Bm وبندر بن سرور

طي
X
 
  • التوقيت
  • إظهار
مسح الكل
المشاركات الجديدة
  • الامير
    عضو فعال
    • Jun 2003
    • 113

    #1

    Bm وبندر بن سرور

    [frame="7 70"]قصيده جزله للشاعر المبدع ياسر التويجري[/frame]

    [poem=font="Simplified Arabic,4,darkblue,normal,normal" bkcolor="transparent" bkimage="backgrounds/31.gif" border="inset,4,skyblue" type=2 line=1 align=center use=ex num="0,black"]
    ياصاحبـي يانـور يانـور يـانـور =
    والوقـت ضلمـاء وانـت مـن يقتدابـه
    ضاقت عليّ وضقت من حـرة الجـور=
    مـن شـيء والله ماحسبـنـا حسـابـه
    مير الوكـاد إنـك تبـي تتقـن الـدور =
    قصة مسلسـل وانـت ضـد العصابـه
    صافـي نوايـا وانـت بالله منصـور=
    حط بيمنـك سيـف واقضـب نصابـه
    واركب على اللي لانخيته علـى القـور =
    ماكـنـك إلا تنتـخـي لــك بـلابـه
    فكرة هل التحديث فـي عالـم الـزور =
    مافكـروا وشلـون صـنـع الربـابـه
    ألمـان x ألمـان تفكـيـر وحـظـور=
    ماجمـعـة فـالـروس وإلا انـبـابـه
    BM صنعـة للمسـافـات دسـتـور=
    سـم الخطـوط وعـز مـن ينتخـابـه
    حطولهـا مـن قـو الإتقـان ماطـور=
    يـوم صنعـوه لقـامـزات السحـابـه
    شدوا محركها علـى عشـرة شطـور=
    واثنيـن معـهـا فالمـلازيـم هـابـه
    كن الكفر لاجاء علـى الجنـط محفـور=
    حـذو الخيـول اللـي تقـود الصحابـه
    فتحة غمـى واربـع تشاكيـل للنـور =
    للعـج والضلمـاء وهــل السحـابـه
    والرابـع اللـي فالكرستـال منـثـور =
    رمـز التقـدم لــو تـغـم الضبـابـه
    مع وجهها لاجيت لـو طحـت معـذور=
    ماكـنـك إلا داخــلٍ لــك بغـابـه
    لاقام يلعـج عكـس الأضـواء بلـور =
    كنـك تحلـى فـي عـيـون الذيـابـه
    مصفـق جوانبهـا مضمـر ومفتـور=
    مثـل القعـود اللـي ينومـس شبـابـه
    حفرة رفارفهـا مثـل منـور السـور =
    فالأندلـس يـوم إن طـارق سطـابـه
    قزازهـا كنـه مـن البعـد ديـجـور =
    وإلا القـزاز اللـي هــذاك إحتمـابـه
    فالبنـك لا جيتـه مدبـل ومسـتـور =
    وشرهتـك للـي راح يدعـم حسـابـه
    ولاجيتها من خلف عملـه مـن اليـور =
    أجـزل كلامـك ياعجـيـب العجـابـه
    لاقام يرهش بوسـط القلـب عصفـور=
    والقلـب يذكـر مامضـى مـن عذابـه
    كنك تشـوف بـدور وتقـول يابـدور =
    بنـت النصـارا عـن شمـال الكسابـه
    إليا ربطـة خصـره بشاليـن وسيـور =
    وقامـت تكسـر وجــد وإلا صبـابـه
    في ردفهـا الأيمـن ثمانيـن مسعـور=
    وفي ردفهـا الأيسـر جنـون وغرابـه
    طبلونهـا بالتـو والايــت والـفـور=
    ويكشـح مثـل وقـدة زعيـم الـذرابـه
    أبو علي لاصار مـن دون أبـا القـور=
    الأردح الـلـي يستـحـق المـثـابـه
    إليا وقفـت كـل التحـف مالهـا دور=
    تعطـي شمـوخ وكبـريـاء ومهـابـه
    مقدم مراسمهـا علـى القـاع منـزور =
    عـودٍ تحيـدب قــام يـقـرأ كتـابـه
    كرسي دريولهـا يشابـه مـع الـزور =
    كرسي .....؟..... قبـل تنـوخ ركابـه
    لاسقتهـا كنـك مـع النـاس مشهـور =
    أو كنـك المطنـوخ وســط الغـلابـه
    تعطيـك رزه وإستحائـات وشـعـور=
    بـان الوليـد يمـوت ماصـك بـابـه
    لوانت متواضع تبـى تصيـر مغـرور=
    ولوأنـت متضايـق تخـمـك رحـابـه
    شـيً بديهـي ومتنـاقـل ومخـبـور=
    المـاء علـى المـاء يالسنافـي حزابـه
    والمـال بالقـرآن ياخـوك مـذكـور =
    هـو زينـة الدنيـا وحـلـوة شبـابـه
    لو راعي الددسـن يهيجـن ومسـرور =
    تـراه يخشـى مــن تبـيـن عـذابـه
    أركـب عليهـا يامحمـد علـى الفـور =
    والـدرب خـلـه شــيء ماينـدرابـه
    واخذ الكتاب اللي بـه الوجـد مبـذور=
    وخفـف عـن اللـي بالتزايـد صوابـه
    وانحربها رجلٍ علـى الطيـب دكتـور=
    وكنـه علـى رأس المراجـل عصابـه
    سعود يسبح فـي خيالـي مـن شهـور=
    حربـي ولا بيـنـي وبيـنـه قـرابـه
    لآكن يسـوى عنـدي ألفيـن هـاذور=
    والطيـب واحـد والـرخـوم تشـابـه
    إنص لمحله وأنـت يالـذرب مشكـور=
    تلـقـاه واقــف ويتبـسـم بـنـابـه
    ويقول بلسانـه تـرى الطيـب مقـدور =
    ويامرحبـاً بالـلـي لفـانـي هـلابـه
    في مجلسه تلقى علـى يمينـك طيـور =
    قشـر الوحـوش مبيـنـات القطـابـه
    واللي على اليسرى شمالٍ عـن السـور =
    صفـة بغـاديـدٍ تجـيـب الطـرابـه
    تتكي علـى جمـرٍ محظـب ومحكـور =
    يشـدى لجمـرٍ فـي خفوقـي عثـابـه
    وفي وسطي المجلس على الوسط مزرور =
    وكـرٍ عليـه اللـي مجسـه صـلابـه
    تلقى العضب مرهي وواثـق وماسـور =
    والحـر يـدري بـأن طيـبـه مثـابـه
    ماضره اللـي بايمـن الكـف مبتـور=
    دامـه ليـا منـه نـوى الخـرب جابـه
    غيره مخاليبـه تقـل صفـة ضفـور=
    وهـو مثـل صفـة شطـار الحـدابـه
    الله خلـق كفـه علـى الـدم مجبـور=
    وغيـره كفـوفـه مــدرجٍ للذبـابـه
    أجلس وعطـه اللـي بالقلـب محفـور=
    وعجـزت لاقولـه وهــو ينحكـابـه
    أستر على نفسـي وانـا منـه مقهـور=
    ليـن إن جسمـي قـام يثقـل مصـابـه
    أبختصر لك وانـت ياراعـي الطـور =
    تفهـم رمـوزي لـو رمـوزي تشابـه
    عفت الحرار اللي بهـا يقطـع الشـور=
    وعفـت الـدروب اللـي يبيـن الردابـه
    وعفت القصيد اللي به السلـم مكسـور=
    مــدام ربــك مايخـيـب الرجـابـه
    ولو إن قلبـي داهـلٍ معشـور الحـور=
    لـقـول عـفـت مقـربـات النسـابـه
    وبيني وبينك وأنـت تـدري ومعـذور=
    عفتـك وعفـت الـروح ممـا جرابـه
    كـن الكـدر يدلـي عليـه بسـاطـور =
    وكنـي صويـبٍ بيـن شهـب الذيابـه
    مدحور من ذاتـي وانـا مـن مدحـور=
    وسيـف الهواجـس يحتدينـي عطـابـه
    هو ليه هستربي ردى الحـظ والجـور=
    هـو ليـه كـفـي يلحقـونـه معـابـه
    مد الرخاء ماهو مثـل مـد مهصـور =
    وأنـا امــد وكــن مــدي نهـابـه
    أموت في وسعه ولا امـوت محجـور =
    والسيـف يصـدي لنظلـم فـي جرابـه
    أبختصر ياسعـود مانيـب محصـور=
    وابخـفـي الـلــي دار مايـنـدرابـه
    واسمحلـي اردد مثـل بنـدر سـرور=
    ﴿وحـدك ولاخـوة جمـوع الزلابـه﴾


    الامــــــــيـــــــــر [/poem]
  • ((الدلبحي))

    رابطة محبي الهيلا

    • Mar 2003
    • 6010

    #2
    صح السانك والسان ياسر

    قصيده جزله يمعنى الكلمه ياليت تورد لنا ماتحفظ من قصائده

    تحياااااااااااااااااتي

    تعليق

    • داهية عتيبة
      عضو مهم
      • Jul 2003
      • 961

      #3
      بيض الله وجهك

      على الاختيار الموفق

      تحياتي

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ....
        ملحمه رائعه بكل ماتعنيه الكلمه
        اشهد بالله انه شاعر ..
        الف شكر لك على اختيارك الطيّب ..
        اخوك
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • الامير
          عضو فعال
          • Jun 2003
          • 113

          #5
          مشكورين


          ولاهنتم على الكلام الطيب


          الامير

          تعليق

          العمل...