جزل القصيد ؟ كل بيت قصيده الحاله

طي
X
 
  • التوقيت
  • إظهار
مسح الكل
المشاركات الجديدة
  • ((الدلبحي))

    رابطة محبي الهيلا

    • Mar 2003
    • 6010

    #1

    جزل القصيد ؟ كل بيت قصيده الحاله

    [poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="0,black"]
    يالله يالمطلوب يـا والـي الأقـدار=
    أنت الـذي مـدّات جـودك لطيفـه
    يالله يالمعبـود عـاون هـل الكـار=
    تحـل شطـاتٍ عليـهـم كليـفـه
    اللـي مجالسهـم بهـا بـن وبهـار=
    ونجـرٍ يصـوّت للهشـالا رجيفـه
    مكارمٍ للضيـف أصيـلات وكبـار=
    ومفطحـاتٍ فـي صحـونٍ نظيفـه
    يا مزنةٍ غـرا مـن الوسـم مبكـار=
    اللـي جذبنـا مـن بعيـدٍ رفيـفـه
    تومر على كـل المفالـي بالأمطـار=
    تصبح بـه خـدان قومـي مريفـه
    غب الحيا فاحت بها ريح الأزهـار=
    تخالـف النـوّار مـثـل القطيـفـه
    ترعى بهـا قطعانّـا سـر وجهـار=
    تقطف زهر مرباعها مـع مصيفـه
    يبني عليهـا الشحـم بنيـة جـدار=
    عقب الضعف راحت رجـومٍ منيفـه
    قطعانّـا مـا ترتـع دمنـة الـدار=
    ترعى زماليـق الفيـاض النظيفـه
    ترعى بها وضحاً من الذود معطـار=
    غبوقـة الخطّـار عجـلٍ عطيـفـه
    ترعى بضف الله ثم جبران وجبـار=
    خيالـةٍ يــوم المـلاقـا عنيـفـه
    إن سوهجوا عنها قليليـن الأبصـار=
    من دونها نروي السيـوف الرهيفـه
    ماهي حكاية مسردٍ عقب مـا نـارا=
    للي نكس وأطراف رمحـه نظيفـه
    حنا كما مشخصٍ عن الصرف ما بار=
    بالوزن يرجح والمصـاري خفيفـه
    هذا ولك الله مـن قديـمٍ لنـا كـار=
    عن جارنا ما قط نخفـي الطريفـه
    حنا نرى في زلة الجـار لـو بـار=
    تضحك حجاجـه بالعلـوم اللطيفـه
    نرفى خماله رفيـة العـش بالغـار=
    ونودع له النفـس القويـة ضعيفـه
    ولا نبدي الخافي ليا صار ما صـار=
    يفلج قصير البيت لـو بـان حيفـه
    ونكرم سبال الضيف حـق وتعبّـار=
    لامـن ولـد العفـن شـح برغيفـه
    الجـار لابـده مقفـي عـن الجـار=
    وكـلٍ بجيرانـه يعـد الوصيـفـه
    نبغي ليا مـن بـدّل الـدار بديـار=
    وعقـب البطـا كـلٍ تذكـر وليفـه
    كلٍ تذكر مـا جرالـه ومـا صـار=
    وكلٍ تذكر ما جرالـه مـن عريفـه
    لابدهـا ترجـع تواريـخ وأذكـار=
    وتبقى لدسميـن الشـوارب وظيفـه
    أحدٍ علـى جـاره بختـري ونـوّار=
    وأحدٍ علـى جـاره صفـاةٍ محيفـه
    الصبر مفتاح الفرج هـو والأفكـار=
    ومن لا صبر تصبح أحواله كسيفـه
    خطو الولد مثل البليهـي ليـا ثـار=
    يا زين حملـه ليـا تمـدرا زفيفـه
    يشدي هديب الشام حمّال الأخطـار=
    زودٍ على حمله نقـل حمـل أليفـه
    وخطو الولد مثل النداوي ليـا طـار=
    حسّه على صيد الخـلا لـه وحيفـه
    ترجي العشا في مخلبه وقع وطيّـار=
    صيده سمـان ولا يصيـد الضعيفـه
    وخطو الولد ينبش على موتة النـار=
    مع العرب يشبـه لخطـوى الهديفـه
    ليا بخصته ما سـوى ربـع دينـار=
    صفرٍ علـى عـوده تضبّـه كتيفـه
    وخطو الولد يا مال قصّاف الأعمـار=
    لا نافـعٍ نفسـه ولا منـه خيـفـه
    وصلاة ربي عد ما خضّر الأشجـار=
    علـى نبـيٍ لـه شريعـة شريفـه [/poem]الشاعر محمد النجدي الصقري العنزي
  • ابـن نـعـيـس
    مشرف سابق
    • May 2005
    • 5666

    #2
    صح لسانك ولسان العنزي


    رائع دائما في اختيارك



    تحيااااااااااااااااااااااااااااتي
    [align=center][/align]

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      ابن نعيس

      الاروع مرورك وتواجدك

      صح بدنك

      تحياااااااااااااااااااااااااااااااااتي

      تعليق

      • خلف بن مرزوق
        مشرف سابق
        • Apr 2005
        • 2765

        #4
        00

        لله درك يالجزل

        الدلبحي انت منجم الابداع بدون مجاملة

        والقصيده هذي ذكرتني بقصيده لعبدالله بن باتل بنقلها قريبا


        الف الف شكر


        تحيااااااااتي
        اهداء لاعضاء وزوار الهيلا
        777
        77
        7

        ديوان الشاعرالعملاق / رشيد الزلامي

        ديوان الشاعر الكبير / حبيّب العازمي

        al3azmi@w.cn

        تعليق

        • فهيد مقعد الرويس
          شـــاعــر
          • Sep 2005
          • 2284

          #5
          يعطيك العافيه يالدلبحي

          احسنت الاختيار فأستحقيت الاعجاب

          تحياتي

          تعليق

          • ((الدلبحي))

            رابطة محبي الهيلا

            • Mar 2003
            • 6010

            #6
            الاخ خلف بن مرزوق

            تسلم على كلامك وشرفتني ياغالي وابشر بقصائد عبدالله بن باتل خلال الايام المقبله

            تحياااااااااااااااااااااااااااااااتي

            تعليق

            • ((الدلبحي))

              رابطة محبي الهيلا

              • Mar 2003
              • 6010

              #7
              المبتدي

              الله يعافيك ويسلم وهذا من ذوقك

              تحيااااااااااااااااااااااااااااتي

              تعليق

              • فواز الشيباني
                موقوف لمخالفة الأنظمة
                • Apr 2005
                • 2001

                #8
                صح لسانك ولسان العنزي
                اخي الدلبحي قصيده جزله ونقل موفق

                الله يعطيك العافيه

                تعليق

                • ((الدلبحي))

                  رابطة محبي الهيلا

                  • Mar 2003
                  • 6010

                  #9
                  فواز

                  تسلم على اطلاعك ياغالي

                  تحيااااااااااااااااااااااااااااتي

                  تعليق

                  • يجيلك يوم
                    عضو ماسي
                    • Dec 2005
                    • 795

                    #10
                    مشاركه

                    اخوي الدلبحي

                    لا اعـلــم مــاذا اكــتــب ؟؟

                    كــلــمــا كـتــبـت حــرفا مسحــتـه

                    و لــكـن حـقــا فأنت مبدع في أختيارك

                    فلو كان للاحساس ارض فأنت سيده

                    اعجبت كثير الاعجاب بما خطه قلمك

                    ومارسمته اناملك يالجزل

                    وصح لسان شاعرها وتسلم يمنااك


                    لاحرمنا الله من بحر ابداعك


                    دمت ودام وجودك

                    تعليق

                    • فيصل المسعودي
                      مشرف عام
                      • May 2005
                      • 8296

                      #11
                      اختيار اروع من رائع


                      ونقل موفق وجزل


                      تتميز به يالغالي دائماً


                      صح لسان العنزي


                      تحياتي

                      تعليق

                      • ((الدلبحي))

                        رابطة محبي الهيلا

                        • Mar 2003
                        • 6010

                        #12
                        يجيلك يوم

                        ياعسى عمرك طويل كلامك يعجبني وردك يشرفني

                        ابشر بمايسرك ان شاء الله

                        تحياااااااااااااااااااااااااتي

                        تعليق

                        • ((الدلبحي))

                          رابطة محبي الهيلا

                          • Mar 2003
                          • 6010

                          #13
                          فيصل المسعودي

                          دائم وانت منور بوجودك

                          تحياااااااااااااااااااااااااااااااتي

                          تعليق

                          • داهية عتيبة
                            عضو مهم
                            • Jul 2003
                            • 961

                            #14
                            مناحي

                            دايم تجيب الجزل والمفيد

                            لاهنت

                            تحياتي

                            تعليق

                            • ((الدلبحي))

                              رابطة محبي الهيلا

                              • Mar 2003
                              • 6010

                              #15
                              داهية عتيبة

                              نورت ياغالي وابرك الساعات تواجدك

                              تحياااااااااااااااااااااااتي

                              تعليق

                              العمل...