الأمير الراحل سعود بن بندر / السيرة الكامله

طي
X
 
  • التوقيت
  • إظهار
مسح الكل
المشاركات الجديدة
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #1

    الأمير الراحل سعود بن بندر / السيرة الكامله

    الأمير الشاعر سعود بن بندر بن محمد بن عبد الرحمن احد احفاد الملك عبد العزيز.وهو الابن الاكبر للأميرة البندري بنت عبد العزيز .
    شاعر متالق في سماء الشعر وشاعر لايمكن للمرء التعبير عن جمال شاعريته .
    قصيدة قالها الامير / سعود بن بندر مخاطباً والدته الاميرة البندري بنت عبد العزيز رحمها الله.


    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]

    لا كنـت أنـا لاكـان .. يـومٍ زعلتـيـه=وشلون أبا أرضي خالقي لا حزنتي
    كلـش ولا تكديـر خاطـرك مـا أبـيـه=كلش يهون رضاه عندي سوى إنتي
    يااللي وجـودك فـارغ العمـر ماليـه=لا تهـت فـي ليـل الأحاسيـس بنـتـي
    لـولاك عمـري مــا تـسـاوي ليالـيـه=عيشـة خفـوقٍ فـي صميمـه سكنتـي
    أنتـي فخـر منشـاي مـرحـوم بانـيـه=غير إنك اللي في الطفولة حضنتـي
    ولـولاك مـا دورت فالرجـم عالـيـه=لامن ونـى حيلـي نصحتـي وعنتـي
    الله يـديـمـك لـــي ويـقـسـم لـيـالـيـه=بينـي وبينـك قبـل مــا أقــول كنـتـي [/poem]


    الشاعر الامير سعود بن بندر رحمه الله شاعر نقد شعره
    بنفسه قبل النقاد حيث قال في مقدمة ديوانه: «لي نقدي
    الخاص لكل قصيدة من قصائدي خصوصا تلك التي كتبتها
    في بداية الطريق» سعود بن بندر ، قالت عنه والدته رحمه الله :



    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    جرحي على سعود ما ينفع به الطبـي=وشلون أبسلى وهو دايم على بالي !! [/poem]



    انه شاعر بكل ما تحمله الكلمة من معاني ، لنقرأ هذه الدرة الرائعة


    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]

    حاول واحـاول يصيـر فراقنـا هـادي=الله عـطـانـا الـعـقـل حــتــى يعـيـنـنـا
    خـل المقاديـر تمشـي مشيهـا العـادي=فـي عمرنـا يفعـل الله مـا نــوى فيـنـا
    مـا فادتـك دمعتـك.. مـا ينفـع عنـادي=لا صـار ربـي حرمنـا مــن بيعطيـنـا
    فرقا وصارت ولا تحزن على بعادي=وانـا بحـاول علـى نسيـان مـا ضيـنـا [/poem]






    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    تخطـي علـي واستسمحـك واترجـاك=ضعفي هواك .. وفطنتـك مـا تخونـك
    والمشكل اني كل ما جيت ابـا انسـاك=فكـرت نفـسـي كـيـف تـرتـاح دونــك
    ومـــا ظـــن لا هـــذا ولا ذا ولا ذاك=والـلـي سمـعـت بـذكـره يعوضـونـك
    تدري بي اعشق فيك شامـل سجايـاك=زينـك وشينـك. فـي قـسـاك وليـونـك
    وانــي متـيّـم فــي محـاسـن مـحـيـاك=وتعرف علي وش لون سلطة عيونـك
    تامر علـي مـن موقهـا المـوت هـذاك=واطـاوع امـره قبـل تـرمـش عيـونـك
    ارجع واقول اهواك واهواك واهواك=وبكـيـفـك اتـعــذب ولــكــن بـهـونــك[/poem]


    قال لوالدته:


    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    يــا ليتـنـي بيـنـك وبـيــن الـمـضـره=من غزة الشوكة إلى سكرة الموت.[/poem]


    ثم قال لأبيه:


    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    يا بوي يا عـزي ويـا تـاج راسـي=يكفي من افضالك علي نسبتي لك [/poem]



    انه شاعر تشرف الشعر والادب بقدومه
    وبكت على فراقه صفحات الادب قبل بكاء محبيه
    وعندما نقرأ ديوانه الشعري نجده روضة امتلأت
    بالازهار وحسن الابتداء في مطالع القصائد ، لقد
    ابدع سعود بن بندر في ترويض الكلمات لتحمل
    الروعة والجرس الموسيقي الشفاف، كما نجد
    البساطة والعفوية وعدم التكلف في صنع المعاني.



    [poem=font="simplified arabic,5,black,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    مـن هـو حبيبـك غايتـي بـس أهنيـه=علـى حسـن حظـه عشانـك حبيـبـه
    أنــا أشـهـد ان الله يحـبـه ومعطـيـه=اللـي هـداه الـرب تصـبـح نصيـبـه
    ياللي خذيت من الحلا كـل مـا فيـه=ومـن الطبـع كـل الخصـال الحبيبـة
    تسحر بهمساتـك عقـل مـن تحاكيـه=مـع خـف دم وملـح مـا ينحكـى بـه
    لك حـق يـوم تمـوق وتحـس بالتيـه=الله وهبـك أوصـاف زيــنٍ غريـبـة
    قبلك وأنا بعض الجمال التفـت فيـه=وعقبك ظهر في كل من شفت عيبه [/poem]


    ***


    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    لــي لــزوم هـنـاك وهنـيـا لـــزوم=والهنيـا أهـون خطاهـا مـن هـنـاك
    وقامـت شكوكـي علـى قلبـي تلـوم=وبعد مـا خايـرت نفسـي قلـت ذاك
    الهـنـيـا تـشـبـه لـمـاكــر رخــــوم=فـي محلـة تاصلـه حذفـة عـصـاك
    والـهـنـاك تـشـابـه لـحــر يــحــوم=ماكرة صعب على نصـب الشبـاك
    انتويـت هنـاك يـا معطـي الـعـزوم=عطني العزم القوي وأجزل عطاك [/poem]


    ***
    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]


    ارعى خيالك في خيالي وانا اجيـك=واضم طيفـك واحسـب انـه قوامـك
    واشتاق لك واحلم بزولك واراعيـك=واخاف مـن غيـري يفـوز بغرامـك
    بسـم الدلـع متـى بشـوفـك وانـاديـك=والا متى اسمع (لتغـةٍ) فـي كلامـك
    علمتـنـي فــن السـهـر فــي ليالـيـك=وسحرتـنـي بمـداعـبـك وابتـسـامـك
    ايمانـي بحبـك سبـب رغبـتـي فـيـك=تامـر واطيـعـك ماسألـتـك عـلامـك
    حـتــى حـيـاتـي غيـرتـهـا مـبـاديـك=واصبحت (........) ياحبيبي مقامك[/poem]


    ***






    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    حبيت قربك ولا ادري ليـش=تـرتــاح لمـشـاهـدك عـيـنـي
    دخلت فـي مهجتـي بشويـش=وحبيـتـك بـكــل مـــا فـيـنـي
    جنبـك بديـت استـلـذ العـيـش=وانـدم علـى ماضـي سنيـنـي
    قبلك حياتي مضت في طيش=ياليـت عـارفـك مــن حيـنـي
    ذي قصتي وأنت رائك ويش=آمـيــن لـــك رغـبــة فـيـنـي
    علـى حريـر ومخـدة ريــش=سـلـمـتـك الـقـلــب بـيـديـنـي[/poem]





    توفي شاعرنا المبدع سنة 1986م. رحمه الله رحمة واسعة


    الى اللقاء مع علم آخر
    التوقيع

    محمد الذيابـــي
  • فهد العازمي العتيبي

    مشرف ديار واخبار القبيله

    • Mar 2003
    • 5407

    #2
    ...

    شاعر معروف رحمه الله

    ولاهنت اخوي محمد على السيره ،،،
    للتواصل على تويتر

    https://twitter.com/falotaibi5115


    ،،

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      تم النشر في الأصل بواسطة فهد العازمي العتيبي عرض المشاركة
      ...

      شاعر معروف رحمه الله

      ولاهنت اخوي محمد على السيره ،،،


      مشكور يافهد


      لاهنت يالغالي
      التوقيع

      محمد الذيابـــي

      تعليق

      • عـقـــــــــــاب

        رابطة محبي الهيلا

        • Jul 2011
        • 1002

        #4
        شاعر سجل ابيات جزله رحمه الله

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          تم النشر في الأصل بواسطة عـقـــــــــــاب عرض المشاركة
          شاعر سجل ابيات جزله رحمه الله


          مشكووووووور ياعقاب لاهنت يالغالي
          التوقيع

          محمد الذيابـــي

          تعليق

          العمل...