ابيها اليا انتخت صاحت : انا لعيناك يابو سعـود

طي
X
 
  • التوقيت
  • إظهار
مسح الكل
المشاركات الجديدة
  • ابـن نـعـيـس
    مشرف سابق
    • May 2005
    • 5666

    #1

    ابيها اليا انتخت صاحت : انا لعيناك يابو سعـود

    [align=center]هذه الرائعه من اخر ما كتب الشاااعر

    محمد العضياااني

    اترككم تستمتعوون بها
    [/align]







    [poem=font="Simplified Arabic,6,black,normal,normal" bkcolor="transparent" bkimage="backgrounds/8.gif" border="inset,4,gray" type=3 line=0 align=center use=ex num="0,black"]
    على طاري سحاب الصيف تعالي ياهبوب النـود
    تعالي داخل اضلوعي ؛ سحابة صيـف وسميـه

    هواها طار بضلوعي؛ وصواعقها مطر ورعـود
    واحس ابداخلي برق(ن).. رفيفه يشتعـل ضيـه

    سرى بارق.. هواجيس السهارا والرخوم اهجود
    على صدر المساء تضـوي بروقـه دار نجديـه

    هنوف(ن) لإجلها..سقت القوافي والسطور اجنود
    وابحشد له من جيوش الشعـر والحـرف آلفيـه

    انا ماجيت بإحساسي على الفاضي بـلا مجهـود
    وقلب المؤمن يدلـه ... ويكشـف كـل مخفيـه

    واذا كان المثل صادق وصحيح ان القلوب شهود
    ابرسله مع حروفـي ؛ رسالـة شـوق برقيـه

    سؤال ينهش ضلوعي..انا فـي قلبهـا موجـود
    وهل تدري عن الخافي...!! تراهـا كـل مافيـه

    نبت فـي حبهـا قلبي...مثـل ماينبـت العنقـود
    بدون اسباب ياويلـي .. ولكـن جـات عفويـه

    انا اللي حاكم(ن) قلبي.. بسبـة حظـه المقـرود
    سجنته داخل اضلوعه.. وكتبت الـروح محميـه



    وانا اللي اخذت من قلبي على قلبي ثلاث عهـود
    "يصون النفس من طيشه "يروف" ويحسن النيـه"



    احاول انصحه لكن...يماطـل بالسهـر و يـزود
    ويقول الليـل ياسـاري.. حشـا مافيـه ماويـه

    هنوف(ن) مايعيبها.. ولو طال السمـاء نمـرود
    تراها اطهر من عروق الثرى .. واطهر من الميه

    كريمة نفس ماترضى .. توطي راسها المكـدود
    شموخ(ن) مثل هامات النخيل ... وطلعهـا زيـه

    اصيلة ما مشت درب الخنا والعيـب والمنقـود
    وانـا والله... مـا شكيـت فيهـا نـص بالميـه

    لباقة هرجها العاقل .. سرق عقلي بدون حـدود
    خفيفة ظـل.. او تشبـه خيـال الظـل والفيـه

    تحلت بالادب والذوق على جملة بنـات الخـود
    وانا ما شفتها لكـن ... اظـن البنـت حوريـه

    هنوف(ن) اسمها يسبق.. بطيبه ذاريـات العـود
    هلابـه كـل ماشفتـه.. لـزوم اقـول ياحيـه

    عسى الله بس يكفيها عيـون الحاسـد المحسـود
    ويسترهـا وياقاهـا .. مـن الشيطـان والسيـه


    وعساها ترحم اللي بات من طول السهر مرمـود
    ثلاث ايـام و عيونـه ..علـى الاوراق مبليـه

    ابيها تحيي الماضي.. وتفتـح دربـي المسـدود
    وانا والله ما اغيـر .. شعـور(ن) ظنتـه فيـه

    وابيها بلسم جروح(ن) بسبـة لغزهـا المنشـود
    ثمان سنين ماخنـت العهـد.. والـروح منهيـه

    ابيها اليا انتخت صاحت : انا لعيناك يابو سعـود
    وانا لعيونهـا ابصـرخ: فدتـك الـروح ياخيـه

    ابشعل لاجلها شمعة زمانـي والليالـي السـود
    واجيب لها القمر والشمس على كفي وهي حيـه

    يقولون العرب دايم .. عطايا الجـود بالموجـود
    وانا اقول العطا نعمه... ولو فـي حجمـه بليـه

    ياويلي كان ماحست ... بقلب محمـد المشـدود
    حرام اني ل.اسوق الشعر.. لين يمـوت بيديـه


    مادام ان السهر يصبح على درب الغلا المسـدود
    ابكتب له قصيده حب .. بنفـس القـاف مرثيـه

    وابكتب في عيون الناس..انا من بعدهـا مفقـود
    انا اللي مات باسبابه.. وانا اللـي يدفـع الديـه [/poem]

    [align=center]محمد العضياني[/align]
    [align=center][/align]
  • ((الدلبحي))

    رابطة محبي الهيلا

    • Mar 2003
    • 6010

    #2
    صح السانك والسان العضياني


    تحيااااااااااااااتي

    تعليق

    • ابـن نـعـيـس
      مشرف سابق
      • May 2005
      • 5666

      #3
      [align=center]صح بدنك


      ومشكوور على مرووورك


      تحياتي[/align]
      [align=center][/align]

      تعليق

      • المهنّــــد
        الإدارة
        • Aug 2002
        • 226

        #4
        لاهنــت على حسن اختيارك يابن نعيس
        وصح لسان العضياني.

        تعليق

        • ابـن نـعـيـس
          مشرف سابق
          • May 2005
          • 5666

          #5
          ولا انت

          مشكوور على مرررووورك
          [align=center][/align]

          تعليق

          • فيصل المسعودي
            مشرف عام
            • May 2005
            • 8296

            #6
            صح لسانك بن نعيس


            ولسان محمد العضياني


            تحياتي لك.

            تعليق

            • فهد العصيمي
              عضو فضي
              • Jun 2005
              • 253

              #7
              صح لسانك يابن نعيس ولاهنت

              وصح لسان الشاعر محمد العضياني

              تعليق

              • ابـن نـعـيـس
                مشرف سابق
                • May 2005
                • 5666

                #8
                صح بدنك



                ومشكووورين على المرووور
                [align=center][/align]

                تعليق

                • @المورقي@
                  عضو ماسي
                  • Jun 2005
                  • 552

                  #9
                  ابن نعيس

                  لاهنت ويعطيك العافية
                  وصح السانك والسان العضياني


                  تحياتي

                  تعليق

                  • ابـن نـعـيـس
                    مشرف سابق
                    • May 2005
                    • 5666

                    #10
                    الله يعافيك

                    وصح بدنك



                    ومشكووور على المرووور



                    تحياااااتي
                    [align=center][/align]

                    تعليق

                    العمل...