الا يالله عفوك مامعي بيجر ولا جوال

طي
X
 
  • التوقيت
  • إظهار
مسح الكل
المشاركات الجديدة
  • خوال الرسول
    عضو نشيط
    • Jan 2003
    • 59

    #1

    الا يالله عفوك مامعي بيجر ولا جوال

    الا يالله عفـوك لا معي بيـجــر ولا جــــوال /// ولا عنـدي وضيـفه والتجـــاره فاشـلٍ فيـها


    ولاعندي شهـاداتٍ ولاحــرفه تسـد الحــال /// ولا حــظٍ كبير لا اخـطـت الجــــره يقديها


    مخابي الثوب تومي مادخلها من زمان ريال /// بها فاتورة الكهــرب ولا يمـديني اقضيـها


    علىذيك العراوي تتعب الحادي مع الجمّال /// ثلاث اشهـور فالورشـه وشهـرينٍ مغطيـها


    ابيها لو تجـمّـل يـوم واجلـبـها على الدلاّل /// يجيـها واحـدٍ حـظه مثل حـظي ويشــريها


    نصيت العسـكـريّه يوم قالوا للنظـام رجــال /// وقـدّمـت المـلـف وصـورةٍ متشــخـصٍ فيـها


    خـذا الاوراق مني واحـدٍ مـا عند ابـوه دلال /// سلوم الناس واهل المعرفه والطيب مخطيها


    قراهـا في دقيـقه والتفـت عـجـلٍ علي وقـال /// شهادتك العظيمه يا ولد وين انت مخفـيها


    هزّيت الراس ماعندي تقول اني من البنقال /// وقمـت احـب خشـمه واطلبـه بالله تمشّـيها


    حـذفها من يده شين الطبيـعه والنبا والفـال /// وقـال ازين تعـوّد صـوب نوقاتـك تعشّـيها


    تناوشته من الكرسي وعفت الحل والترحال /// وضربته بالبياله عقب ما بيّحت شـاهـيها


    خذوني للسجـن لا نيب لا ظـالم ولا محـتال /// مجـرّد واحـدٍ جـا يكـحل عيونه فيعمـيها


    ويوم اني خرجت اقفيت لارض الله وسيع الجال /// عـلى بـرٍ هـواه يـداوي العـلّـه ويـبـريـهـا


    ادوّر قصعة الجـربوع والظـب الفتي يخـتال /// والارنب يا شفاة الروح ما احلاها وطاريها


    بـلا كهــرب ولا بيجــر ولا غـازٍ ولا نقّــال /// قوانين الحضــاره لا تبي شـوفي ولا ابيـها


    وسلامتكم
  • ابو وعيل
    مراقب سابق
    • Aug 2002
    • 1707

    #2
    الغالي خوال الرسول

    صح لسانك ولسان قايلها ..

    ومشكور على مشاركتك .

    والموضوع تم نقله للقسم الشعر الشعر المعاصر .


    اخووك ابو وعيل الرويس

    تعليق

    • ^المقاطي^
      عضو ماسي
      • Oct 2002
      • 747

      #3
      ..

      صح لسانك والله يعين الحال ( :

      تعليق

      • ابوعتب
        عضو فعال
        • Dec 2002
        • 194

        #4
        قصيدتك الجميله هيضت معها خلي البال -ومن زين المثايل يالبناخي قمت اغنيها

        تعليق

        • أبو عتب من مصده
          عضو نشيط
          • Nov 2002
          • 30

          #5
          *

          قصيده أجمل من رائعه ....

          صح لسسسسسسسانك وتسلم يمناااااااك ...والله يعين الحــال


          تقبل تحياتي:أبوعتب

          تعليق

          العمل...