جديد محمد بن دحيم المقاطي

طي
X
 
  • التوقيت
  • إظهار
مسح الكل
المشاركات الجديدة
  • عساف الفيصل
    عضو
    • Aug 2013
    • 1

    #1

    جديد محمد بن دحيم المقاطي

    [align=center][poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


    مشكور يا قرمن له المجد عنوان=اعداد ما ذعذع نسيم البرادي
    واعداد ماناحت على خضر الاغصان=ورق الحمام وما استباح الفوادي
    فيها القرايح نظم لولو ومرجان=فرايدن له وجّهن باعتمادي
    اللي فزع لي فزعتن شانها شان=تنشر له البيضاء بروس المبادي
    ياطيب الفزعات ياذرب الايمان=عسى سنينك يابو مشعل عيادي
    ياعزوة اللي من غثى الوقت بلشان=ياللي على بذل الجمايل تنادي
    يفداك من يبغى الجميله وبحلان=خطوى البخيل اللي فعوله دوادي
    اللاش يبغى المال للعمر رفوان=مايدري انه موعدن بالحصادي
    شتان يا أفعال المخاليق شتان=أحدن نهج بالطيب و أحد متحادي
    الطيب لولا الطيب غالن بالأثمان=ماكان راع الطيب ذكره يشادي
    يابن دغيثر ياسلايل كحيلان=زبن الرفيق ليا حدنه حوادي
    لولا كذا ما حط للمجد ديوان=و لا خلد التاريخ راع الشدادي
    انتم هل الأمجاد من ماض الأزمان=ياعيال منهو للمهمه سنادي
    عايض بنى في ذروة المجد صيوان=وخلد له التاريخ فعلن وكادي
    من نبع جوده يبتهج كل عطشان =بحاله وماله لا نخيته يفادي
    يعطي الجزايل مايحسّب للأثمان=تغن العواني مدّته بالأيادي
    ونجمن على شوكة خصيمه ليا بان=لا زل عن درب الهدى والرشادي
    عز الخوي لو هو من القوم ومدان=لا قيل تكفى بالركن يالصمادي
    وخلّف شبولن بين قومن وصدقان =تنومس اللابه نهار العنادي
    اليا وقف ديّان في وجه ديّان=تشفيك لو ان الخصيم متمادي
    وان جيتهم عاني من الحمل زملان=غديت فـ أوسع من فياح الريادي





    [/poem][/align]



    [align=center]محمد بن دحيم العتيبي [/align]
  • أبو عقاب العتيبي
    عضو
    • Jun 2013
    • 19

    #2
    تسلم يمينك ياعساف على النقل ، وصح لسانه ويستاهلون النشاما المدح ،
    تقبل مروري ...

    تعليق

    • معذب الشاشات
      موقوف لمخالفة الأنظمة
      • Dec 2012
      • 150

      #3
      صح لسان محمد ولسانك

      تعليق

      العمل...