قصيده مهداء للأمير/ عفاس بن تركي بن محيا أمير الفوج السادس عشر بحائل

طي
X
 
  • التوقيت
  • إظهار
مسح الكل
المشاركات الجديدة
  • عيد سمير
    عضو
    • Jan 2006
    • 1

    #1

    قصيده مهداء للأمير/ عفاس بن تركي بن محيا أمير الفوج السادس عشر بحائل

    [align=center]السلام عليكم ورحمة الله وبركاته

    قصيده مهداء للأمير/عفاس بن تركي بن محيا أمير الفوج السادس عشر بحائل
    [/align]

    [poem=font="Simplified Arabic,5,black,normal,normal" bkcolor="transparent" bkimage="" border="none,5,black" type=2 line=0 align=center use=ex num="0,black"]

    راكـب اللـي دقتـه كنهـا دق الذهـب=فوق طبطابة رخام أحسن قصور الملـوك

    كنه الذيب يحبـي لاقبـل ولاقفـا حـدب=والرفاف حافـة شمـاغ بسـام محبـوك

    مايلـوق الا لـذات المواكـب والجنـب=يفهـق الفكسـار والبهبهانـي والبيـوك

    تقل لاناظرت وجهـه تناظـر بالسكـب=وان سرا عقب العشاء تقل في رحلة مكوك

    السريع بنوره يـروح مرجـان وشعـب=والمسارات إلثلاثـة علـى دق السلـوك

    للقـزوز يقـول تبـت يديـن ابولهـب=والقزوز تقول له لعنبـو مـن صـدروك

    كمبيوتر شاشتـة مثـل كـاس المنتخـب=ومشراته وقفن من عقب ماهـن بـروك

    حجم ست اميه يسابق سريعـات النـدب=لونه يذكرك في قطعـة الليـل الحلـوك

    وارد الجفال مركـب سلاطيـن العـرب=عندي اغلى من رصيد الفتيحي بالبنـوك

    من طرازات الشبح حي ابو ذاك الشنـب=ماتمده لا لخوك مـن ابـوك ولا لبـوك

    من شمالـي القصيـم يتنهـض بالطلـب=لين عنه اجبال اجا تنفلق مثـل الحنـوك

    ديرةٍ معنى الكـرم سلـم اهلهـا والأدب=والمعازيـب المحيـا منجيـن الـدروك

    جعل يمنى الشيخ عفاس ماهـي للعطـب=لو بها روحه لمن جاه يطلـب قـال دوك

    يارسولي قلـه ان الوعـد وقتـه وجـب=حرب لاتنسى وعدهـم تراهـم مانسـوك

    في بداية شهر شعبان والا اتلـى رجـب=كم لها تطري عليه وفي صدري تحـوك

    ياطويل العمـر داعـي شبابـه للشبـب=مايبي الا صامل العلم جـلاي الشكـوك [/poem]
    [align=center]رد الأمير / عفاس بن محيا[/align][poem=font="Simplified Arabic,5,black,normal,normal" bkcolor="transparent" bkimage="" border="none,5,black" type=2 line=0 align=center use=ex num="0,black"]
    يارسولـه ياهلابـك علىعيـن وهـدب=انت غالي والوفـا لـك وللـي رسلـوك

    ان يشا الله ناصل الطيبين اهـل الحسـب=القلوب البيض والعز وحجـاج ضحـوك

    حرب هم راس المعالي عقوبة من حـرب=اسأل التاريخ عنهم ويعطيـك الصكـوك

    الرجال اللي ليـا جيـت نسـوك التعـب=كل واحد يحتفي بك مثل ترحيب اخـوك

    حبهم من خالـق الكـون عـلام الغيـب=وهبة من واحد فـي يـده سيـر الفلـوك

    من يعشق الطيب يتعب ويشقـا ويحسـب=انـت قـدر والنشامـا تراهـم قـدروك

    لو يشين الوقت فالراس مرفـوع النسـب=مايجي نبت الخزامى مثل عوشز وشـوك

    مايفيدك بعض الاشكـال لاشتـد المهـب=والله لينهار عزمـه ليـا قامـت تلـوك

    الردي يبـدا سنافـي ولاطالـت خـرب=ماله بدرب اللغـم والمشـوك والشبـوك

    دور اللـي بالمهمـات يفرحـك بعجـب=بالفعل صدر شهادة حسن سيـر وسلـوك

    الرفيق اللي على الحق من كفـه غضـب=من تجاريب الليالـي والايـام معـروك

    وانت شعرك يابن سالم على غيرك صعب=ميدنيك نـاس وانـا مـن اللـي ايـدوك

    انت تشعب والبقيـه اتخزخـز وتهـذب=خيل شعرك بالجزاله على المعنى تصوك

    مثل مامالت عذوق النخل باحلـى رطـب=ملت ياعيد ابقصيـدك وطيبـك كلبـوك

    من تماثيـل قدرنـا قلمنـا لـك كتـب=طابعين احروفها يوم تمـت فـوق بـوك

    ودنا ياضحك الاحبـاب نلقالـك سبـب=والزمن نوب يتوسع وفي سرعه يضـوك [/poem]
  • ((الدلبحي))

    رابطة محبي الهيلا

    • Mar 2003
    • 6010

    #2
    الاخ الغالي عيد سمير

    صح السانك يالجزل على القصيده الوافيه وصح السان ابن محيا على المردود الجزل

    في انتظار ماتجود به نفسك من قصائد

    تحياااااااااااااااااااااااااااااتي

    تعليق

    • ابـن نـعـيـس
      مشرف سابق
      • May 2005
      • 5666

      #3
      صح السانك رائعه من رائع


      وصح السان الشاعر العلم ابن محيا

      تحيااااااااااااااااااااااااااااااااااااتي
      [align=center][/align]

      تعليق

      • داهية عتيبة
        عضو مهم
        • Jul 2003
        • 961

        #4
        ابن سمير صح السانك والسان ابن محيا

        لاتحرمنا من جديدك

        تحياتي

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
          كمبيوتر شاشتـة مثـل كـاس المنتخـب=ومشراته وقفن من عقـب ماهـن بـروك[/poem]

          صح السان الحربي , وياليت يابن سمير توضح اسم هذا الشاعر الحربي , قصيدة جزلة , وتوصيف رائع , واسندت لمن يستحقها , وهو الامير عفاس بن تركي بن محيا , ورد جزل وقوي من الامير عفاس.

          لاهنت يابن سمير , على إيراد هذه القصائد للشاعر الحربي , والامير عفاس بن محيا.


          تحياتي

          تعليق

          • السويلم
            عضو فعال
            • Feb 2005
            • 142

            #6
            أخوي الشاعر عيد بن سمير الحربي
            صح لسانك ونعم فيك
            جعل يمنى الشيخ عفاس ماهـي للعطـب
            لو بها روحه لمن جاه يطلـب قـال دوك
            والشيخ عفاس بن تركي بن محياء
            من أبرز مشايخ عتيبة المشهورين
            الطيب والكرم ويستاهل
            وصح السان الشيخ عفاس
            وحياك الله عيد بن سمير
            في هذا المنتدى
            لك كل الترحيب


            ولك تحياااااتي

            تعليق

            • فيصل المسعودي
              مشرف عام
              • May 2005
              • 8296

              #7
              [glow=FFFFFF]صح لسانك اخوي عيد


              على هالجزله


              ولسان ابن محيا


              على هالجزله بعد


              تشكر يالغالي


              فعلاً رديات رائعه وجزله


              تحياتي
              [/glow]

              تعليق

              • محمدالنفيلي الحربي
                عضو ذهبي
                • Oct 2009
                • 318

                #8
                عيد بن سمير صح الله لسانك على القصيده الجزله ابن محيا يستحق اكثر

                وصح الله لسان الامير عفاس بن محيا على الرد الجزل


                والمحيا معروفين بالكرم والشجاعه يقول الشاعر
                [poem= font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                ماذكربه حـــــــي بكى حي ياذيب =واليــــوم انا ببكيك لوكنت حيا
                يا ذيب يبكونك هل الفطر الشيب=إن لايعتهم مثل خيل ( المحيا)[/poem]

                تعليق

                العمل...