وصف الجمس / ضيدان بن قضعان

طي
X
 
  • التوقيت
  • إظهار
مسح الكل
المشاركات الجديدة
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #1

    وصف الجمس / ضيدان بن قضعان

    رائعة من أجمل قصائد الشاعر ضيدان بن قضعان ومن أروع ما قرأت في الوصف ،،،،

    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=2 line=0 align=center use=sp num="0,black"]

    قــم يا نديبي فـوق جــمسٍ مصمم = بالكـمبيوتـر مـا بـخــصتـه الوكــاله

    تصميم عام ألفين لهالحـين مـا تم = لـكــن هـــذا عـيـنـه جـــاء لـحــاله

    أهـدوه لكـلـينتون وقــام يـتـبـسم = قال أرســلـوه لـنـور دار الـعـــدالـه

    وجـابوا الهـدية لـلملـيـك المعـظم = فـهـد زعيم الـعـرب راع الجـمــاله

    جاني خبرها ورحت عَجلٍ ومهتم = لـقـصـر من كل العــرب في ضلاله

    وجـيت الوزير وقلت له لو تكـرم = ودّي أشوف الجمس وآصف جماله

    قال العفـو نسـتأذن اللي له العـلم = يـرجــع وشــوره دائـمــاً في دلالـه

    عبد العزيز ابن الفهد جاري الهم = المسـتـشــار اللي يـشـرف مجــاله
    و
    دخـلت أنا ويّا الوزير المخضرم = في مجلسٍ رحــبٍ تـخــالـف دلالـه

    جـيته وهـو جـالـس ووقف وسلم = ورحب وأذن لي بأني أجلس قباله

    وأبديه له ســرٍ عـن الناس يكـتـم = قـال الـذي تـبـغــيـه سهـلٍ مـنـالـه

    ودعا الوزيروبإذن أبا الخيل تمتم =وفـيني يـركــز نـظـرته با لعـمـاله

    وفـهمت وشـو قال له جعـل يسلم = وعطــاني الـلي مـا يـعــيـن بـداله

    يعطي العطـاء من للمعـالي بسـلم = يـرقى سـنـود وعـزّته راس مــاله

    وأقفيـت بالـلـي من نظـر له تألـم =حتى هـل المرسـدس حطـوه عاله

    ولحق بشرّه من كشخ فوق بي ام =صابه جــفال وعاف غالي حـلاله

    وتعـالـموا به كـل كــافـر ومسـلـم =وكلٍ شغــل بالجـمس فكـره وباله
    جاني الجميح وقال لي بس قل كم = مليون كـاش ومثلهـا لـك حــواله

    قـلـت الـذهب هـذا على البيع حرّم = وبهـديه لـلي يـمدحــه من عنا له

    ونـاديـت من ربـعـي غـلامٍ تـعـلـم =على عبور الحـد وقــت الجهــاله

    ثـم قـلـت يا صبي الصمايـل تـولم = على الـذي ماجــا لـنـا بالسهــاله

    جمسٍ يروم المدح ويحـارب الذم =مْهجـنٍ يحـيي القـلـوب اشتـغــاله

    أمّـه تـرايـســتـار وأبـوه بـي أم = وأكـثر طبوعـه من طبايع خـواله

    مصممينه لـلـفضــاء قـبـل يفـطـم = ويوم فطموه ثم قالت القاع أنا له

    كـن حس سلـفـه لا غمزته ورنم =ضحكت صغيرٍ يدّرج وسط صاله

    وونّة سيـوره صوت عـودٍ تهشم =يوم أقـفو الغــازين بأغلى حــلاله

    وليا اشتغل كن في قزوزه مترجم =يحكي فرنسي عن ضروف البطاله

    لـ،كــن شـكـامـيـنه لـيـا من ترزم = يـديـن ســبـاحٍ هــوى من ســقـاله

    لجّــت رحيّ الغــوج لا منـه لـجـم =يـحــس كــبـوته لــيا غــط جــــاله

    شبكه يشادي رشرشٍ فوق محزم=علـى كـمـا الـتفاح من تحـت شـاله

    لـ، كــن مراياته لـيا أقـفى موشـم = اذنـيـن ريــمٍ ذيـرتــه الــثـعــــــاله

    وشنابر جـنوطـه حجـولٍ بـمعصم =سـوداء تـهيـض بالـطبل كـل داله

    ورفارفـه كــنـهـــا ركـوح المقطم =وكـن القزاز البرق لا أنشت خياله

    مسّــاحـتـيـنـه حجــة الـلـي تـلـثم =خـشمٍ على العاشق عسيرٍ وصاله

    سيته يضم اللي على طـارته ضم =أمٍ تــضـــم ولـيـدهــــــا مـن دلاله

    كـن أحـتـوته بحضنها هـند رستم =أو بـنـت صدقـي قـمّة الفـن هــاله

    وكـنّـه مع القـاع العفش لا تهندم =هـرشٍ مع الـغـفران تومي حـباله

    مقدمه لا أقفى يشم السماء شـم =عجـزت بالتوصيف لا ألـقـى مثاله

    يشدي لسكـراننٍ يلاغي ويحـشـم =ولاّ لـعــــودٍ مـزعـلـيـنـه عـيـالـه

    سـاعة تشـوفه تحـسب انك تحـلم =لا آبـو الـذي صـمـمــه مــا أوسـع

    علـيه يالـمنـدوب بالـلـيـل الأظـلـم =اســر عسـى الـتوفـيق يلقـيك فاله

    لـذ من ورى مطلول غربٍ ويـمـم = غربٍ جنوب ومن صدف لا تساله

    تلقى محمد كــنّه البحــر أبو جــم =الله خــلـقــه الاّ لــدرب الـشــكـاله

    ثقيل كــنـه طـويـق لا مـن تـكـلـم = تـشـفق لـقـاطع هرجــته بالبياله

    لا جيت أبو عليا ورحَب فقل سـم =عطــه السويك وما حوته الراسلة[/poem]* * *


    وللجميع تحياااااااااتي
    التوقيع

    محمد الذيابـــي
  • سيف نت
    عضو ماسي
    • Feb 2009
    • 933

    #2
    صح لساااااااااااااااااااااااااانه

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      صح بدنك ياسيف نت مشكوووووووور
      التوقيع

      محمد الذيابـــي

      تعليق

      • كايف العطاوي
        عضو نشيط
        • Aug 2010
        • 38

        #4
        بحر غــــــــزيز

        لايختلف عليه أثنان


        لاهنت يامحمد ذائقه شعريه رائعه

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          شكرا لمرورك ياكايف
          التوقيع

          محمد الذيابـــي

          تعليق

          العمل...