الحب شايب والفراق ابنه العاق للشاعر سلطان بن بتلاء

طي
X
 
  • التوقيت
  • إظهار
مسح الكل
المشاركات الجديدة
  • نسل عساف
    عضو فعال
    • Jan 2012
    • 101

    #1

    الحب شايب والفراق ابنه العاق للشاعر سلطان بن بتلاء

    [poem=font="traditional arabic,5,darkred,bold,normal" bkcolor="transparent" bkimage="" border="solid,1,black" type=0 line=0 align=center use=ex num="0,black"]
    الحب شايب والفراق ابنه العاق=والوصل غايه والقصايد وسيله
    اثر المفارق له علاقه بالاخلاق=ويقصر طويلة صدر راعي الطويله
    مافيه اشرّ من الهواوي ليا ضاق=من ضيقته حتى البزر يشتكي له
    ياللي غضبت وكانت حلولك فراق=الغيض ولعه والمجادل فتيله
    ابليس للفتنه وللشر سبّاق=يجيك في صورة رذيل ورذيله
    العين مايغدي بها كل برّاق=والاذن ماكل الحكي ترتخيله
    راعي الكلام يزّود الطاق بالطاق=يحكي بشخص وياصله ويحكي له
    خص ٍ ليا كان الحكي بين عشّاق=ماله سوا: مالك دخل والفشيله
    لو شفت وش قيمة غرامك بالاعماق=ماطعت لو لاموك فيني قبيله
    ماهو تضيّق صدرك وتركز الساق=كنّي كفرت وقاتل ٍ لي قتيله
    ياللي خدودك قطنه وعودك دقاق=والوجه ياحلوه وياحبني له
    عليك ماظني بتحتار الاذواق=الا اليا كانه هبيل او هبيله
    صغيّر ٍ وتشيل حمل ٍ ماينطاق=وشلون عافرت الحمول الثقيله
    وانا احسبنك طيّب وقلبك رقاق=يامدرّس فنون القساوه لجيله
    رح والشقا على الهواجس والاوراق=ياللي عقب فرقاه شوقه بديله
    اشتاق وادري مانت راجع لو اشتاق=مير العوض بالذكريات الجميله[/poem]

    = للشاعر سلطان بن بتلاء
  • حسين البقعاوي
    عضو نشيط
    • Mar 2012
    • 39

    #2
    صح لسانه،

    الحب شايب والفراق ابنـه العـاق = والوصل غايه والقصايـد وسيلـه
    ..
    .
    مافيه اشرّ من الهواوي ليـا ضـاق = من ضيقته حتى البزر يشتكـي لـه
    ..
    .
    العين مايغـدي بهـا كـل بـرّاق = والاذن ماكـل الحكـي ترتخيلـه
    ..
    .
    راعي الكلام يزّود الطاق بالطـاق = يحكي بشخص وياصله ويحكي لـه



    أبيات عن قصايد

    تعليق

    • نسل عساف
      عضو فعال
      • Jan 2012
      • 101

      #3
      هلا يالبقعاوي
      فعلا سلطان بن بتلاء ابياته منفرده عن قصائد عديده
      نورت يابن العم

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        ..


        مشكووووووووور يالغالي...



        .....
        التوقيع

        محمد الذيابـــي

        تعليق

        العمل...