بجاه منهو رد يوسف ليعقوب / الشاعر زيد الفايز

طي
X
 
  • التوقيت
  • إظهار
مسح الكل
المشاركات الجديدة
  • عبدالله العريدي
    عضو ماسي
    • May 2005
    • 627

    #1

    بجاه منهو رد يوسف ليعقوب / الشاعر زيد الفايز

    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    يالله ياللي بامرك الرزق مكتوب =

    ربٍ فتح للخلق رزقـــه وبابـه



    رب دعاه بتالي الليل ايـــوب =

    وانزل على صفو البرايا كتابه



    يسجد لوجهه كل مؤمن ومكـروب =

    يخشي عذاب الله ويرجي ثوابــه



    من لاذ بالمعبود ماهوب مغلوب =

    وماخاب حي بالكريم التجى به



    افرج لقلبٍ بين الاضلاع مصيوب =

    ماصوبه بالجاش سهوم الحرابه



    مصوب من نجل الاعيان رعبوب =

    طفل نهب مكنون عقلي نهابه



    غديت انا وياه طالب ومطلوب =

    لا رحم ابو حيه ولاحضرة جنابه



    أقفى وخلاني كما دلو ذبـذوب =

    لاهوب لا للماء ولا للجذابــه



    وجدي عليها وجد من طاح مقضوب =

    بأرض خلا والداب عضه بنـابه



    يبكي بعالي الصوت من لاهب الشوب =

    في عثعث ماحوله الا الذيابه



    او وجد راعي فاطر مابها عيوب =

    حمرا عليها قربته مع زهابه



    حدر بجو ناوي له على صوب =

    ماهوب يعلم والقدر رمابــه



    بأرض خلا مقطوعه مابها دروب =

    ماداج به حي ولااحد وطا به



    نوخ ذلوله في ذرى راس نبنوب =

    ومن العنا جا قشعته والتوى به



    يوم ان صحا من هجعت النوم مرعوب =

    افخت ذلوله والنصيب انتحا به



    ضاعت ذلوله فوقها الزاد منصوب =

    مع قربته مع بندقه مع جرابه



    واصبح يسجج خالي العقل مسلوب =

    يطرد بقيعان الصحاري سرابه



    الشمس فوقه والثرى تقل مشبوب =

    ومن الظما يبس بلهاته لعابه



    وايس من الدنيا بعد طاح منكوب =

    لا واعنا قلبه ولا واعذابــه



    او وجد راعي غرس واثمار واحبوب =

    يوم اثمرت والطلع توه بدابه



    يبست قليبه بس طين ودغلوب =

    والزرع مات وخاب سعي سعابـه



    وانا سبب قتلي من البيض رعبوب =

    طفل سلب عقلي وقلبي غدابه



    حبه برى حالي كما بري نبنوب =

    غصن رعى فيه الدبا وابتدابه



    سمم حياتي واودع الجسم متعوب =

    اتلف شبابي اتلف الله شبابه



    شفته قبل ماتنكف الشمس بغروب =

    عصر الربوع موقف عند بابه



    شفته وحار بي القدم تقل مصلوب =

    ازريت اسير ولا حصل لي انقلابه



    قلت السلام وصد مارد بسلوب =

    ورد التحيه ماسمعنا جوابه



    واقفيت انا كني مع الوجه مضروب =

    صارت بيوت الحي عندي اتشابه



    وهليت دمع يفرق الكم والثوب =

    ركب اخيال العين وامطر سحابه



    ونيت ونة من فقد شخص محبوب =

    مع ونته بيديه شقق ثيابه



    يبكي غلاه ودمع الاعيان مسكوب =

    وعمي البصر من دمعته واكتئابه



    وانا رفعت الصوت في راس مجذوب =

    في راس مرقاب اجر العوا به



    اقنب قنيب الذيب واجر مسحوب =

    والعي بصوت مثل صوت الربابه



    واجاوب الورقا بونات وانحوب =

    وماجابت الورقا على الغصن جابه



    مالذ لي زاد ولاطاب مشـــروب =

    والنوم جفني ليلةٍ مااهتنابه



    اخاف اموت ولاحصل منه مطلوب =

    واخاف غيري ياخذه واسفابه



    مكتوب والمكتوب مامنه مهروب =

    واللي كتب للعبد بالحيل صابه



    واللي يصيب العبد باللوح مكتوب =

    غصب على المخلوق لو مارضــابه



    ياليتني مع نابي الارداف بالثوب =

    ادخل معه واحط نابي بنابـــــه



    وأمز ريقٍ كنه الشهد بالكــوب =

    طب القلوب ان كان زاد التهابه



    توه غضيض وناعم العود مربوب =

    يجعل حكيم الراي يفقد صوابه



    لو داس راس القدم صلب مصبوب =

    الهيل ينبت في محل وطا به



    أمر بيته لا هجع كل مذهوب =

    وامسح جدار بيته والمس ترابه



    متى يجي من يم الاحباب مندوب =

    بشير خير وحامل لي كتابـه



    بجاه منهو رد يوسف ليعقوب=

    يرد من حبه وقعت بعذابــه

    الشاعر / زيد الفايز

    وصلوا على المختار ماسار مركوب=

    وازكى تحيه للنبي والصحابه[/poem]
  • اخطار برقاوي
    عضو فضي
    • Apr 2005
    • 272

    #2
    هبـــــــــــــــــــــــــــــــوب الريح

    رااااااااااااااااااااااااااااااااااايع

    يعطيك العافيه على القصايد

    الجزله

    وصح السان الشاعر

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      صح السانك والسانه

      لاهنت على الاختيار الموفق

      تحياااااااااااااااااتي

      تعليق

      • الفراهيدي
        مشرف سابق
        • Jan 2005
        • 3188

        #4
        يعطيك العافيه

        على القصايدالجزله

        وصح السانك واسان قايلها


        AL-frahedi@hotmail.com


        تعليق

        • عبدالله العريدي
          عضو ماسي
          • May 2005
          • 627

          #5
          اخطار برق[align=center]اوي لاهنت و لا خلا و لاعدم يالغالي و صح بدنك / هبوب الريح[/align]

          تعليق

          • عبدالله العريدي
            عضو ماسي
            • May 2005
            • 627

            #6
            [align=center]الدلبحي صح بدنك و لاخلا و لاعدم / هبوب الريح[/align]

            تعليق

            • عبدالله العريدي
              عضو ماسي
              • May 2005
              • 627

              #7
              [align=center]الفراهيدي صح بدنك و لاخلا و لاعدم / هبوب الريح[/align]

              تعليق

              العمل...