$^$^$^$ أنواااااع الحب $^$^$^$

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    $^$^$^$ أنواااااع الحب $^$^$^$

    هذه قصيدة أعجبتني لا اعلم من قائلها


    نقلتها من شبكة المرقاب الأدبيه





    [poem=font="Simplified Arabic,6,blue,bold,italic" bkcolor="transparent" bkimage="" border="none,4,black" type=1 line=1 align=center use=ex num="0,black"]
    حبٍ يشيّب صاحبه ما بَعَـدْ شـاب =
    وحبٍ يشيب وصاحبه فـي شبابـه

    وحبٍ يغيب وصاحبه ما بَعَدْ غـاب =
    وحبٍ يدوم وصاحبـه فـي غيابـه

    وحب يذوّب خافـقٍ مـا بعـد ذاب =
    وحبٍ يداوي صاحبه مـن عذابـه

    وحبٍ يتوّب خافقٍ مـا بَعَـدْ تـاب =
    وحبٍ يزيدك رغبـةٍ فـي الكتابـه

    وحبٍ حياته كلّهـا لـوم وِعْتـاب =
    وحبٍ حقيقي مـا يضـرّك عتابـه

    وحبٍ بلا معنى وحبٍ بـلا اسبـاب =
    يبدا غريب وينتهـي فـي غرابـه

    وحبٍ ضعيفٍ مثل حبرٍ على كْتـاب =
    تمحيه دمعـه فـي ثوانـي كآبـه

    وحبٍ قويٍ مثل قصرٍ لـه ابـواب =
    لو هبّ عاتيْ الريح ما اهتز بابـه

    وحبٍ بداية رحلته نظـرة اعجـاب =
    واخر مطافه مثـل يـومٍ بـدا بـه

    وحبٍ يعيش بداخل قْلوب الاحبـاب =
    وحبٍ يشيع وكـل حَـيٍ درى بـه

    وحبٍ مقامه في ضلوع الصَدِر طاب =
    وحبٍ يعدّي مثـل مـرّ السحابـه

    وحبٍ على قبره نعق بوم وغْـراب =
    وحبٍ تغنّـى بـه لحـون الربابـه

    وحبٍ بمقدارٍ وحـبٍ بـلا حْسـاب =
    وحـبٍ بمعـروفٍ وحـبٍ نهابـه

    وحبٍ يعيش أهله وسط داره اغراب =
    ويموت قهر ويندفـن فـي ترابـه

    وحبٍ غدا سرّه سوالف للاجنـاب =
    وحبٍ يموت وصاحبه ما حكى بـه

    وحبٍ يشيب وصاحبه ما بَعَدْ شاب =
    وحبٍ يشيب صاحبه فـي شبابـه [/poem]
  • ((الدلبحي))

    رابطة محبي الهيلا

    • Mar 2003
    • 6010

    #2
    فيصل المسعودي


    تعيش ويعيش صاحب القصيده


    جزله وروعه


    تحياااااااااااااااااااااااااااااااااااتي

    تعليق

    العمل...