الرفيق الصناعي للشاعر/مصلح بن عياد...

طي
X
 
  • التوقيت
  • إظهار
مسح الكل
المشاركات الجديدة
  • بدر الشلوي
    عضو نشيط
    • Jul 2010
    • 76

    #1

    الرفيق الصناعي للشاعر/مصلح بن عياد...

    [align=center]قصيده للشاعر/مصلح بن عياد الشلوي أتمنى أن تنال على أعجابكم ورضاكم...[/align]


    [poem=font="traditional arabic,7,darkblue,normal,normal" bkcolor="transparent" bkimage="" border="double,5,royalblue" type=1 line=0 align=center use=ex num="0,black"]
    يا الله يا رافع سماك أرتفاعي=مدك ولا مد اليدين البخيله
    أنا ليا ضاقت علي المساعي=أشكي على راع العطايا الجزيله
    وأنا ليا جاني من الربع داعي=يا عنك ما روحي عليهم ثقيله
    أقلط بجنب الضيف وأقصر ذراعي=وأشره على راع الذراع الطويله
    اللي يلوف ابها الصحن ما يراعي=شق الصحن ما يقنعه عن قبيله
    عسى تلوفه مطلقات الافاعي=لا صار لا ينقر ولا فيه حيله
    وأنا ليا جاء الضيف مديت باعي=رزقي ورزق الضيف ربي وكيله
    يقلط على هبات ريح ومتاعي=ومهيلاتٍ مابهن جنزبيله
    وأدوّر أغلى ما يسام ويباعي=وأشريه لو أن الدارهم قليله
    أنا أدري أن المدح كثره ضياعي=لكن حاديني على المدح ميله
    تحسني هرجة رفيقٍ صناعي=وده يشب النار بين القبيله
    يقول أنا الشبعان وأنتم جياعي=والهزل ما تصعب عليه الهزيله
    ياهل السوالف لبّسوها شراعي=مقّعادها في بيت أهلها جميله
    الناس في نعمه وأمان وقناعي=حتى الفقير اللي قليلٍ حصيله
    باساير أصحابي واعيش أجتماعي=وأن ضاق منّا مجلسٍ ما نجيله
    نضرب تهاتيه الدروب الوساعي=والبعد عن من لا يبينا فضيله
    من لا يجي سبعٍ كلته السباعي=ومن لا يشيل الحمل لا يرتكي له
    الله من قلبٍ يزوع أنزياعي=زوع الركاب أليا عطن المسيله
    عصريةٍ يوم الرعايا رياعي=قدامهن من زين الآزوال زيله
    في حايزٍ عشبه جديد المراعي=يومٍ بعد يومٍ يعله مخيله
    يا مل طرفٍ يصبح الصبح واعي=مابه ولا نجمٍ بدى ما يخيله
    قامن هواجيسي هجوم ودفاعي=تصافقن القلب وأعمن دليله
    الآولات أخذن طواف الوداعي=والتاليات أخذنّ قلبي وسيله
    أليا أرتكز في ثومة القلب شاعي=أبطى علي الصبح ليلي وليله
    قلّوا زحازيح الرجال الشجاعي=كثروا مصدين القلوب العليه
    هدامة المجلس خباث المساعي=كلٍ على جدلاه يومي شليله
    وأن قالوا الليله وعد وأجتماعي=تجمّعوا والخاتمه مستحيله
    هذا لكز هذا وهذاك فاعي=أصواتهم صلبه والأرياء هتيله
    أن كان ما للدار والمال راعي=زل السّبل ما باقى آلا قصيله
    يا دار وين مشيدين الرباعي=وجدي عليهم وجد مجنون ليله
    أقفت بهم شهب الليال الجياعي=اعضامهم تحت النثايل هليله
    وجدي عليهم وجد طفلٍ رعاعي=الموت ذب أمه وأبوه وخليله
    أليا عطوه الخلف عاف الرضاعي=كنه يولع عند خشمه فتيله
    وأليا عطوه الزاد جر النواعي=لا أُمٍ تروقب له ولا أبّوٍ يشيله
    صوته تقطع في حشاه أنقطاعي=وآعزي لحاله ويا عزتي له
    أشكي على قومٍ تحل النزاعي=حكامةٍ بين العميل وعميله
    آل السعود مسيرين السواعي=من فوق غبات البحور المهيله
    نقالة البيرق حصون الدفاعي=سهوم المنايا أهل السيوف الصقيله
    أنظارهم منها يولّع شعاعي=وسيوفهم منها العوادي ذليله
    أعيال حرٍ ما أبتدعها أبتداعي=قيدوم ركبٍ عقبن الثميله
    صقر الحجاز ونجد حرٍ شجاعي=مروي سنان السيف منجي دخيله
    أشكي عليهم لوعتي وألتياعي=وعينٍ يغازلها السهر وتغزي له[/poem]
  • سعد بن مطلق المقاطي
    شـــاعــر
    • Feb 2006
    • 2908

    #2
    تــحــســنــي هــــرجــــة رفــــيــــقٍ صــنـــاعـــي


    صـــــــــــــــــح لســـــــــــــــــــــــــااااااااااااااااانك



    ولســــــــــــــــــــان الشـــــــــــــــاعر الكبيرمصلح بن عياد
    [align=center]ديــــــــــــــــواني



    [/align]

    تعليق

    • سيف نت
      عضو ماسي
      • Feb 2009
      • 933

      #3
      صح لسااااااااااااااااااااااااااااااااااااانه

      تعليق

      • بدر الشلوي
        عضو نشيط
        • Jul 2010
        • 76

        #4
        [align=center]شكرآآآ لكم على المتابعه والمرور الكريم...[/align]

        تعليق

        • عزارم

          رابطة محبي الهيلا

          • Dec 2010
          • 2691

          #5
          صح لساااااااااااااااااااااانه هذي القصيده , سلام الله عليك يابن عياد وبيض الله وجهك

          وبيض الله وجهك ياناقلهاااااااااااااااااااااااااااااااااا امتعتنا وننتظر جديــــــــدك ياطيب

          تعليق

          • عـقـــــــــــاب

            رابطة محبي الهيلا

            • Jul 2011
            • 1002

            #6
            [poem= font="courier new,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            أليـا عطـوه الخـلـف عــاف الرضـاعـي=كـــنـــه يـــولـــع عـــنـــد خــشــمـــه فـتــيــلــه[/poem]

            صح ربي لسااانه على هذه القصيده العصماااء ومصلح بن عياد غني عن التعريف

            ولاهنت ياناقلها واشكرك جزيل الشكر

            وتحيتي تقبلها ياذيبان

            تعليق

            • بدر الشلوي
              عضو نشيط
              • Jul 2010
              • 76

              #7
              شكرااا للجميع على المتابعه...

              تعليق

              • محمد الذيابـــي

                مشرف منتدى قصائد الاعضاء

                • Mar 2011
                • 12133

                #8
                صح لساااااااااااانه
                التوقيع

                محمد الذيابـــي

                تعليق

                • طيرالرياض
                  عضو فعال
                  • Oct 2006
                  • 109

                  #9
                  صح لسان الشاعر الكبير مصلح بن عياد

                  تعليق

                  العمل...