مالك عن المقسوم لو عنه صديت === الموت حق والسبايب جرادي

طي
X
 
  • التوقيت
  • إظهار
مسح الكل
المشاركات الجديدة
  • جح للبعارين
    عضو نشيط
    • Sep 2005
    • 37

    #1

    مالك عن المقسوم لو عنه صديت === الموت حق والسبايب جرادي

    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=0 line=0 align=center use=ex num="0,black"]
    موتري ساموك مني وعييت = لا نيب متحسف ولا نيب غادي
    ابي ليامني عن الدار مليت = لينك توصلني ديارٍ جدادي
    لا صار تعبير الضماير تناهيت = وكثرت على ضيق المجال الدوادي
    دقيت سلف الجيب من غير توقيت = عند الضحى ولا بنص الهجادي
    صوته يشتت ضيقة الصدر تشتيت = بالقار ولا مع خطوط الحمادي
    البر يا خالد وانا ابوك لانويت = تراه طب موجعين الفوادي
    لادجت ساعه في الفياض وتمشيت = والله ما غبط منصبين البلادي
    صوت ام سالم يوم ترسل زغاريت = عندي يفوق منوعات الروادي
    وشوف الضعون تسير واللي رعت = هيت واللي فحلها ما يعرف القيادي
    واللي عويل نجورهم له تصاويت = واللي سناها من بعيدً ينادي
    وشوف البيوت مشيداتً بتثبيت = ومطارد الحيران عقب الرقادي
    اخير مما ينتج النفط والزيت = واخير من كيل الذهب والحصادي
    ولا باس لا مـنك لجدك تنصيت = يا خالد شوف العود شربي وزادي
    جدك تنصاه الرجال المناعيت = لا شان وجه الوقت والهم زادي
    ذبّـاح حيلً للنشاما هل الصيت = على القدا ولا على غير قادي
    وان كان يا خالد بفعله تقديت = ما يفرحون اهل القلوب الحقادي
    ما للردى عندك مقرً ولا بيت = ما بين عمـّان وخوال ومبادي
    وابعد عن اللي يعملون التواليت = اللي لهم فالسوق جره وعادي
    الداشرين الصايعين السرابيت = حيين لكن يا حياة الزهادي
    خلك مع شخوص الرياجيل لا وميت = كم واحدً منهم نفع واستفادي
    ولا تنثني لو كان للشر حديت = بكلاش ولا بشتباك الايادي
    اقلط على البارود لو تنحسب ميت = موتك ولا قول الذليل الربادي
    مالك عن المقسوم لو عنه صديت = الموت واحد والسبايب جرادي[/poem]
  • ابـن نـعـيـس
    مشرف سابق
    • May 2005
    • 5666

    #2
    جح للبعارين


    اخي العزيز ارجو منك تفقد المنتدى
    لان هذا الموضوع مسجل باسمي فيه
    وقبل مشاركتك الفاضله



    تحيااااااااااتي
    [align=center][/align]

    تعليق

    • جح للبعارين
      عضو نشيط
      • Sep 2005
      • 37

      #3
      [align=center]أخوي إبن نعيس الغالي أنا متأسف كثيراً على نقلها ولم أرى ما في المنتدى من قصايد جديده .

      وإذا كان الأسف ما يكفي إطلب اللي تبي ورقبتي سداده أهم شي ما تزعل مني .

      أررررررجو منك أن تمسح القصيده هذي ولك خالص تحياتي .[/align]

      تعليق

      • ابـن نـعـيـس
        مشرف سابق
        • May 2005
        • 5666

        #4
        تسلم رقبتك

        والله يعافيك ويسلمك لكن حبيت انبهك انها موجوده

        وبالنسبه للمسح ماقدر ما املك الخاصيه

        وعذرك مقبووول اخوي

        تحياااااااااتي
        [align=center][/align]

        تعليق

        العمل...