توبة العوني المشهورة !!!!

طي
X
 
  • التوقيت
  • إظهار
مسح الكل
المشاركات الجديدة
  • ابـن نـعـيـس
    مشرف سابق
    • May 2005
    • 5666

    #1

    توبة العوني المشهورة !!!!

    [align=center] السلام عليكم ورحمة الله وبركاته [/align]

    [poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]

    توبة العوني

    يالله يا والي علـى كـل والـي=ياخير من يدعى لكشـف الجليلـه

    المالك المعبود محصي الرمالـي=الكون والدنيا وما بـه فهـي لـه

    ما كان له أول وما كـان تالـي=ملكه يدبر به على مـا يبـي لـه

    يقضي ويمضي قادرٍ مـا يبالـي=والخلق ما تفعل بلا امره فعيلـه

    ماله شريك جـل فـوق متعالـي=علمـه أحـاط بدقهـا والجليـه

    أشهد فـلا غيـره آلـه ولا لـي=ربٍ سواه أخشاه وأرجـي النيلـه

    ياواحدٍ فـوق السمـوات عالـي=من سطوته كل الخلايـق ذليلـه

    يا فارج الشدة بضيـق الحوالـي=افـرج لعبـدك يامنجـي خليلـه

    وانظر بعينك يا آلهـي الحالـي=فردٍ غريـبٍ والمصاغـي قليلـه

    وحيد مالي غير ظلـك أظلالـي=ذليل مالي غيـر عـزك وسيلـه

    ياراحم ارحم شيبتـي وانخذالـي=ياجابر اجبر عثرتـي والفشيلـه

    والطف وناظر ياالولي في سوالي=لا تواخذان فيما مضى من فعيلـه

    لا إخوان لا عمان لا من خوالـي=ولا من صديقٍ بالوزى نشتكي له

    لو كان ما يجلي سوى الله جالـي=ماشفت عبدٍ هرجته لـي جميلـه

    تقطعـت وذم العـرى والمدالـي=من جملـة الخـلان والمستخيلـه

    قضيت من المخلوق ماحدٍ بقالـي=إلا أنت ياللي ما يخلـي عميلـه

    عادوني كل الناس شرق وشمالي=ولا بقى غيرك ذراً نلتجـي لـه

    شافوني مذلـولٍ وحيـدٍ وخالـي=والا لي من الفزعات مومي شليله

    وأنا بعـون الله امتـانٍ احبالـي=متجودٍ بحبـال منشـي المخيلـه

    لو كان كلٍ له صديـقٍ أموالـي=أخـوال واقـرابٍ ولحـدٍ قبيلـه

    أنا لي اللي زابنـه مـا يسالـي=جزل العطا مبري الجسوم العليله

    إلى دعـوا حيانهـم فـز بالـي=رفعت طرفي له وقمت أشتكي له

    واللـي تنـادوا بينهـم للنوالـي=ناديت بإسمك يامنشـي المخيلـه

    من لاذ بك ما صار بالضيق تالي=يصير الأول لو اعظامه هزيلـه

    أنا دخيلك يـا عزيـز الجلالـي=حاشا كرم جودك يضيع عميلـه

    تبريت من غيرك بحالي ومالـي=وزبنت أنا بحماك عن كل ميلـه

    من شر خلقك لايذٍ بـك ومالـي=غيرك ملاذٍ شامـخٍ ينعنـي لـه

    يارب مالي غير جـدواك وإلـي=وإن كان خليتن فلا لـي عقيلـه

    ياعالمٍ بـا المخطيـه والعدالـي=تشوف مالي غير عدلـك وسيلـه

    فلا تؤاخذنـي بماضـي أفعالـي=يا ساتر العورات مضفي الجميله

    لو كان ذنبـي راجـحٍ بالجبالـي=عفوك عظيم ليس ذنبـي عديلـه

    أطلبك تقبل توبتي عـن خمالـي=وأطلبك عني كل كـربٍ تزيلـه

    وأطلبك تغفر لي وتصلح أعمالي=يا مزبن الخايف إلى بـاد حَيلـه

    مولاي لا ملجأ ولا ملتجـأ لـي=إلا أنت ياللي ما يضيـع نزيلـه

    يا فزعة المضيوم منشي الخيالـي=يا فارج الشـدات لوهـي ثقيلـه

    أفرج لمن بالحبس دونه أرجالـي=ابواب واقفـال حصـونٍ ثقيلـه

    في وسط دبـابٍ وحيـدٍ الحالـي=أظلم ولا أدري وش نهاره وليلـه

    متروك مالي من يـرد المقالـي=لا أحد يبي قولي ولا أحد يشيلـه

    ولا أحد غيـرك عليـه اتكالـي=إلا أنت يامنجي دريـك الدبيلـه

    ما دام تنظرني وتسمـع مقالـي=ما خاب عبدٍ يدري أنـك وكيلـه

    يا سامعٍ بالليـل حـس النمالـي=وصوت يونس في البحور الطويله

    دعاء وضرب الموج مثل الجبالي=فوقه أجيبـت دعوتـه وتهليلـه

    يا مصرف الأيام هـي والليالـي=في قولته كن يجري القلم بتعديلـه

    أدعوك بأسماك العظام الجزالـي=وبحق ما خصت لك من فضيلـه

    وبحق عظمة قدرتـك والجلالـي=وبحق نورك والأفعـال الجميلـه

    وبحق مـا نزلـت أول وتالـي=تجيرني من شر خلقـك طويلـه

    وتزيل كربـاتٍ علينـا اثقالـي=تغطلست مالي سـوى الله دليلـه

    أمن على قلبٍ يجـول اجتوالـي=يامسكن الروعات سكـن جفيلـه

    اسرع علينا يـا قريـب النوالـي=لا تجعل الشـده علينـا طويلـه

    يا فارج الكربه بضيق الحوالـي=أومر العبدك بالفـرج واتعجيلـه

    واجل الأمور المعظله والجلالـي=عن كل عبدٍ مسلـمٍ يندعـي لـه

    صلاة ربي عد رمـل السهالـي=علـى نبـيٍ وضـح الله دليلـه

    صفوة قريش اللي مشى بالعدالـي=نبينا المعصوم عـن كـل ميلـه

    تمت وفرجهـا عزيـز الجلالـي=فرحت بالطارش وقمت ادعي لـه


    محمد العوني [/poem]
    [align=center][/align]
  • أبو فيصل
    مشرف سابق
    • Dec 2004
    • 3538

    #2
    الله عليك يابن نعيس

    صح لسانك و لسان الشاعر

    ولاهنت يالغالي على هالأختيار الرائع

    تحياتي
    لا إله إلا أنت سبحانك إني كنت من الظالمين

    تعليق

    • عجاج الليل
      عضو ماسي
      • May 2005
      • 716

      #3
      تسلم ابن نعيس على هذه الرائعه . تحياتي لك .

      تعليق

      • عتيبي 2005
        عضو فعال
        • May 2005
        • 140

        #4
        ابن نعيس صح لسانك ولسان العوني
        قصيده من روائع الشعر الشعبي
        تحياتي .

        تعليق

        • بن دريميح
          عضو فعال
          • Nov 2005
          • 165

          #5
          والله انها من أجمل القصائد التي سمعت
          وقولها بصراحه وصدق ودي بكل واحد ينقل قصيده أو يكتب قصيده أن تكون مقاربه من حيث المقصود

          بيبض الله وجهك يابن نعيس ...

          تعليق

          • ابـن نـعـيـس
            مشرف سابق
            • May 2005
            • 5666

            #6
            فهد الشيباني

            صح بدنك يابن العم


            مشكوووور على تواصلك الدائم والمميز


            تحياااااااااااااااااااااااااااااتي
            [align=center][/align]

            تعليق

            • ابـن نـعـيـس
              مشرف سابق
              • May 2005
              • 5666

              #7
              عجاج الليل


              الله يسلمك


              مشكوووور على مروووورك الكريم


              تحياااااااااااااااااااااااتي
              [align=center][/align]

              تعليق

              • ابـن نـعـيـس
                مشرف سابق
                • May 2005
                • 5666

                #8
                عتيبي 2005


                صح بدنك


                مشكوووور على تواصلك الدائم


                تحياااااااااااااااااااااااااااااتي
                [align=center][/align]

                تعليق

                • ابـن نـعـيـس
                  مشرف سابق
                  • May 2005
                  • 5666

                  #9
                  بن دريميح

                  الله يبيض وجهك


                  مشكوووور على مروووورك الكريم


                  تحياااااااااااااااااااااااتي
                  [align=center][/align]

                  تعليق

                  • ((الدلبحي))

                    رابطة محبي الهيلا

                    • Mar 2003
                    • 6010

                    #10
                    تسلم ابن نعيس على هذه الرائعه


                    تحياااااااااااااااااااااااااااتي

                    تعليق

                    • ابـن نـعـيـس
                      مشرف سابق
                      • May 2005
                      • 5666

                      #11
                      الدلبحي

                      الله يسلمك من كل شر

                      مشكووور على تواصلك الدائم


                      تحياااااااااااااااااااااااااااااتي
                      [align=center][/align]

                      تعليق

                      • النابغة الغنامي
                        عضو نشيط
                        • Jul 2005
                        • 30

                        #12
                        بـيض الله وجـهك يا بن نعيس على هذه القصيدة الرائعة

                        تعليق

                        • مرزوق حمدان العتيبي
                          مشـرف عام
                          • Nov 2003
                          • 20403

                          #13
                          ..
                          .
                          رائع بهذا الاختيار..

                          تسلم وجهودك محل الشكر والتقدير ..
                          ..
                          يعطيك العافيه .
                          ...
                          .
                          [align=center]
                          [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                          فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                          حط حبه في كياني ماتغيّره السنيني = وانثني من دون عرضه بالذراع وباللساني[/poem]







                          @Marzouq_MHD
                          [/align]

                          تعليق

                          • ابـن نـعـيـس
                            مشرف سابق
                            • May 2005
                            • 5666

                            #14
                            النابغه الغنامي

                            الله يبيض وجهك


                            مشكووور على مرووورك الكريم


                            تحيااااااااااااااااااااااااااتي
                            [align=center][/align]

                            تعليق

                            • ابـن نـعـيـس
                              مشرف سابق
                              • May 2005
                              • 5666

                              #15
                              ابومحمد

                              الله يسلمك من كل شر


                              مشكووور على تواصلك الدائم والمميز


                              تحياااااااااااااااااااااتي
                              [align=center][/align]

                              تعليق

                              العمل...