التمثال

طي
X
 
  • التوقيت
  • إظهار
مسح الكل
المشاركات الجديدة
  • داهية عتيبة
    عضو مهم
    • Jul 2003
    • 961

    #1

    التمثال

    هذه القصيده لشاعر حامد زيد وحبيت ان اهديها لكم :
    عفا الله عن خطا غدر الخناجر والضلوع ابطال
    باسامح واتركك تحت الظلام الحالك .. الحالك

    دخيلك وفر دموعك ترى هدر الدموع اذلال
    وترى مافية احد يصبر مثل صبري بغربالك

    انا عيب على انقض كلامي ,والرجال افعال
    واذا قلت اقطع حبالك ..تراني بقطع حبالك

    عشان اكسب هدب عينك تجرعت العذاب اشكال
    وليتك ترأف بحالي علشان ارأف بحالك

    مسوي في حياتي شي .. مايذكر ولا ينقال
    حتى العدو وأهو العدو .. مايعمل اعمالك

    تمسيني على الهم وتصبحني على الغربال
    تقلطني فناجيلك .. وتقصر عني دلالك !!

    تحملت التعب لاجلك وانا حملي يهد جبال
    رحلت من العذاب .. وماوقفت الا على جالك

    علامك كلما أجيك متواضع جيتني تختــال
    معاك اليا متى باصبر .. وصبري معك يحلى لك

    مثل ما اقبلت لعيونك لزوم تلدلي باقبــــال
    ومثل ماقد حشمتك , حس واحشم قلبي اشوالك

    انا محد (ن) بجابرني اساير معك هالمنوال
    ترى ماني تبيع لك .. ولاني اصغر عيالك

    انا جيت اعشقك : نبض ومشاعر , مااعشقك تمثال
    انا جيت اسكنك واحياك وابقى فيك , وابقى لك

    انا جيت بظما عاشق تعب يطرد سراب اللال
    انا جيت استفز رضاك ..من فرقاك والجالك

    انا ماهمت بك عاقل انا كنت اعشقك بخبال
    انا ماكنت احبك حي .. انا كنت اعشقك ..هالك

    تخيل من كثر ماخفت تلقى للزعل مدخال
    اخاف اخطي على طيفك وادوس برجلي ظلالك

    تبعتك .. والعرب تتبع رعود البارق الهمال
    وانا شفت المطر .. يتبعك في حلك وترحالك

    كان اللي خلق حسنك خلقني مع جسدك ظلال
    وصرت اقرب جسد يمشي معك بقفاك واقبالك

    ابي قلبك يحس انه فقد .. بمحبته رجــــال
    ملكته من هدب عين .. وخسرت ارضاه باهمالك

    صحيح ان الفراق اقسى ولكن الوصل محال
    وانا صعب على ارضي غرورك .. واضعف قبالك

    بعد ماحققت عيني فبعدك للرقاد امال
    اعود للسهر ؟ ياخوي فال الله ولا فالك

    ببدل نظرتك فيني .. واجي لك كل يوم بحال
    باكون اقرب من ثيابك عليك .. ولا اتهيالك

    بالمك ,وانثرك ,واجمعك ,وارجع انثرك باهمال
    باخونك ,وازعلك, وارضيك ,وازعل منك وارضى لك

    ابرسم بالثرى وجهك .. وابدفن صورتك برمال
    ابشكي للعرب فرقاك .. واضحك عند عذالك

    ابهديك الوصال :فراق .. واهديك الفراق وصال !
    بسوي مثل ماشوفك تسوي ..وافعل افعالك

    عشان عرف من فينا الزعول .. ومن وسيع البال
    ابيك تذوق فنجالي .. وانا بذوق فنجالك

    نصيحة احتفظ فيها قصر معك .. الزمن أوطال
    ابي تسمع كلامي زين .. وتحطة عـــلى بالك ..

    اذا حبك اهبال أطفال .. لك عندي هبال أطفال
    ولا .. وابشر بعد بهبال حب ماهو بهـــبالك

    اذا قصدك تهين اســـمي عشان تشمت العذال
    ترى لا انته ولا غيرك .. ولا عشرة من اشكالك
  • مرزوق حمدان العتيبي
    مشـرف عام
    • Nov 2003
    • 20403

    #2
    ....
    اختيار موفق ياداهيه
    سلمت يداك وصح لسان حامد..
    اخوك
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • داهية عتيبة
      عضو مهم
      • Jul 2003
      • 961

      #3
      مرزوق

      لاهنت

      على ردك ومتابعتك

      تحياتي

      تعليق

      • الدهاسي
        عضو ماسي
        • Jan 2003
        • 547

        #4
        صح لسان الشاعر
        وتسلم يمينك ياداهية عتيبه


        يعطيك العافيه

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          داهية اعتيبة

          يعطيك العافيه وصح السانك والسان حامد زيد

          تحيااااااااااااااتي

          تعليق

          • داهية عتيبة
            عضو مهم
            • Jul 2003
            • 961

            #6
            الدهاسي _ الدلبحي

            تسلمون على الردود ويعطيكم الف عافيه

            تحياتي

            تعليق

            • مروي العطاشا

              رابطة محبي الهيلا

              • Aug 2004
              • 1089

              #7
              صح لسان الشاعر
              وتسلم يمينك ياداهية عتيبه

              تعليق

              • رافع الرايه
                عضو فعال
                • Feb 2005
                • 150

                #8
                صح لسانك ولسانه

                مشكوووووووور وما قصرت

                تحيا11111تي

                تعليق

                • داهية عتيبة
                  عضو مهم
                  • Jul 2003
                  • 961

                  #9
                  مروي العطشا

                  صح بدنك واحترم ردك

                  تعليق

                  • داهية عتيبة
                    عضو مهم
                    • Jul 2003
                    • 961

                    #10
                    رافع الرايه

                    صح بدنك ولاهنت على الزياره

                    تعليق

                    العمل...