فيحان علمهم عن الجدي وسهيل

طي
X
 
  • التوقيت
  • إظهار
مسح الكل
المشاركات الجديدة
  • سفير الدوله
    شـــاعــر
    • Nov 2006
    • 382

    #1

    فيحان علمهم عن الجدي وسهيل

    من اقوى المساجلات الشعريه بين الشاعرين :
    ( الشيخ فيحان بن سلطان الشغار ) و ( الشاعر عبدالله العطني )


    [align=center]عبدالله العطني[/align]

    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    فيحان ناديتك عقب جرهد الليل =
    قلبي تصاريف الليالي كونـّه =
    ناديت يالشغار يوم أبدع القيل =
    امواج قلبي هيجنن وأغرقـنه =
    لاعاش رجل ٍ يرخي الراس للميل =
    الذل نار وعزة النفس جنـّه =
    هات الحطب واترك لي البن والهيل =
    ليلي سرى والنجر تطرب لدنـّه =
    ماد اللزز حفيت به الهجن والخيل =
    ومن هاب هومات العلا ماأوصلنه =
    ياطير ياللي من مجانيه ماشيل =
    وياطير ياللي سبـّـقه خالفنه =
    طير ٍ وحش به للشواهق مداهيل =
    كل الحبايل له ولا جـوّدنه =
    للخال يصبح ثم يمسي مكاحيل =
    صفق بجنحانه وهن طاوعنـّه =
    نزر ٍ عيوف وهيضه طفحة الكيل =
    ومن بان راسه لليالي رمنـّه =
    ناديت لك ياللي تحب التعاليل =
    صاحبك ظن وخيـّب الله ظنـّه =
    أبي المكاسب ماطلبها شمهليل =
    معموس عطشان ٍ بلاهوب كنـّه =
    أعز نفسي والمعزه غرابيل =
    وادعيك ياللي هومة العز فنـّه =
    حيل ٍ لقاح ولقـّحن عودن حيل =
    ومن عاند الايام كره أغصبنه =
    فيحان علمهم عن الجدي وسهيل =
    فيحان علـّمهم ترى العلم سنـّه =
    علـّـمهم ان المقفيات المقابيل =
    تزيد عقل الرجل ماينقصنـّه =[/poem]


    [align=center]رد الشاعر فيحان الشغار[/align]

    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يامن يناديني بزين التماثيل =
    يوم الليالي عن هواه احرفنه =
    مثايل ٍ فيها عن الحال تفصيل =
    ماجابهن لين الضمير احرقنه =
    شرد ٍ لغيره ماتجي بالمحابيل =
    احرافهن بايديه من غير اعنـّه =
    تجملن بالصدق من غير تجميل =
    عبيد عن غيره كتم سرهنه =
    يامن طفح قلبه من الهم في سيل =
    ياشاكي ٍ تشكي على من خذنه =
    سود الليال بركبهنه تهاويل =
    وألا العمى يرتاح بأطرافهنه =
    والرجل له من ميز عقله دواليل =
    ومن طاوع اشوار الرجال اهلكنه =
    وبعض الحكي يصعب على راعي التيل =
    مايوصلون اللي غرامه يكنه =
    الله يقدينا هدف بادع القيل =
    اللي محضرهن عقب ماأحرجنه =
    زانت له الجلسه بجنب المعاميل =
    ويهيـّض أفكاره صدى نجرهنه =
    أحرف حروف الكتب من غير تشكيل =
    قلبي ملوّعنـي على كتبهنه =
    اشرب هماج العز مثل الشهاليل =
    شربه ولا شربة قراح ٍ بمنـّه =
    العز من طبع الرجال المشاكيل =
    مسالكه شرواك مايجهلنه =
    وان كان لك من غيب رايك محاصيل =
    اقضب لقاح الحيل عن حيلهنه =
    وخلـّوه ترى المقفيات المقابيل =
    تزيد عقل الرجل ماينقصنه =[/poem]
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,

    لاهنت يالغالي.


    ,,,,,,
    التوقيع

    محمد الذيابـــي

    تعليق

    • سفير الدوله
      شـــاعــر
      • Nov 2006
      • 382

      #3
      تم النشر في الأصل بواسطة محمد الذيابي عرض المشاركة
      ,,

      لاهنت يالغالي.


      ,,,,,,
      مشكور على المرور العطر يالذيابي

      تعليق

      • قلب الرياض
        موقوف لمخالفة الأنظمة
        • Oct 2011
        • 157

        #4
        مساجله رائعه من شاعرين رائعين

        تسلم على ايرااادها

        وننتظر المزيد

        تعليق

        العمل...