في ذمتي ماعاد باقي رجاجيل

طي
X
 
  • التوقيت
  • إظهار
مسح الكل
المشاركات الجديدة
  • ولد نبعان
    عضو فعال
    • Sep 2005
    • 124

    #1

    في ذمتي ماعاد باقي رجاجيل

    قصيده لااعرف شاعرها لكنها اعجبتني وحبيت اطلعكم عليها



    [poem=font="Simplified Arabic,4,black,normal,normal" bkcolor="sandybrown" bkimage="backgrounds/30.gif" border="ridge,9,crimson" type=2 line=0 align=center use=ex num="0,black"]




    هذي طبوعي كل ما عسعس الليل

    =أصلّـح الدلـة وأجـر اللحونـي

    بريـةٍ موزونـة البـنّ والهيـل

    =والماء بوزن وحيّ هاك الوزونـي

    منهـا تكيّفنـي ثلاثـة فناجـيـل

    =وأرتاح ويطير السهر من عيونـي

    وأراجع الذكرى وأجـرّ المواويـل

    =والذكريـات بكـلّ شكـلٍ ولونـي

    البعض منها يشرح الصدر بالحيل

    =والبعض لا والله يجـدد طعونـي

    وأرجع وأفكّر في الليال المقابيـل

    =لعل وقتـي مـا يخيّـب ظنونـي

    وأدخل على الله من حياة الغرابيل

    =حيث إن همّي ما تشيلـه متونـي

    كنّك مفصّل فوقي الهـمّ تفصيـل

    =لين إلتبسني مثل لبـس الجنونـي

    حالي كما حال القلوب المشاغيـل

    =اللي من أطرف شـيء يتأثّرونـي

    لو يشتكون الغبن والجور والميـل

    =للغيظ وسط صدورهـم يكتمونـي

    فكّرت الا الموضوع يحتاج تحليـل

    =وفنّ الدراسة واحدٍ مـن فنونـي

    عرفت وش عكّر مزاج المشاكيـل

    =يوم إنهم مـن وقتهـم يشتكونـي

    أول سبب: نقالـة القـال والقيـل

    =الطغمة اللـي جعلهـم يذهبونـي

    قلوبهـم بالحقـد سـودٍ مغاليـل

    =ومن طبعهم بالمشكلـة يفرحونـي

    وثاني سبب: ناسٍ على مثل ما قيل

    =لا يقطعـون الشّـر ولا ينفعونـي

    والله ما يرفع ضغطك إلا المهابيـل

    =العالم اللي في النحـر ينشبونـي

    وثالث سبب: ناسٍ سوات المخاييل

    =على سلوم الطّيب ما يحرصونـي

    خلّو سلوم أجدادهم رغو مع سيـل

    =وفي عالم التقليد جـو يركضونـي

    طشّوا عمايمهم ولبسـوا بناطيـل

    =والموس فال أشنابهـم والدقونـي

    وأرقابهم ما سلمت من السلاسيـل

    =تطبّعـوا بطبـوع هيـم البطونـي

    في ذمتي ماعـاد باقـي رياجيـل

    =إلا القليـل وجعلهـم يثبتـونـي

    صفّة بعد صفّة وجيلٍ بعـد جيـل

    =كلٍ من اللي قبله أنقص وأدونـي

    هذي هي الأسباب من دون تفصيل

    =شرحت روس أقلام بس أعذروني

    واللي يبي تفصيل بالحيل بالحيـل

    =يقـدر يكلمنـي علـى تيلفونـي[/poem]
    تحيااااااااااااااااتي
    اخوكم
    النبعاني العصيمي
  • عجاج الليل
    عضو ماسي
    • May 2005
    • 716

    #2
    أول سبب: نقالـة القـال والقيـل

    الطغمة اللـي جعلهـم يذهبونـي

    ولد نبعان تسلم على هالقصيده الرائعه وصح لسان قائلها . تحياتي لك .

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ..


      القصيده لشاعرنا المميز
      وصل العطياني..
      بس لاتكون منسوبه لغيره ؟


      على هذا الرابط
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • خلف بن مرزوق
        مشرف سابق
        • Apr 2005
        • 2765

        #4
        00

        ابن نبعان

        تعرف شاعرها بس مادريت انها اله

        سلمت يمينك

        وصح لسان شاعرنا ابو مشهور
        اهداء لاعضاء وزوار الهيلا
        777
        77
        7

        ديوان الشاعرالعملاق / رشيد الزلامي

        ديوان الشاعر الكبير / حبيّب العازمي

        al3azmi@w.cn

        تعليق

        • ولد نبعان
          عضو فعال
          • Sep 2005
          • 124

          #5
          كانها لوصل صح لسانه وانا قاريها في ورقه معطنيها ابن عم لي
          لاهنتو على المرور بوجودكم
          تنور الصفحه تحيااااتي

          تعليق

          • الفراهيدي
            مشرف سابق
            • Jan 2005
            • 3188

            #6
            يعطيك العافية

            وصح لسانك ولسان وصل العطياني

            تحيااااااااااااتي


            AL-frahedi@hotmail.com


            تعليق

            العمل...