قصيدة مدح في : < القــبائل العربــيه >.

طي
X
 
  • التوقيت
  • إظهار
مسح الكل
المشاركات الجديدة
  • منصور بن فهيد
    مشرف سابق
    • Dec 2004
    • 3451

    #1

    قصيدة مدح في : < القــبائل العربــيه >.

    مساكم الله بالخير جميعا

    هذه قصيده لا يحظرني اسم قائلها وهي عباره عن قصيدة مدح في جميع القبائل العربيه احببت ان اطرحها عليكم وهي كالتالي :


    [poem=font="Simplified Arabic,5,chocolate,normal,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
    يالله ياخالـق اراضيـن وابحـار= الواحـد المعبـود رازق عبـيـده

    الخالق الغفار علام الاسرار= وفرق شعـوب الارض فـي كـل يـده

    وابدي واسولف من عذيبات الاشعار= ابيات شعـر والمعانـي وكيـده

    اشري وابيع واعرف كيف بختار= واختار من جزل البيـوت الفريـده

    وذ كرتراث وعز وامجـاد وافخـار= قبائـل تومـن بديـن وعقيـده

    وصلت حضارتنا على سطح الاقمار= ابنا الجزير والجزيـره مجيـده

    في ظل حكام لهم فعل واشـوار= ال السعـود اللـي تفـك الضهيـده

    نسل الزعيم الحاكم العـادل البـار= مجـدد امجـاد الجزيـره بجيـده

    حتى اصبحت حره وحنا له انصار= في ظل اخو نوره هنوف سعيـده

    وصارت لابو تركي بطوله وتذكار= والفخر والامجـاد تبقـى شهيـده

    وخلف لنا املوك لهم فعل واخبار= الشعـب واحـد والقيـاده رشيـده

    والامن بانينه على ساس وجدار= وقرو على العابـث عقوبـه شديـده

    وحنا حماة الدار من كل غـدار= ومـا همنـا بطشـه وخبثـه وكيـده

    قبائـل مالحقناهـم اوعـار= وعشنـا بهـذي الـدار عيشـه رغيـده

    والحمد لله نحمده سر واجهـار= شعـب تكاتـف مـن سنيـن مديـده

    ودون الوطن جيش على كل معبار= لارفرف البيـرق ونـادى عقيـده

    بشرق البلاد وغربها دوم حضار= وارض الشمال اللي نفـوده مديـده

    وارض الجنوب اللي تخيضر بالاشجار= جزيرة فيهـا القبايـل عديـده

    ارض بها قحطان وافيـن الاشبـار= وياعـز منهـم بالشدايـد بسيـده

    واذكر عتيبه يوم للطيب مغوار= لا ثـارت الهيجـا وقـرب ضديـده

    وشمر هل الطولات والجود مقدار= اهل الكرم واهل الفعول الحميـده

    [وقوم اعنزه مروين الاخصام الامرار= اولاد وايل من عصور عهيده

    ومطير قوم تكرم الضيف لا زرار= وياويل خصم في حراهـم وعيـده

    واذكر قبيلة حرب يانعم الاخيار= وتاريخهـم يحكـي سطـور مجيـده

    وسبيع نعم القوم ووجيه الاسفار= زبن الدخيل ليا زبـن مـن طريـده

    واذكر قبيلة يام والطيـب ينـدار= اهـل العلـوم الوافيـه والرشيـده

    ثم الدواسر تجعل الخصم منهـار= عيـال زايـد عـز منهـم سنيـده

    ثم السهول اللي لها الطيب مدرار= وعن منهج العادات ماهـي محيـده

    ثم اذكر العجمان حمايـة الجـار= والمرجلـه والجـاه فيهـم عتيـده

    واذكر بني مره طويلين الاعمـار= مـا ينقـد المـري ولا لـه نقيـده

    ثم الهواجر لابة تقدح النـار= اهـل الركـاب اللـي خطاهـا بعيـده

    واذكر بني خالد قبيلة وامار= قوم لهـم فـي المجـد قـول ورصيـده

    وبني تميم اللي لها الطيب مصـدار= بنـي تميـم وكـل فعـل تجيـده

    ثم الزعوب اللي بها الخصم يحتار= شجعان ماترضى سـوا ماتريـده

    العازمي وافي وفي الطيب بيطار= روحه على كل المصاعب صميـده

    ثم الظفيري في المصاعيب جبار= والطيب والامـداح باصلـه وطيـده

    ثم اذكر الاشراف بجلال واكبار= اهل الحجـاز اللـي تفـك الزهيـده

    ثم الهذيلي له مواقف ومندار= راعي الفخر راعـي العلـوم السديـده

    ثم البقوم اللي لهم جيش وامهار= ريف الضيـوف ليـا لفاهـم وليـده

    واذكر ثقيف اللي لهم مجد وآثار= ومهمـا حسبنـا مـن كـلام نعيـده

    وبلحارث اهل العز بشهود واقرار= ا لحارثي ياطيـب فعلـه وجيـده

    والمالكي معروف لا صار ما صار= في موقف اهل الطيب يبذل جهيده

    واثني تحياتي عدد وبل الامطار= علـى سليـم وكـل خصـم تكيـده

    واذكر جهينه هل مواقيف وادوار= تلقى الجهيني راسـم الطيـب بيـده

    واذكر بلي والمجدله فعل واظهار= وتاريخهـم يحكـي فعـول فريـده

    وبني عطيه في المواجيب حضار= قـوم بوقـت الجـد قـوم عنيـده

    ثم الحويطي والكرامه له اشعار= ثـم الشـراري لـه فعـول مفيـده

    وباقي جنوب الدار والقاف مادار= باقي علـى قلبـي كـلام واشيـده

    زهران نعم القوم في وقت الاضرار= والخصم عينه من لقاهـا سهيـده

    والغامدي معروف له عزم واصرار= راعي المراجل والعلوم المفيـده

    وشمران قوم والجمايل لها اطـوار= وبلقـرن سـم للقلـوب النكيـده

    والاكلبي والمحلفي مابعـد بـار= والحارثـي طيبـه وفعلـه يشيـده

    وبني شهر وبني عمر سيف بتار= قوم علـى الاخصـام نـار وقيـده

    والاسمري والاحمري صيتهم سار= بيـن القبايـل والمواقـف شهيـده

    واذكر عسير الهول ذربين الاذكار= وابها احتموهـا فالسنيـن الشديـده

    وادهم والصيعر على حد الاقطار= يحمون حد الدار من اللـي يريـده

    وامشي مع الساحل مع جمله افكار= رسمتهـا والطيـر زان اتغريـده

    وانزل على جيزان تاريخ واديـار= ورجـال فيفـا والقبايـل عديـده

    وارجوا العذر واهل المواجيب عذار= الي نسيته مانذكر في القصيـده

    الواهبي عدد ابيوتـه بـالادوار= مـن شاعـر ماشـل قلبـه حقيـده

    يوم البلد مايامن الزند لاثـار= زيزومنـا ابـن مشيـط نعـم الوليـده

    فالجهل شجعان وفي السلم تجار= مـن بطـن بيشـه للتهـم لارفيـده

    حبيت ابين موقفي بين شعار= وارجـوا سموحتكـم علـى ذا النشيـده

    ماحب انافق واتعنصر تعنصار= ولا ني باطيع اهـل العقـول البليـده

    ما كل من طب البحر قيل بحار= وما كل من شل الفشق جـاب صيـده

    فالشعـر بستـان بـه ورد وازهـار= واللـي تعداهـا بيوتـه فقيـده

    واقولها في الشعر تكرار وامرار= ضرف بلا عنـوان يلغـى بريـده

    وبعض السوالف له مواقف ومحضار= وشعر بلا معنـى لـزوم نبيـده

    وصلوا على المرسول شفاع الابرار= محمـد الهـادي وقـدوة عبيـده[/poem]


    تحياتي للجميع
    man.9.our@hotmail.com
  • ابـن نـعـيـس
    مشرف سابق
    • May 2005
    • 5666

    #2
    النويري

    صح لسانك ولسان الشاعر

    ويعطيك العافيه


    والقصيده سمعت انها للشاعر فيصل الرياحي



    تحيااااااااااتي
    [align=center][/align]

    تعليق

    • غشام نجد
      مشرف سابق
      • Aug 2005
      • 2631

      #3
      النويري

      صح لسانك ولسان الشاعر

      ويعطيك العافيه


      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        تسلم ياغالي

        والقصيده سبق ان نشرة فالمنتدى

        تحيااااااااااااااااااااااااااااتي

        تعليق

        • فيصل المسعودي
          مشرف عام
          • May 2005
          • 8296

          #5
          تشكر ياغالي


          على نقلها


          وانا فعلا سمعت انها لفيصل الرياحي والله العالم


          تحياتي

          تعليق

          • منصور بن فهيد
            مشرف سابق
            • Dec 2004
            • 3451

            #6
            الاخوه الافاضل

            ابن نعيس
            غشام نجد
            الدلبحي
            فيصل المسعودي

            كل الشكر على تشريفكم الكريم وردودكم الموقره

            تقبلوا خالص تحياتي

            اخوكم

            منصور الشيباني
            man.9.our@hotmail.com

            تعليق

            • ابو وضاح
              عضو ذهبي
              • Sep 2005
              • 318

              #7
              النويري ..

              لك خالص شكري وتقديري على هالابيات الرائعة فوق الرائعة

              تعليق

              • منصور بن فهيد
                مشرف سابق
                • Dec 2004
                • 3451

                #8
                اخي الفاضل : ابو وضاح

                كل الشكر والتقدير لك عزيزي على حضورك وتواصلك

                تحياتي
                man.9.our@hotmail.com

                تعليق

                العمل...