ومن لاحسب قبل النسب معدن الخال\\لا ينشد المولود من وين عيبه

طي
X
 
  • التوقيت
  • إظهار
مسح الكل
المشاركات الجديدة
  • ولد نبعان
    عضو فعال
    • Sep 2005
    • 124

    #1

    ومن لاحسب قبل النسب معدن الخال\\لا ينشد المولود من وين عيبه

    وإن من الشعر لحكمه...
    .
    .


    يالعبد لو ميزت فـي كـل الاحـوال
    عرفـت ويـن المخطيـه والمصيبـه
    وعطيـت واف الحـق قـدام ينقـال
    مخطي وتصبـح بيـن شـكٍ وريبـه
    الحق مايزعـل منـه غيـر الانـذال
    اهل الردى واهل والوجيه الغضيبـه
    دام السريره صافيـه فأنـت رجـال
    واليـا دخلهـا غـش والله مصيـبـه
    الحر لو ماحـط لـه بشـت وعقـال
    يكفيـه بيـن النـاس فعلـه وطيبـه
    وراع الردى لو بأجمل اللبس يختـال
    تلقى الـردى مابيـن كمـه وجيبـه
    ومن لاكسب كلمة نعم بيـن الاجيـال
    يكسب بدلهـا ياهـل العـرف خيبـه
    ومن لا شرب لمواجه الوقت فنجـال
    يقضي العمر بيـن الطمـان وشعيبـه
    ومن لاتحدى في الزمن بحر الاهوال
    اللـول والمرجـان ماهـو نصيـبـه
    ومن لاحسب قبل النسب معدن الخال
    لاينشـد المولـود مـن ويـن عيبـه
    ومن لادفع في ماقف الربـع مثقـال
    لا ينتظـر تعطيـه ربـعـه زبيـبـه
    ومن لا طلب للمشكلـه نـاس عقـال
    يجيـه مـن عميـان الاريـا كتيبـه
    ومن لاحفظ سمعه عن القيل والقـال
    تلقـى ورم مخـه نميمـه وغيـبـه
    ومن داس عرض الناس لو كان بالمال
    من عرضه المصيون دفع الضريبـه
    ومن لاحسبها صح في عمر الاقبـال
    ماهـو بحاسبهـا ليـا بـان شيـبـه
    سمعـت ماقالـوه قبلـي بالامـثـال
    من لاكسـب كلمـة نعـم وش تبيبـه
    جنب عـن الرديـان وكبـار الازوال
    وتلقى من اهل الخير من تعتزي بـه
    هذي نصيحه كان مـا اعطيتهـا بـال
    أتضيـع بيـن المخطيـه والمصيبـه

    لشاعر لا أعلم أسمه

    ولكن صح الله لسانه ملاااين
  • فيصل المسعودي
    مشرف عام
    • May 2005
    • 8296

    #2
    صح لسانه


    جزله ومليئه بالحكم


    تشكر على نقلها


    تحياتي

    تعليق

    • الــوآفــي
      عضو اداره
      • Mar 2003
      • 3629

      #3
      صـــــــــــــــح لسانه


      وسلمت على نقلها


      والاسلوب والجزاله تشبه لقصايد بندر بن سرور


      تحيااااتي لك
      [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



      [align=center]



      [align=center]ليا جاء طاري الهيــــــلا يفز القلب فزة شوق[/align]






      ألبوم صور



      مدونه مميزه



      [/align][/align]

      تعليق

      • ولد نبعان
        عضو فعال
        • Sep 2005
        • 124

        #4
        بموروركم نورت الصفحه تحياااااااتي

        تعليق

        العمل...