مطير وعتيبه

طي
X
 
  • التوقيت
  • إظهار
مسح الكل
المشاركات الجديدة
  • سلطان فهد المطيري
    عون الرفيق
    • Aug 2010
    • 256

    #1

    مطير وعتيبه

    [align=center]السلام عليكم ورحمة الله
    عندما رايت ان هناك من لاتعجبه العلاقه الطيبه والمتميزه بين قبيلتين عزيزتين متجاورتين
    قبيلتي مطير وقبيلة عتيبه
    ويثير النعرات والعصبيات الجاهليه واشعال الفتنه خاصة في بعض المسابقات الشعريه وغيرها ،

    جادت قريحتي بهذه الابيات :





    بين المطيري والعتيبي صداقـه
    من عصرنا الاول الى وقتنا الحيـن
    اخـوان فالاسـلام ربـع ورفاقـه
    وهذا طبيعي فالرجال الميامين
    واللي مشكك فـي وثـوق العلاقـه
    يـروح للدوشـان والا الرباعيـن
    ينشـد شيـوخ المعرفـه والعراقـه
    ويلقى الجواب اعلوم زينن على زين
    واللي مضى من جهل والا حماقـه
    كانت قبل مايدخل النـاس فالديـن
    كانت تقوم المعركـه لاجـل ناقـه
    كان السبب فيها اضعوف ومجانيـن
    اكبـر فخرنـا ديننـا واعتنـاقـه
    شريعة محمد بهـا العـدل والليـن
    جيران مااحد خـان جـاره وباقـه
    غير النسب معروف بين الاصيليـن
    عدونا ماهو علـى اسـم البطاقـه
    عدواننـا هـم اليهـود الملاعيـن
    ولو كان فيه اشخاص فيهم صفاقـه
    يبقون دوم ايسـار والعالـم ايميـن
    لمطيـر وعتيبـه ثمانيـن بـاقـه
    من الزهـور اليانعـه والرياحيـن
    هديـة ن لاهـل القلـوب الرقاقـه
    يستاهلون الطيب قومـن كريميـن
    الطيـب فيهـم يعشقونـه اعشاقـه
    ولاهي غريبه فالرجال الشجيعيـن
    اعلومهم جـزلات ماهـي ادقاقـه
    الله خلقهـم روس ماهـم كراعيـن
    حـذرا منافـق مـا تبيـن نفاقـه
    يبـي يخـرب بينكـم يالنظيفـيـن
    يجيه علـى ضـر الاجـواد فاقـه
    خبيـث طبـع ورفقتـه للشياطيـن
    العـز والنومـاس قايـم اسبـاقـه
    وكـل القبايـل والنعـم بالملاييـن
    الخيـر نفتـح لـه ثلاثيـن طاقـه
    والشر نغلق بابـه ويبطـي اسنيـن




    سعود بن عيد المطيري [/align]
  • غالب الذيابي
    شــــاعــر
    • May 2009
    • 2210

    #2
    :
    :
    :
    :

    صح لسانك ياسلطان على القصيدة الجزلة..

    ومابعد كلامك كلام.. كل ماقلته هو الصح ،،،

    تقبل حضوري في مملكة حرفك الجزل.
    :
    :
    :
    :
    [align=center]:
    :
    :[/align]
    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    إذا الكريمُ رأى الخمولَ نزيلـهُ=في منزل فالحـزمُ أن يترحـلا
    كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
    سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
    لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا [/poem]
    [align=center]صفحتي على التويتر[/align]

    تعليق

    • الثاقب
      موقوف لمخالفة الأنظمة
      • Feb 2010
      • 477

      #3
      للاسف هناك بعض المتخلفين ينظرون للقبيلة من منظور رجعي متخلف غبي منحط

      فالقبيلة هي منظومة نسب ومرجع لابن القبيلة فقط لاغير ( عنوانه في الانساب )

      ولو كانت غير ذلك مما يعتقدونه بعض المتخلفين لما وجدنا في السجون معسرين ولهم من ابناء قبيلتهم اثريا

      ولا وجدنا مطلقات وارامل عائشات على الضمان الاجتماعي ولهن من قبيلتهن اثريا يملكون ملايين الدراهم

      ولا وجدنا شباب عاطلين عن الاعمال وهناك من ابناء قبيلتهم من يملكون الشركات يستوردون العمالة من كل مكان تاركين العاطلين من ابناء قبيلتهم

      وما اكثرها المفارقات بين ابناء القبيلة الواحد التي لو فكر فيها كل متخلف رجعي وجد ان مسألة القبيلة هي مسالة نسب وعنوان فقط لاغير

      تعليق

      • مطر العبدلي المطيري
        عضو فضي
        • May 2011
        • 243

        #4
        صح لسان بن عيد ولا هنت على نقل سلطان

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          لمطيـر وعتيبـه ثمانيـن بـاقـه
          من الزهـور اليانعـه والرياحيـن


          صح لسااانه،،،،،،،،،،،،،
          التوقيع

          محمد الذيابـــي

          تعليق

          • سعود بن عيد العضيله
            عضو نشيط
            • Dec 2010
            • 63

            #6
            ماشاء الله عليك ياسلطان مااسرعك تلقط قصيدتي وتحطها هنا
            مااقول الا الله يعطيك العافيه وانا رايح انزلها في قسم قصايد الاعضاء

            تعليق

            • سلطان فهد المطيري
              عون الرفيق
              • Aug 2010
              • 256

              #7
              صح بدنك يا غالب بالنيابه

              وشكراً لك على مرورك الطيب
              تم التعديل الأخير بواسطة سلطان فهد المطيري؛ 10-Jun-2011, 11:34 AM.

              تعليق

              • سلطان فهد المطيري
                عون الرفيق
                • Aug 2010
                • 256

                #8
                كلام سليم
                100%

                تعليق

                • سلطان فهد المطيري
                  عون الرفيق
                  • Aug 2010
                  • 256

                  #9
                  العفو يا مطر وشكراً على المرور

                  تعليق

                  • سلطان فهد المطيري
                    عون الرفيق
                    • Aug 2010
                    • 256

                    #10
                    ليس من المهم من يقوم بتنزيلها مدام القصيده مذيله باسم شاعرها

                    صح لسانك قصيده جميله تشكر عليها
                    والتمس منك العذر

                    باني عدلت في البيت التالي اجتهاد مني فقط اتمنى ان يكون التعديل في محله شكرا لك
                    انت تقول
                    اخـوان فالاسـلام ربـع ورفاقـه
                    وهذا طبيعي فالعرب والمسلمين

                    والتعديل
                    اخـوان فالاسـلام ربـع ورفاقـه
                    وهذا طبيعي فالرجال الميامين

                    تعليق

                    • ماجد الحبردي
                      عضو نشيط
                      • Feb 2010
                      • 39

                      #11
                      وش المطلوب من القصيده
                      عتيبه عز وهيبه وجيره مع كل القبايل سوى في قبايل شبابه او خندف
                      عتيبه اهل النخوه والمعرفه مع الجميع مع كل القبايل علاقتها والحمدلله قويه يامطيري
                      ولا احد يشك في كلامي
                      عتيبه مع شمر
                      عتيبه مع قحطان
                      عتيبه مع جهينه
                      عتيبه مع مطير
                      عتيبه مع حرب
                      عتيبه مع زهران
                      عتيبه مع الحارث
                      عتيبه مع البقوم
                      عتيبه مع بلي
                      عتيبه مع عبس
                      عتيبه مع العجمان
                      عتيبه مع مره
                      عتيبه مع الهدلان
                      عتيبه مع سليم
                      واسف مان نسيت من القبايل شي
                      وزبدة الهرج ان ربعي علاقتها فويه مع كل القبايل عاااااااااااااااااااااااااااااشوا الهيلا
                      تم التعديل الأخير بواسطة ماجد الحبردي؛ 10-Jun-2011, 12:19 PM.

                      تعليق

                      • ولدعساف

                        مشرف سابق

                        • Sep 2008
                        • 4749

                        #12
                        صح لسان شاعرها ولا شلت يدا ناقلها ..

                        يقول الله جل جلاله { يأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم }

                        فالله جعل الغايه من الشعوب والقبائل هو التعارف وليس التناحر .. ثم الأكرم عند الله هو التقي فاتقو الله في ماتكتبون وتقولون ولاتكونو مغاليق للخير مفاتيح للشر ..


                        أخوكم : متعب الجــذع ..
                        [flash=http://assa97.jeeran.com/azzoz.swf]WIDTH=450 HEIGHT=350[/flash]




                        قال أبوبكر الصديق - رضي الله عنه -
                        ( الموت أهون مما بعده، و أشدّ مما قبله )



                        حسبي الله ونعم الوكيل

                        كتبت وقد أيقنت يوم كتابتي .. بأن يدي تفنى ويبقى كتابها
                        فإن كتبت خيراً ستجزى بمثله .. وإن كتبت شرا عليها حسابها

                        تعليق

                        • مطر العبدلي المطيري
                          عضو فضي
                          • May 2011
                          • 243

                          #13
                          علاقه مع جميع القبائل ياماجد صدقت بصراحه القصيده ماشوف له داعي

                          لكن صح لسان الشاعر ولا هان

                          تعليق

                          • سرحان الشيباني
                            عضو ماسي
                            • May 2005
                            • 573

                            #14
                            مافي شك وانا اخوك اللي يربط العتبان بمطير اكبر مما يتحدث به اللسان

                            مطير انسابنا وجيرانا وابناء عمنا فمطير من غطفان وعتيبه من هوازن وكلهم ابناء قيس عيلان

                            وبصراحه لو تشوف لك شخص من عتيبه او مطير ماتفرق بينهم لا من ناحية الكلام ولا الشكل

                            وعسى الله يديم المحبه بين القبيلتين

                            تعليق

                            • سرحان الشيباني
                              عضو ماسي
                              • May 2005
                              • 573

                              #15
                              [align=center]
                              تم النشر في الأصل بواسطة ماجد الحبردي عرض المشاركة
                              وش المطلوب من القصيده
                              عتيبه عز وهيبه وجيره مع كل القبايل سوى في قبايل شبابه او خندف
                              عتيبه اهل النخوه والمعرفه مع الجميع مع كل القبايل علاقتها والحمدلله قويه يامطيري
                              ولا احد يشك في كلامي
                              عتيبه مع شمر
                              عتيبه مع قحطان
                              عتيبه مع جهينه
                              عتيبه مع مطير
                              عتيبه مع حرب
                              عتيبه مع زهران
                              عتيبه مع الحارث
                              عتيبه مع البقوم
                              عتيبه مع بلي
                              عتيبه مع عبس
                              عتيبه مع العجمان
                              عتيبه مع مره
                              عتيبه مع الهدلان
                              عتيبه مع سليم
                              واسف مان نسيت من القبايل شي
                              وزبدة الهرج ان ربعي علاقتها فويه مع كل القبايل عاااااااااااااااااااااااااااااشوا الهيلا
                              كلامك صحيح بس قرابه عن قرابه تختلف الان فالوقت الحالي مستحيل تلقى عتيبي ماله صديق مطيري واولهم انا لي اصحاب مطران ميامنه ويبس [/align]

                              تعليق

                              العمل...