الرجال طيور

طي
X
 
  • التوقيت
  • إظهار
مسح الكل
المشاركات الجديدة
  • فواز الشيباني
    موقوف لمخالفة الأنظمة
    • Apr 2005
    • 2001

    #1

    الرجال طيور

    [poem=font="Simplified Arabic,5,white,normal,normal" bkcolor="transparent" bkimage="backgrounds/32.gif" border="groove,4,gray" type=0 line=0 align=center use=ex num="0,black"]
    الرجال طيور توصـف بالحـرار=
    وكل طير فـي جناحينـه يطيـر
    وين طير يحتري لـه كـل جـار=
    ووين طير يذعره صوت الصفيـر
    وين طير لا نهض شـق الستـار=
    وين طيـر مايصيـد إلا الشريـر
    لو تقـول إن الشجاعـة بالطيـار=
    كان فضلنا القطا عـن كـل طيـر
    النداوي له علـى الفعـل اقتـدار=
    والحمامـة بالمحـارم تستـديـر
    وإن جهلت الزين والجنس الدمـار=
    انشد اللي فـي معرفتهـن خبيـر
    افتهـم منـي كـلام باختـصـار=
    فرق بين الصوف من سلك الحرير
    وفرق بين الحب ونخال الشـوار=
    أصلهن واحد لاشك الـذوق غيـر
    ربعة الطيـب تزيـدك بانتصـار=
    ترفعك رفع العمـد بيـت نظيـر
    والردي عرفه مثـل بيـت هيـار=
    تنقبـر فيهـا ويدفنـك الحفـيـر
    حقة الطيب تجيـك مـن الفقـار=
    والردي يعطيك كرسـوع البعيـر
    لاترابـع واحـد بالعهـد بــار=
    وإن وفا مرة فهـو خيـر كثيـر
    التجـارب خلهـا لـك مستشـار=
    لاتبي غير التجارب لـك شويـر
    لاتجـي مدخـل يدينـه بالخبـار=
    مالقى صيـدة لقـى داب ضريـر
    وانت في نفسك عليك الـدور دار=
    لاتحسـب إنـك مخلـى يافقيـر
    وقر العالـم وتلقـى لـك وقـار=
    وإن حقرت حقرت لو إنك أميـر
    والشرف لايستـوي فيـه انهيـار=
    الشرف هو مقضب السيف الشطير
    والقناعة مرجلة والضعـف عـار=
    واطلب النجدة من الوالي القديـر
    لاتجـي للنـاس طلباتـك كثـار=
    كـل ديـوان تجـي يمـه مغيـر
    ماخبرنا في هـل الشحـذة تجـار=
    غير فقره كـل نفـسٍ لـه تعيـر
    خل عز النفـس للعـورة ستـار=
    لو فراشك في طرف بيتك حصير
    وانت للعـودة إلـى الله بانتظـار=
    واحـد مالـه وكيـل ولا مديـر
    مـدة الله تمتلـي منهـا النـقـار=
    تجعل الغـدران بالملـزم تحيـر
    تجعل الوادي مريـف بالخضـار=
    عقب ماهو يابـس قشعـة هشيـر
    الكريم معـان والفـارس مجـار=
    مدي الواجـب ونطـاح الذخيـر
    والغنـى بالـذل مافيـه اشتهـار=
    والفقـر بالعـز لأمجـادك يثيـر
    منزلك بالذل فـوق أعلـى منـار=
    ينتفضل عنـه مسكـان الحجيـر
    مرقدك بالعز فـي حـزم القـرار=
    ينتفضـل بالمعـزة عـن سريـر
    الغنى بالنفـس ماهـو بالصـرار=
    كـم غنـي كـن ماعنـده دخيـر
    كم فقير فـي ثقيـل الحمـل ثـار=
    وكم غني سمعتـه سمعـة فقيـر
    لا تقول فـلان يملـك لـه عقـار=
    ليش أنا ما أدركت مثلـه وأصيـر
    واحد معطي ماهـو فيـك غـار=
    لاتجي لأحـوال خلـق الله نظيـر
    ولاتقول الوقت لايحنـي صطـار=
    ضربـة خلـت دماغـي يستديـر
    غيـرك الدنيـا تلوحـه بالحجـار=
    لين صار الدم مـن خـده خريـر
    ضامـت الدنيـا مدللـة البـكـار=
    نازلين القفـر لـو جاهـم نذيـر
    وانكشف برق مثل لـون الشعـار=
    يذكر الغزاي به عشـب وغديـر
    جلعوا لـه مالهـم غيـره مـزار=
    في جهـام كنـه الصيـد المذيـر
    وإن مشورك بالسلف والنشر سار=
    زمة الحيـران زاهيهـا النشيـر
    حاسبـيـن للجـهـاد وللمـغـار=
    والبنـادق ماتخـبـى بالجفـيـر
    كان شاط الهوش شيطات العشـار=
    جتـك أواليـد تعـزوا بالفطيـر
    موتة عن قولـة الخفـرات نـار=
    العـذارى ماتعشـق اللـي ينيـر
    وينهـم هالحيـن مامنهـم سمـار=
    ماتشوف إلهـم ورود ولاصديـر
    مالـت الدنيـا عليهـم بانكـسـار=
    عقب مايضهد دبشهـم كـل بيـر
    عقب شرب الدر من سور الحوار=
    هاجروا بالمدن يشرون العصيـر
    والدبور إليا طبـخ قـدره وفـار=
    ذوب اللي فيه من حامي السعيـر
    لـذة الدنيـا مثـل لعـب القمـار=
    لو جمعت المال شف تالي المصير
    لوجمعت من الذهب حمل القطـار=
    عند نزع الروح ما أنتب له دبيـر
    صار بين الوارثيـن بـلا مشـار=
    انعزل حق الكبير مـن الصغيـر
    وانت حقك خامـةٍ عشريـن وار=
    حقتـك هـذي ولا فيهـا خشيـر
    فصلوا منهـا حزامـك والـوزار=
    وأقرشوا بك يم مثـواك الأخيـر
    وانسدحت من الفضا في وسط غار=
    يطـردك منكـر وقدامـك نكيـر
    واهني اللي مشى طلـق الشكـار=
    سالم من ظلم عمرو ومـن عميـر
    لـوه بالدنيـا بحـالات خـطـار=
    يرتجي بالآخـرة فرحـة نظيـر
    مـن رحمـه الله وقبلـن العـذار=
    رحمة الله تغفر الذنـب الخطيـر
    والأثيم من الصراط أقرش وعـار=
    إن سلم من ويل طـاح بزمهريـر
    يـا إلهـي كـان مالـي إقتـدار=
    ألتجي في رحمتك وأنت المجيـر
    الشباب أقفى وأنـا بآخـر نهـار=
    وأرتجي فزعتك يانعـم النصيـر


    الشاعر مرشد بن سعد البذال الرشيدي [/poem]
  • ((الدلبحي))

    رابطة محبي الهيلا

    • Mar 2003
    • 6010

    #2
    تسلم يمناك

    بالفعل قصيده جزله وشاعر علم واسم سيبقى على مر التاريخ

    اسمحلي على تنسيق القصيده

    تحياااااااااااااااااااااتي

    تعليق

    • فيصل المسعودي
      مشرف عام
      • May 2005
      • 8296

      #3
      صح لسان البذااااال


      وتسلم على نقل هالجزله يالغالي


      تحيااااتي

      تعليق

      • فواز الشيباني
        موقوف لمخالفة الأنظمة
        • Apr 2005
        • 2001

        #4
        اخي الدلبحي تمون مشكور على التنسيق والمرور الكريم

        تعليق

        • فواز الشيباني
          موقوف لمخالفة الأنظمة
          • Apr 2005
          • 2001

          #5
          اخي فيصل مشكور على المرور الكريم

          تعليق

          • ابـن نـعـيـس
            مشرف سابق
            • May 2005
            • 5666

            #6
            صح لسانك ولسان الشاعر

            قصيده جزله من شاعر كفؤ


            تحياااااااااتي
            [align=center][/align]

            تعليق

            • فواز الشيباني
              موقوف لمخالفة الأنظمة
              • Apr 2005
              • 2001

              #7
              اخي ابن انعيس مشكور على مرورك الكريم

              تعليق

              العمل...