اللي كما ارقاب المها ارقابهنه

طي
X
 
  • التوقيت
  • إظهار
مسح الكل
المشاركات الجديدة
  • يجيلك يوم
    عضو ماسي
    • Dec 2005
    • 795

    #1

    اللي كما ارقاب المها ارقابهنه

    ياللي تدن النجر دنه ورنه ** خله يجضور مـن غرامـه تجضويـر
    حنا هله كان اليدين اطلقنـه** الـى منهـا قلـة عليـه المساعيـر
    مايملكـن ايدننـا يخرجنـه** مـن قبـل لاتكثـر علينـا الدنانيـر
    لاشك بعض ربوعنا مستجنـه** قامـوا علينـا يطلقـون الحناجيـر
    اشوفها من غير لنه وهنه** قامـت تفجـر بعـض الالغـام تفجيـر
    جتنا بهم خيل الفسق مستعنه** مدري وش المقصد ورى مطير لمطير
    حنا نسايرهم على حسن ظنه **ونسامـح المخطـي معـزه وتقديـر
    والى تجاهلنا خطاهم محنـه** قالـوا بلاهـم خـوف والا معاسيـر
    والخوف منه قلوبنا مطمئنه** ماهمنا شلفـا بـن غانـم ولا الزيـر
    ان التفتنا للسباع المسنـه** تبـي تصيـر الشلـف حـدر القناطيـر
    اخير للدنيا تجي مرجنـه** قـدام راع الكيـر ينفـخ علـى الكيـر
    وان كان جت للشعر حنا مغنه**حنا مصخـرت التماثيـل تصخيـر
    لو نلحق المشقاص قوما مغنه** فرت بعض ناسا فريـر العصافيـر
    الى فتحنا باب شعرٍ نكنه **يسلم لنـا الكافـر ويركـع لنـا الطيـر
    والله يلولا خطو رجل نحنه** لألفـت علـى نـاس هنيـا مخاميـر
    لا أسن فيهم شي محدن يسنه** شيئا نجيبه مقطعـه مـن زمهريـر
    يابعضهم ياعضاه ماينقلنـه** وانـه لينكـل عـن جميـع التهاتيـر
    لاشك جت من ربوعا مضنه** سوالفٍ ماعرف لهـا كـل تفسيـر
    اقربهم مفرح هجوسه عصنه**شغـل تماتيكـه علـى غيـر تعييـر
    يوم البيوت اللـي بنـى شجعنه**اذاعهـا بيـن الـدول والجماهيـر
    وادلى على ربعه بشيئا يضنه** يقول اشوف الشيـب فيكـم مغاتيـر
    والشيب ياراع التماثيل سنه** ماعـذرب اللـي ينطحـون الطوابيـر
    حماية القشرى الثبار المدنه**الى اقبلـن ذولـي وذولـي مصاديـر
    الشيب مابه عيب لاتحسبنه**العيب مـن جنّـب طريـق المناعيـر
    من شب شاب ولو سنينه عطنه**والشيب في وجه الرجل زود تقدير
    وان كان به عذروب مافيه منه ** انته نزلت مع الرشاء اسفل البيـر
    عود وجسمك يقرع اقراع شنه** تبي تصيغر وانته اكبر مـن النيـر
    هرش الحظيره باركٍ له بعنـه** ثـاوي وعينينـه بالأمـه مطاييـر
    الى شاف من تمشط شعرها بحنه** قام يتلفت وارزم ارزامـة بعيـر
    يبي السنين اللي مضن فاختنه** ايـام ورد المـاء ولبـس المقازيـر
    يومنهن بعيونهـن يفتننـه** نجـل العيـون مزعـلات الحجاجيـر
    اللي كما ارقاب المها ارقابهنه** تقول فيهن مثل ماياصـف عميـر
    كن العسل في مفلـج عذابهنه**والمـوت لامـن دلعـن بالأزاريـر
    كنك تشوف الماء ورى حلوقهنـه**0000000000وفيهـن دواويـر
    مثل ابو فيصل بالهوى يشعفنه** لاشك اظن الزنـد مافيـه تشريـر
    واليوم فارقهن وهن فارقهنه** لو انه اغلى الصبغ عنـد العطاطيـر


    الشاعر محمد الخس
  • فواز الشيباني
    موقوف لمخالفة الأنظمة
    • Apr 2005
    • 2001

    #2
    صح لسانك يايجيلك يوم و لسان الشاعر
    ولا هنت يا غالي

    تعليق

    • فيصل المسعودي
      مشرف عام
      • May 2005
      • 8296

      #3
      صح لسان الخس


      وتشكر على نقلها يالغالي


      تحياتي

      تعليق

      • يجيلك يوم
        عضو ماسي
        • Dec 2005
        • 795

        #4
        مشاركه

        أسعدني مرورك العذب اخوي فواز ولاهنت يالغالي


        احترااااامي

        تعليق

        • يجيلك يوم
          عضو ماسي
          • Dec 2005
          • 795

          #5
          مشاركه

          مشكوور اخوي فيصل على مرورك المشرف لاعدمتك


          تحياتي لك

          تعليق

          • ابـن نـعـيـس
            مشرف سابق
            • May 2005
            • 5666

            #6
            صح لسانك ولسان الخس

            يعطيك العافيه


            تحياااااااااااااااااااتي
            [align=center][/align]

            تعليق

            • يجيلك يوم
              عضو ماسي
              • Dec 2005
              • 795

              #7
              مشاركه

              أسعدني مرورك الكريم ابن نعيس لاعدمتك يالغالي

              تحياتي وتقديري

              تعليق

              • ((الدلبحي))

                رابطة محبي الهيلا

                • Mar 2003
                • 6010

                #8
                تسلم يمناك وصح السان الخس

                بس ياليت جبت قصيده الضمني معها لان هذي رد عليها

                تحيااااااااااااااااااااااااااااااتي

                تعليق

                • يجيلك يوم
                  عضو ماسي
                  • Dec 2005
                  • 795

                  #9
                  مشاركه

                  مشكوور الدلبحي على مرورك العاطر لاعدمتك يالغالي وأبشر بقصيدة الضمني.

                  الله من قلب هجوسه عصنّه**كنه يسمر فـي ضلوعـه مساميـر
                  ياطارقا نجر الهوى لا تدنّه** جورك عليه يكسـر القلـب تكسيـر
                  واعزتي لسعود من كبر سنه ** عنه انتحى عصر الصبا والغنادير
                  في مامضى غيد الصبايا يبنه** واليوم ماله من وراهـن مشاويـر
                  حتى ابن هادي بالعيون حربنّـه** تغيـرت لفتاتهـن والمضاهيـر
                  ماكنهن عقب الغلا يعرفنه** راحن على ريـف النشامـا مناكيـر
                  والخس في قلبه من الحب لنه** مركز دفاعه بين هدمـن وتعميـر
                  والى نشدته قال قلبي خذنه**يامن ذكر لـي وردهـن والمصاديـر
                  وصحن الى شفته مع الناس كنه** بين الرجا و الياس يرسل مداوير
                  يطحن غرامه والهموم اطحننه**يشكي على دبيان بعـض التدابيـر
                  اقفى جديد العمر مافيه منه ** اقفاي عشب جاه صيف ومعاصيـر
                  كنّت مزونه والسمايم شونـه**و ابعـد ثـراه وييبسـن النواويـر
                  ليت الليالي ماخذن رجعنه**ينشاف زمـل مدوجـرات البواصيـر
                  يوم الحطب بحبالهن يجمعنه** بين الفياض وسانحـات الدواويـر
                  راع الهوى لو مايجيهن يجنه** والشك زايل والطـوارف مساييـر
                  والى لفاهم طارشا ينشدنه** عينت ماعينـت مـن غيـر تقصيـر
                  والى تلاقـن مـن ربيعـا مضنه**تقبلـن مقطانهـن بالتباشيـر
                  والعصر غالي لبسهن ينشرنه** بين البيـوت وبيـن ورادة البيـر
                  يازين صب الدلو بقدورهنه** قدام تـروي مرزمـات المعاشيـر
                  مافيه رادو بالغنـا يسمعنـه ** والا جهـاز يختلـف بالتصاويـر
                  بس المدوه يوم للبوش حنه **وقولت يـاراع السانيـه بالمحاديـر
                  راع المحبه يالنظر يشغلنه** تنشـق دلـوه بيـن روس المناعيـر
                  كم عاشقا بخدودهن صوبنه** ومعكرشا فـوق الردايـف دعاثيـر
                  على العبس ومن الشمطري غذنه**ماقصصوهن عاملين الكوافيـر
                  واليوم وقت يوذي الناس فنه **عشق الهواتف والصور والمزاميـر
                  وسعود صاح وتالي الصوت ونه** ومحمد اخفى صيحته بالمعاذير
                  ابو خلف عجف السنين امحننه** يومين والا يذكر البيض بالخيـر
                  طشوا كلايف جيشهم والاعنه**ماعاد قالـوا درجوهـن مغاويـر
                  يارب بدل نار الايام جنه** واغفر ذنوب اهل الوجيـه المسافيـر

                  تعليق

                  العمل...