من اروع ماقرات لشاعر: مطلق الثبيتي

طي
X
 
  • التوقيت
  • إظهار
مسح الكل
المشاركات الجديدة
  • منصور الثبيتي
    عضو ماسي
    • Feb 2011
    • 563

    #1

    من اروع ماقرات لشاعر: مطلق الثبيتي




    اختار سمحات الدروب النظيفة .......... اللي غسلها رايح المزن برشاش
    يمشونها قوم النفوس الشريفه .......... اللي ضمايرهم نقيه كما الشاش
    ابيوتهم مثل الحصون المنيفه ............ ماهي لطير البوم غيران واعشاش
    واحلالهم للضيف دايم مريفه ............. لو رجلهم يسرح ويضوي على ماش
    والرجل منهم مايخلي رديفه ............. ان مات مثله مات وان عاش له عاش
    وان مات منهم رجل عقٌب خليفه ......... يطعن نحور القوم ويرد الادباش
    يعرف هدف روحه ويعرف وليفه ......... مايعرف الخونه ولا هو بغشاش
    وليا رزقه الله بعذراء عفيفه ............. ايحطها مابين نونه والارماش
    ماهو على الخفرات يستل سيفه ........ وان طالعوا فيه الرياجيل ينحاش
    حلو النبا سمح المحيٌا لضيفه.............. ويصير له خادم مسخر وفرٌاش
    وان مدٌ مامدت يمينه قصيفه .............. مدت يمينه تبهر الخبل واللاش
    واليا هرج تلقى علومه طريفه .......... ماهو لهفوات المناعير منقاش
    وان شبت النيران ماهو بليفه ............ في ساعة الكربه سواري ورشاش
    سده بعيد ولا احدْ يعرف غريفه .........ولا هو لعرض امكرم العرض نهٌاش
    والشوك في جنبه سوات القطيفه ...... ان كان ماله بيت مامون وافراش
    مايرتكي فوق الخبول الضعيفه ......... اللي ليا حرٌكتها قدرها طاش
    وصحيفته ياطيبها من صحيفه ............ والها من العقال كاتب ونقاش
    حاز المراجل والمراجل كليفه ............. الاٌ على اللي كل مارامها هاش
    وان شاف له من جانب القوم خيفه ...... تلقاه للخيفه مهاجم وبطاش
    الصدق والمعروف والطيب كيفه .........ويغبش لها مع طلعة الفجر مغباش
    للحمل ما تلقى جنوبه صخيفه ............ حوله بروقٍ تعمي العين وافلاش
    يصبر على جرحه ويمسح نزيفه ......... طبه بشبٌه خير من طب الاحباش
    ولاهو كما سبعٍ سنونه ضعيفه .......... دايم يلحسها وللعظـم عــراش
    وان شاف له في غيٌبة الناس شيفه ..... ماهو بخبلٍ لاخضر العود قرٌاش
    دنياه كان قفٌت ماعليها حسيفه ........ ولا هو ورا هوج المعاصير قشاش
    وان جاع ماوقع كما طير جيفه .......... وان عري مايلبس سماليل وأخياش
    وان جا نهـارٍ كـل قرمٍ يعيفـه ............ ماهو ليا ثارت على القوم رمٌاش
    الكذب يعرف بين الأجواد زيفه ........... والصدق مثل السيف صاطي وحشٌاش
  • صارم عتيبه
    عضو ماسي
    • Feb 2011
    • 641

    #2
    لا هنت اخوي منصور واحييك على ذوقك الراقي اخوك صارم عتيبه

    تعليق

    • ابو ضيف الله
      مشرف عـام
      • Feb 2003
      • 8888

      #3

      لا إله إلا الله قصيدة رائعة بكل ما تعنية الكلمة
      رحم الله راعي الباكورة واسكنه فسيح جناته
      قال الشافعي رحمه الله: أركان الرجولة أربع: الديانة والأمانة والصيانة والرزانة.

      قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




      اللهم أنصر من نصر الدين وأخذل من خذل الدين

      تعليق

      • منصور الثبيتي
        عضو ماسي
        • Feb 2011
        • 563

        #4
        لاهنتم على المشاركه

        تعليق

        • ابو يزيد الحافي
          عضو ذهبي
          • Jun 2011
          • 346

          #5
          مشكور ياخوي منصور

          تعليق

          العمل...