يازماني كل ماخلت مرزمة الغيوم

طي
X
 
  • التوقيت
  • إظهار
مسح الكل
المشاركات الجديدة
  • علي الحبابي
    عضو ذهبي
    • Aug 2006
    • 360

    #1

    يازماني كل ماخلت مرزمة الغيوم

    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
    يا زماني كل ما خلت مرزمة الغيوم =استخالت وابعدت والعيون تلدها



    والرجا من جاير الياس عيا لا يقوم =وضيق صدور الهقاوي وبيح سدها



    قال لي لا تتعب النفس والوضع محسوم =لا تعني والمقادير محدٍ ردها



    قلت له لا تندب الحظ وتشيل الهموم =وكل حاجة بالزمن فيه حاجة ضدها



    التحلي بالصبر والمثابر والعزوم =يوصل النفس لمناها وغاية ودها



    والتجارب مدرسة والتعلم كل يوم =والدروس تشيب الروس يوم نعدها



    والحياة بحور يغرق بها اللي ما يعوم =كل نوب يصطفق جزرها مع مدها



    والمراجل صرح يبنى على طيب السلوم =والغبي اللي ليا من بناها هدها



    وللظروف سياسة بالدفاع وبالهجوم =مرة نغزي عليها ونوب نصدها



    وبين لافوح المشاتي ولا هوب السموم =نسبر لشرد الفرص والحظوظ نهدها



    والسباع تصوم لو كان ما تنوي تصوم =الزمان يحدها والحمى محتدها



    ما بقى الا تسهر الليل كله ما تنوم =وتقنب بعال الجبل والسنون تحدها



    وكل سبع صار في تالي ايامه خدوم =لو جمع بين القسا والشجاعه والدها [/poem]


    [align=center]للشاعر خليل بن هدلان[/align]
  • عـقـــــــــــاب

    رابطة محبي الهيلا

    • Jul 2011
    • 1002

    #2
    لاهنت ع النقل للقصيده الوافيه يا وافي

    وصح لسان خليل بن هدلان

    تعليق

    • علي الحبابي
      عضو ذهبي
      • Aug 2006
      • 360

      #3
      تم النشر في الأصل بواسطة عـقـــــــــــاب عرض المشاركة
      لاهنت ع النقل للقصيده الوافيه يا وافي

      وصح لسان خليل بن هدلان
      عقاب

      لاهنت وبيض الله وجهك

      تعليق

      العمل...