مساجلات على البحر الهلالي

طي
X
 
  • التوقيت
  • إظهار
مسح الكل
المشاركات الجديدة
  • ابو ديمه
    عضو
    • Aug 2011
    • 2

    #1

    مساجلات على البحر الهلالي

    [align=center]من اجمل ماقرأت في النقض والفتل على البحر الهلالي




    قصيدة لدحام ابن هذال العنزي يجاريها شاعر حرب محمد عبد الله العسيلي رحمه الله ويرد عليه طلاع ابن عرنان الضوي



    قصيدة دحام بن هذال :



    جيت المطار ويمه الشوق جابني 000شوق ٍ برى حالي ودمر شبابها

    جيت اتباها واتناسى مواجعي 000واثري جروح الحب يكبر عذابها

    امشي ورى قلبي واداري عواطفي 000 واعرف دروب الحب واسلك صعابها

    عزي لنفس ٍ ماستلذت بعيشها 000 غوت غرام الغاويات وغدابها

    قالو لي انسى من نستك وتزوجت 000 وسدت بوجهك تالي الوقت بابها

    قلت اعلم الي صار بيني وبينها 000 وادري تلاشت مي واقفت ركابها

    هذي ثمان سنين والقلب عندها 000 ينزف جروح ودم قلبي خضابها

    ياما مشت رجلي على شوك دربها 000 تتعبني الذكرى وانا اطرد سرابها

    كنت احسب ان الحب يسلا وينسى 000 واثره توقد بالضماير واذابها

    لي كلمة ٍ لاضاق صدري وقلتها 000 كلن يحسب ماوراها ومابها

    عفت البشر يوم البشر تاكل البشر 000 والحقد يمنع وصلها واقترابها

    من قل ماله قل قدره وهيبته 000 تكثر عيوبه ويتكابر مصابها

    ورجله لياجت للمجالس تعثرت 000 كلن يحاول ردها واجتنابها

    لقيت ناس عفون كلن يذمها 000 وزود الغنى والمال شيخ جنابها

    مشيت من همي وطالت مسيرتي 000 في صحصح ٍ تاه القدم في هضابها

    وجيت الحناكيه وجادت قريحتي 000 بابيات حزت خاطري واعتنابها

    ذا مربط خيولي وهذي مزارعي 000 عقب اخضرار الغصن يبست خشابها

    وهذي بقايا من بقايا منازلي 000 واطلال يجتاح الضماير ضبابها

    دارن لنا واليوم صرنا نمرها 000 اجناب تخشانا الديار ونهابها

    عقب المعزه باول الوقت والغلا 000 اليوم مانلقى مكان برحابها

    عز الله ان هموم قلبي تعاضمت 000 والنار في جوفي يزيد التهابها

    من قلة الحيله كوتني عزيزتي 000 مالوم عيني لو يطول انتحابها




    مجاراة شاعر حرب / محمد عبد الله العسيلي



    لاباس يادحام يامعدن الوفا 000 يابن الرجال الي عزيزن جنابها

    عاشق ولك قصه قديمه مع الدهر 000 والناس كلن له ظروفن شقابها

    ولانت الوحيد بهالغرابيل كلها 000 ولا كل عايبتن يضرك عيابها

    تشكي زمانن مايصالحك صالحه 000 كن الديار موجهة لك حرابها

    تقول جيت الحناكيه وجادت قريحتك 000 وفتحت دعوى موصد الوقت بابها

    توجّد على دارن مزايمك حيفها 000 ماتقل عقبك عامري ٍ وطابها

    الدار ديرتنا ولاهي بداركم 000 والحر مثلك دار غيره يهابها

    دار ٍ نزلناها على شرط وقتها 000 واضفينا على الدار العزيزه حجابها

    امنا مخافتها وصنّا عفافها 000 واقمنا عمارتها وزرعنا ترابها

    لين اصبحت يخشى عليها من الحسد 000 خصن من الي قد زرعها ورعى بها

    الي تركها يوم هي غض عودها 000 بظروفن خسايرها تكلف حسابها

    هاك الحين يوم ان القنا يضرب القنا 000 والخيل يم الخيل عوجن رقابها

    واختار له دربن يوديه للسعه 000 عن ضيق مونتها وعن شر مابها

    تسوقه الغربي وتضحك له الصبا 000 وتدعيه نجد الي وساعن رحابها

    يابو بدر نفسك تمادى بها الهوا 000 تخيل البروق ولا يمرك سحابها

    وابحرت في بحر الهوا لين عام بك 000 بعيد عن بر السلامه وادابها

    لاأرتحت من كيد الروابع وجورها 000 ولاأدركت مي الي سطابك صوابها

    وانت تعرف ماطاب لك مايدوم لك 000 ودنياك عامرها نذير لخرابها



    وهنا قصيدة (ابن عرنان ) مجاراة ً لقصيدة الحربي :


    يوم ان ابن عرنان غنّا مثايله 000 شِرّد معانيها تزكّي نصابها

    صوب الحناكيه هجوسه توجهت 000 يزعج طواريق ٍ يزين الغنا بها

    ديره لابن هذال في سالف الزمن 000 واليوم ياهل العرف ينعق غرابها

    اليوم شف داره بها استوطن الوبا 000 قامت على اهلها تنابح كلابها

    ديرة لابن هذال شح الدهر بها 000 شيخ الشيوخ الي عزيز ٍ جنابها

    رحل وخلاها على العرش خاويه 000 يوم الدهر مسّت كفوفه زهابها

    اقفى يتخير بالبسيطه مرابعه 000 ينزل بواديها ويرقى هضابها

    في ربعي الويلان لطامة العدا 000 جلابّة الموت الحمر في حرابها

    عدالة الميله بميلة سيوفها 000كسابّة الطوله لاصُعب اكتسابها

    اول ملوك العرُب واخر ملوكهم 000 لابو الضعوف ولا بو الي غزابها

    عن اذن ابن هذال يالحربي استلم 000 من يطلب اسباب المنايا حضابها

    اسمك على اسم المصطفى وانت بالكتب 000 تسلك دروب مسيلمه ماتهابها

    يوم ان ابن هذال غنا لقفت له 000 لقفة فراش النار حين اشتبابها

    واضحيت مثل الي قرونه تكسرت 000 يومه نطح ضلعان داره واعابها

    دحام له عشقه جهلت بوصوفها 000 وجيته تخضّب لحيتك من خضابها

    دحام نسل الي على العز وكرهم 000 يوم الحيايا يقذف السم نابها

    والا انت جودك بالسدارى تسبهم 000 يوم اثبتو حق الغنم مع ذيابها

    يومك تقول الدار دارك خذ الخبر 000 ماتالي الغربان ديرة عقابها

    الدار دار خوات نوره هل الوفا 000 هم ممنيّن الدار والي مشابها

    اليوم والا اول على شرط وقتها 000 واقف ابن هذال دون اغتصابها

    اليوم والا اول يوم الشلف غاليه 000 الحربي لاجاها يقبّل ترابها

    حامينها الهذال بالسيف والقنا 000يامجلل الكذبه لمنهو سعابها

    مافيه من جدانّك الي قصد بها 000 ولاوردتهاّ المؤرخّه في كتابها

    جهال حرب تردد الكذب والخنا 000 وعيال وايل خابرين ٍ صوابها

    هذا الصحيح الي يداوا بها المرض 000 والا انت نفسك طبهّا بالتهابها
    [/align]
  • الرجل الشامخ
    عضو فعال
    • Oct 2004
    • 111

    #2
    [align=center]
    تم النشر في الأصل بواسطة ابو ديمه عرض المشاركة
    [align=center]

    من قل ماله قل قدره وهيبته 000 تكثر عيوبه ويتكابر مصابها

    ورجله لياجت للمجالس تعثرت 000 كلن يحاول ردها واجتنابها

    [/align]



    الله واكبر على المعنى



    ابو ديمه شكراَ لك على النقل

    لك كل الاحترام

    [/align]

    تعليق

    • فهيد مقعد الرويس
      شـــاعــر
      • Sep 2005
      • 2284

      #3
      من اجمل ماقرأت في النقض والفتل على البحر الهلالي

      ابوديمه ماعتقد ان هذا هوالسبب الوحيد وانت تعلم ان مضمون هذه القصايد في اساءه للغير

      وهذا الشي يجعلها غير مقبوله هنا واعتقد ان المشرفين لم يطلعوا عليها اللي الان

      واقولك يابوديمه ونعم بحرب ونعم باعنزه وبكل القبايل

      والشعار الله يرحم المتوفي منهم ويتجاوز عنه والحي منهم بصحه وسلامه


      ارجو ان تتقبل ردي وودي

      تعليق

      • ابو ديمه
        عضو
        • Aug 2011
        • 2

        #4


        بعد التحيه




        ارجو من المراقبين حذف الموضوع

        تعليق

        العمل...