قصيده للشاعر أحمد الناصر

طي
X
 
  • التوقيت
  • إظهار
مسح الكل
المشاركات الجديدة
  • كاسب الطيب
    عضو فعال
    • Jul 2005
    • 176

    #1

    قصيده للشاعر أحمد الناصر

    أخواني أعضاء الهيلا هذه أول مشاركه لي معكم وهي قصيده للشاعر

    الكبير / أحمد الناصر . وأتمنى أن تفيدكم وتنال إعجابكم ......


    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    عيني جزت عن لذة النوم بالليل = لاواهنيّ المهتني في منامه

    بس الطواري مقفيات ومقابيل = تقفي وتقبل بي وأنا بالسلامه

    ماشفت منه ألا العنا والغرابيل = متساوي متن البعير وسنامه

    أمثال للي يرغبون التماثيل = سويتها ... وأهديتها لليمامه

    تنـشـَـر وتقراها الرجال المشاكيل = تروح شرق وغرب وأقصى تهامه

    يا ( بوحمد) هذا زمان التهاويل = أثر الرجال أشكال ذيب ونعامه

    أحدٍ توهق به وهو مثل ماقيل = كنّه على حوش البهايم ردامه

    يشيل نفسٍ عجز عن شيلها الفيل = وأكبر مصيبه ينتسب للزعامه

    واحدٍ مثل وصف الجمل شايل الشيل = يصبر ولو عضت ضلاف المسامه

    وأحدٍ مع أهل الوقت بصر وتحاليل = وأحدٍ تغرّك حشمته واحترامه

    وأحدٍ تجمل به ويكرهك بالحيل = وده على قبرك يبني خيامه

    نسى الجميل وبدل العدل بالميل = وما ينكر المعروف غير الفدامه

    مبدا المعرفه ماتبي فيه تبديل = وأتلى المعرفه بالفلَس والندامه

    جمايلك عنده مشى فوقها السيل = سيلٍ يدهدم كل جرف وعدامه

    فرق الرجال أبعد من الجدي لسهيل = وأهل العقول أبرك من أهل الغشامه

    إن كان ودّك توفي الوزن والكيل = وتنزل الـرجّال مـنـزل كرامه

    إليا اشتبهت بوزن بعض الرياجيل = اسمع كلامه واوزنه في كلامه

    أما حسبته من حساب المهابيل = ولاّ حسبته من رجال الشهامه

    من دون قولت خيلكم ياهل الخيل = الرجل منطوقه له أكبر علامه

    من رافق الطيّـب يحوش المحاصيل = ومن رافق الباير يحوش الملامه

    المرجله ماهي تجي بالتساهيل = اللي يبا الطولات يكرب حزامه

    وكل الرجال عيال تسعة مهاليل = وكلٍ لبس بشت ولبس له العمامه

    مار الفخر ماهوب عند المداخيل = ترى الفخر عند الخروج ونظامه

    من صد لاتحفي عليه المراسيل = أنصحك لاتلعب عليك الرخامه

    السالفه تحتاج شرح وتفـصيل = دايم يغر الناس كـــبـر الجهامه[/poem]


    كاسب الطيب
  • فيصل المسعودي
    مشرف عام
    • May 2005
    • 8296

    #2
    [align=center] كاسب الطيب


    سلمت يداك لنقل هذه الرائعه للشاعر احمد الناصر


    جزله صح لسانك ولسانه


    تحياتي[/align]

    تعليق

    • كاسب الطيب
      عضو فعال
      • Jul 2005
      • 176

      #3
      فيصل المسعودي

      سلمت يالذيب وصح بدنك .

      وألف شكر على هذا الاهتمام والمتابعه الجيده .

      تحياااتي يالغالي ،،،


      كاسب الطيب

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        كاسب الطيب

        الله يعافيك على المشاركه وصح السانك والسان احمد الناصر

        تحياااااااااااااااااااتي

        تعليق

        • كاسب الطيب
          عضو فعال
          • Jul 2005
          • 176

          #5
          الدلبحي :


          الله يسلمك ، وصح بدنك ، وألف شكر على المرور الذي أسعدني


          تـحـيـاتـي يـالـغـالـي ،،،


          كاسب الطيب

          تعليق

          • ابـن نـعـيـس
            مشرف سابق
            • May 2005
            • 5666

            #6
            كاسب الطيب


            صح لسانك ولسان الشاعر

            ولاهنت وتسلم يمينك


            تحيااااااااااتي
            [align=center][/align]

            تعليق

            • كاسب الطيب
              عضو فعال
              • Jul 2005
              • 176

              #7
              تم النشر في الأصل بواسطة ابـن نـعـيـس
              كاسب الطيب


              صح لسانك ولسان الشاعر

              ولاهنت وتسلم يمينك


              تحيااااااااااتي

              صح بدنك ، ولاهنت ، والله يسلمك


              تحيااااتي يالغالي ،،،



              كاسب الطيب

              تعليق

              العمل...