يابــــدر يـوم أنك الثــاني علـى الـــروقـه،،،،

طي
X
 
  • التوقيت
  • إظهار
مسح الكل
المشاركات الجديدة
  • سعوط المجانين
    عضو فضي
    • Aug 2003
    • 212

    #1

    يابــــدر يـوم أنك الثــاني علـى الـــروقـه،،،،

    بسم الله الرحمن الرحيم

    هــــــذه القصيده للشاعر(نمر محمد المغيري)
    قالها في الشيخ(بــدر نايـف الظيــــــط) شيخ شمل المزاحمه من عتيبه





    يالله يـامـنـشـي الــربــان وحـقـوقــه
    لأقبل وسيله علـى روس العـرب حـول

    بامـرك تسبـح رعودالخيـر وبـروقـه
    مـا للفـرج عنـد غـيـرك عـلـم لـوطـول

    انت الرجاء يوم كلـن كثـرت طروقـه
    وقامـت تشـد العـزوم النـاس وتـضـول

    الـرزق عـنـدك مفاتيـحـه وصنـدوقـه
    مقسـوم بيـن القـنـوع وبـيـن متـسـول

    وبـذل السبـب حـق خــلاقٍ لمخلـوقـه
    الـعـبـد يـــدرك سبـبـهـا والله يــمــول

    وانا تعشمـت فـي شيـخ ربـح سوقـه
    شيـخ ترعـرع بوسـط شيـوخ ومـعـول

    تاريخـه مسطـره عمـهـوج بشـدوقـه
    قـول علـى فعـل ماهـوب حـكـي مـقـول

    خطـو اشقرٍلابـرق الجنحـان لاحوقـه
    لـــه هـدتـرعـب الـغـرنـوق والـشــول

    يابدر يـوم انـك الثانـي علـى الروقـه
    مـاقـدمــك الازعــيــم الــروقـــه الاول

    افزع وطيـر السعـد مسكنـي اسبوقـه
    ولاعــن اشــداد ريـمـه يـابـدر حـــول

    خابـرك الـك كلـمـة مهـيـب مسبـوقـه
    لأبديتـهـا جــات يـابـو نـايـف اتـهــول

    تقولـهـا والله يجـيـرك مــن الـعـوقـه
    انـاادري انــك قـريـب وعـنـده مـخـول

    وصلت حدي وجسمي يبست اعروقه
    مرتـفـعٍ الـضـغـط ممـاشـفـت ومـفــول

    فاليـل اسمهـر وحلـو الـنـوم مـاذوقـه
    من شـاف حالـي عقـب مافـات يتهـول

    حـالـه عدوحالـتـي يـابـدر مـرهـوقـه
    الـحــال لاتحسـبـنـه خــبــرك امــنــول

    كـنـي بعـيـرٍ بــرك مـعـادالـه طـوقــه
    عليـه مـع جــور وقـتـه حـمـلٍ امـتـول

    لوكنـت اسـج القـدم يـابـدر واسـوقـه
    وادوج وسط الفيـاض الخضـر وتجـول

    مـمــن عـبــرةٍ بـالـصـدر مـخـنـوقـه
    اكنـهـا عـــن وجـيــهٍ قـدمــي اتـــزول

    انخـاك يـابـدر يومـنـك ذرى الـروقـه
    واصيح فاذنـك مـن اللـي فينـي مطـول

    ماهيـب نخـوة عشيـق راح معشوقـه
    نـخـوة شجـيـعٍ بـعــد مـاكـسـر يـغــول

    لــــــــــلـــــــــــشـــــــــــاعـــــــــــر
    نـمــر مـحـمـد الـمـغـيـري الـعـطــاوي





    منقول من شبكة العضيان
  • سيــف المعانـي
    شـــاعــر
    • Jun 2005
    • 509

    #2
    قصيده فيها من الجمال

    ماتستحق ان تقدم الى شيخ قبيله



    صح لسان شاعرها

    وصح فكر من نقلها

    تعليق

    • مرزوق حمدان العتيبي
      مشـرف عام
      • Nov 2003
      • 20403

      #3
      ...
      والله ومليون نعم..
      قصيده رائعه في كل حالاتها..
      الف شكر لك على حسن انتقاءك.
      [align=center]
      [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
      حط حبه في كياني ماتغيّره السنيني = وانثني من دون عرضه بالذراع وباللساني[/poem]







      @Marzouq_MHD
      [/align]

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        يستاهلون الاجواد

        ونعم الرياجيل صح السانك والسان المغيري

        تحياااااااااااااااتي

        تعليق

        • الفراهيدي
          مشرف سابق
          • Jan 2005
          • 3188

          #5
          صح لســـانك ...

          جزل وتمتعنا دائم بالجزل ...

          لا هنت يالغالي ..


          AL-frahedi@hotmail.com


          تعليق

          • فيصل المسعودي
            مشرف عام
            • May 2005
            • 8296

            #6
            صح لسانك ياسعوط المجانين ولسان المغيري قصيده حلوه ولا قصرت.
            المسعودي

            تعليق

            • سعوط المجانين
              عضو فضي
              • Aug 2003
              • 212

              #7
              الشكر موصول لمن عطر الصفحه بوجوده.

              تعليق

              • زياد المغيري

                رابطة محبي الهيلا

                • Nov 2005
                • 1110

                #8
                صح لسان شاعرها وسلمت يمناك ياسعوط

                يستاهل الضيط المدح والثناء

                يعطيك العافيه ماقصررت ..

                تقبل مروري

                تعليق

                العمل...