جعل البروق اللي مزونه لها ضوح

طي
X
 
  • التوقيت
  • إظهار
مسح الكل
المشاركات الجديدة
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #1

    جعل البروق اللي مزونه لها ضوح

    قصيدة جميله للشاعر الكبير عبدالله بن زويبن الحربي


    اعجبتني







    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=2 line=0 align=center use=sp num="0,black"]
    جعل السحاب اللي بروقه لها ضوح=يرخي هماليل الغشين القراحي
    على قرى ساحوق من فوق وطلوح=و ريكات وذريرة وهاك المشاحي
    لو كان مالي في مراعيه مصلوح=لا نيب لاموده ولا ني متاحي
    متريحٍ من بين جدران وسطوح=مبطي من الثنتين خالٍ مراحي
    لي صاحبٍ مملوح مع نزل مسروح=يلعب بقلبي لعبة مضيم ضاحي
    وجدي عليها وجد من جاه ساموح=بنحور قومٍ يشهرون السلاحي
    عنده ثلاث أذواد ماهن بشرشوح=خلفاتهن تسعين غير اللقاحي
    إليا صعق جنه عرازيل وطفوح=تركي على راس الغزال اللواحي !!!
    وجاهن عقيدٍ زاحهن كلهن زوح=وربعه وراه يجمعون الطياحي
    و تخالفوا عند الطفوح أم طلطوح=أم الخراطيم الطّوال الشناحي
    و أن صد قام الغيض يسقيه ذرنوح=وإليا بغى يفتكها ، من يناحي ؟
    وجاهم بدون شعور مع راس جردوح=و رموه عطبين المرامي وطاحي
    كد كنت عن روس المراقيب منصوح=نصيحةٍ ما كللت بالنجاحي
    قام الحمام ينوح في قمة الدوح=غنى وأنا نايم وفزيت صاحي
    أخذت لي غطه وصحاني النوح=وقعدت ألاحي لين لاح الصباحي
    و عديت من روس المراقيب لحلوح=لحلوح من روس المراقيب فاحي
    مدملجٍ ممسوح جنبه تقل لوح=مثل الزجاج تموج عنه الرياحي
    عديت به سالم وحولت مجروح=وأنا أحسب أنه سلوتي و انشراحي
    حولت في جرحين مغلق ومفتوح=وطعون شلفٍ من جميع النواحي
    وشميت لي ريحٍ خطيرٍ على الروح=ريحان والريحان سمٍ ذحاحي
    لاكان كانني تشافيت مسموح=وإن مت جعلك من ذنوبي مباحي
    إلا أن حبك تقضية وقت ومزوح=قلها على المكشوف وأطلق سراحي
    ما يشبع الجيعان من ريحة الفوح=ولا يزي الضميان شوف الضحاحي
    لا زم تبين لي عن الحب منضوح=ما بالخفى خير البياح البياحي
    أما أنتظر وإلا أنسحب عنك وأروح=وأنته تروح وجعل دربك سماحي
    و راسك من الشرهات بالسمن ممسوح=واللي طونّه بيض الأيام راحي [/poem]
    التوقيع

    محمد الذيابـــي
  • سيف نت
    عضو ماسي
    • Feb 2009
    • 933

    #2
    صح لسااااااااااانه

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      مشكور على مرورك ياسيف والله يوفقك


      تحيتي
      التوقيع

      محمد الذيابـــي

      تعليق

      • حفيد القروم
        عضو
        • Apr 2011
        • 10

        #4
        صح لسان قايلها قصيده جزله من شاعر جزل

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          حفيد القروم مشكور على تصفح موضوعي دمت طيبا
          التوقيع

          محمد الذيابـــي

          تعليق

          العمل...