الــمشكلـــة لا صـــار مــا لــلــعـــقـــل ؟؟؟!؟؟؟

طي
X
 
  • التوقيت
  • إظهار
مسح الكل
المشاركات الجديدة
  • السامي الجعيد
    عضو ذهبي
    • Jul 2008
    • 307

    #1

    الــمشكلـــة لا صـــار مــا لــلــعـــقـــل ؟؟؟!؟؟؟

    [align=center]قصيدة لشاعر الشاب والرائع : ـــ محمد بـــن جـــاراللــه الــســهـــلــــي

    الصح منه يدوم ويخلد أموات
    والا الغلط مجرد سنين ويموت

    والشعر لوماصار ( ساعي قناعات )
    يصبح حكي ..لكن على هيئة بيوت

    والصدق مفتاح الكرامة ومنجات
    يكسيك من لبس الثنا مشلح وكوت

    والكذب نقص عقول فعول واثبات :
    بان أغلب الياقوت ماهو بياقوت

    والحب (أحلى شي ) الا مع الذات
    والدار ( أغلى شي )الا بلا قوت

    والدين . .عز . .وهيمنة . .وانتصارات
    لاصار قول وفعل وجهاد وقنوت

    يوم المشايخ . . قبل عصر الدويلات
    تنقل كفن واسلاح ماتنقل بشوت !

    في وقتها يااهل الخطب والشعارات
    سالت دموع العز من (عين جالوت!)

    وفي وقتنا . . ياصانعين القرارات
    نضحي بغزة على شان بيروت !

    والفرق شاسع . . ياصراع الحظارات
    والقول أكيد . . وبالادلة . . ومثبوت

    الماضي : امجاد وشموخ وفتوحات
    والحاضر : مهايط ومقهى وبيلوت !

    وآمر وآدهى . . ماهو قادم وات
    لاصار واقعنا مبهذل وممقوت

    يمثل الأمة في الأمة عصابات
    وعلى خراب بيوت تتعمر بيوت !

    جلسات سرية علشان جلسات
    تفوت اللي مستحيل انه يفوت !

    واللعب واضح في جميع المجالات
    بتشوت ؟! صلح لي اصلح لك تشوت!

    والخير بين في وجيه البشاوات
    والشعب مستهلك ومتعب ومكبوت

    حرية الرأي :اختصاص القيادات !!
    وحنا تخصص ذل وانصات وسكوت !

    ياصاحبي . . خل القصص والحكايات
    وش ميزة التوت ؟ إن فقد لذة التوت

    إن مت ! من قول الحقايق سهالات
    على الاقل تعرف على ويش بتموت!

    والمشكلة ماهيب في كثر الاصوات
    المشكلة لاصار مال العقل صوت !
    [/align]
  • المـرشدي
    عضو ماسي
    • Dec 2010
    • 647

    #2
    صح لسانه
    وسلمت يمناك

    ومشكور على النقل

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      صح لسانك ولاهنت
      التوقيع

      محمد الذيابـــي

      تعليق

      • سيف نت
        عضو ماسي
        • Feb 2009
        • 933

        #4
        صح لسااااااااااااااااااااااااااااانه

        تعليق

        • أبو طالع العتيبي
          موقوف لمخالفة الأنظمة
          • Jan 2011
          • 836

          #5
          مشكور أخي سامي على النقل

          تعليق

          • صارم عتيبه
            عضو ماسي
            • Feb 2011
            • 641

            #6
            انشهد انك جبتها على الجرح لا هنت ياكحيلان ولا هان ابن جارالله شاعر علم تحياتي لك اخوك صارم عتيبه

            تعليق

            • السامي الجعيد
              عضو ذهبي
              • Jul 2008
              • 307

              #7
              [align=center]الله لايهينكم ونعدكم بالمزيد والمفيد


              فعلآ نحن بحاجة لمثل هذة المواضيع
              [/align]

              تعليق

              العمل...