا سالمين ومن حكمنا يا عساهم يسلمون......

    وكان رد العبادلة :
    يامرحبا في مرحبا مابيننا غير العوافي
    الله يحييكم على السهل الرحب والبال صافي
    انتم هل الماجوب والتكميل مروين الرهافي
    مانشهد الا بالصحيح اللي نشوفه بالعيون

    والثانية خيّل خيالك في نهار القرن وانته ماتذكرت القوافي
    امطر بضرب الماس لين الدم سال مع الكتافي
    يومن ابن ثعلي رجع من طرقته بالرجل حافي
    هذا جزا لصحابنا يرضون والا يزعلون .....(رد العضيلة )

    والثالثة حنا مطير اصحابكم في كل وقت وكل هيّة
    واحدودنا واحدودكم ياصحابنا مردّها للصيرفية
    وقت ٍ مضى ما جا تعدي فوقها والنار فالمقباس حيّة
    يوم الجواهل فالعواني مير لا تحكم جويدات المنون

    والرابعة اليوم امان وشرع وانته شاهدت منك الخطية
    عندك امانة مقدمة لاكن ضاعت يالوجيه اللي نقية
    وان كان خليت الحدود المقدمة لابد ما تشره عليه
    لاكنكم فالحكم ياللي تعرفون الحق رحتوا تطمعون ......


    ارجو ان تنال على استحسانكم ورضاكم ......

    منقــــــــــــــــــــــــــــــــــول

    اخوكم
    العين الحمرا
  • ((الدلبحي))

    رابطة محبي الهيلا

    • Mar 2003
    • 6010

    #2
    تسلم يالعين حمرا ونعم بالعتبان ونعم بالمطران والرفاقه علم طيب ولاقصرت عسى الله
    يعافيك على هالمشاركه الممتازه
    تقبل تحياتي:
    ((الدلبحي))

    تعليق

    • العين الحمرا
      عضو فعال
      • Mar 2003
      • 180

      #3
      هلا بك((الدلبحي)) وحياك الله
      شكرا لك وعسى ان تكون اعجبتك

      اخوك
      العين الحمرا

      تعليق

      • الغربي
        عضو ذهبي
        • Jan 2003
        • 329

        #4
        بيض الله وجهك يالعين الحمرا
        والحمد لله على الدين الأسلامي الى جمع بين القبائل كلها وخلاهم اخوان وربع ورفاقه

        تعليق

        • ركوان الغبيوي
          عضو فعال
          • Jul 2006
          • 110

          #5
          لاهنت يا الغالي على نقل الموضوع

          تعليق

          • ذيب المغايره
            عضو
            • Jan 2007
            • 26

            #6
            لاهنت لاهنت



            مشكور يابن العم

            تعليق

            • قــ الباس ــوي
              عضو فعال
              • Jan 2007
              • 109

              #7
              العين الحمرا

              ما قصرت
              صراحة ابيات جميلة جدا

              تدل على عراقة هالقبائل الطيبه

              واكبر نعمة هي نعمة الاسلام

              الف شكر

              اخوك / قــ الباس ــوي

              تعليق

              • الروقي
                عضو نشيط
                • May 2005
                • 81

                #8
                مشكور ياخوي على النقل المميز

                الذي ينبع من رجل مميز

                والله يعافيك على النقل

                اخوك الروقي

                تعليق

                • ابن عباد
                  عضو نشيط
                  • Feb 2007
                  • 30

                  #9
                  ابدعت يالعين الحمراء
                  نقل مميز
                  يعطيك العافيه
                  صح لسان الجميع

                  تعليق

                  العمل...