عشره خصـال في فنجـال بن سلطـان الشيبـاني

طي
X
 
  • التوقيت
  • إظهار
مسح الكل
المشاركات الجديدة
  • بطـران العتيبي
    عضو نشيط
    • Oct 2010
    • 87

    #1

    عشره خصـال في فنجـال بن سلطـان الشيبـاني

    السلام عليكم ورحمه الله وبركاته


    قصيده أعجبتني في جزالتها وأبداع شاعرها في شخص يستاهلها أتمنى أن تنال على رضاكم عبر ردود أعضاء الهيلا ..



    الشعر ساق وساوقت لي قوافيـه

    دعيتها يمـي وجتني سريعـه

    شعرن على الصفحه ثقالن معانيـه

    هواجسن من هيض صدري بديعـه

    فرادين تبهج ضميري وتشفيـه

    أخترت منها النادرة والقريعـه

    مدحن لبداي النوايف منصيـه

    يرقا ويطلع له براس الطليعـه

    ويبلغه عني سلامي ويثنيـه

    تحية الجنة سلام الشريعـه

    تراه مبدن صعابن مراقيـه

    ماكل من رام العلا يستطيعـه

    أبا امدحه لأن المدح لايقن فيه

    وارفع له البيضا براس الرفيعـه

    فنجـال بن سلطـان والأسم يكفيـه

    اللي عرف بالطيب ورث وطبيعـه

    الأولـه فالديـن كلن يزكيــه

    والدين دايم صاحبه فالطليعـه

    والثانيه خلقن مع الدين زاهيـه

    تواضعن فطري ونفسن مطيعـه

    والثالثه كم بيت لله بانيـه

    منابرن فارجا البلاد الوسيعـه

    والرابعه كم من معاشن ممشيـه

    للي ظروفه من زمانه شنيعــه

    يعطي عطا عن كل الأنظار يخفيـه

    يكناه مايبغى المجالس تشيعـه

    كم اليتامى والأرامل تناديـه

    فنجــال ياريف المقـل وربيعــه

    والخامسه جاهه ليا جيت احليه

    أمضى من حدود السيوف الوريعـه

    اللي زبن فنجـال والوقت حاديـه

    عده زبن حصن الحصون المنيعـه

    والسادسه يفرح لياجو طراقيـه

    يشري رضا ضيفه وغيظه يبيعـه

    والسابعه صلفن على من يعاديـه

    راسن يقابل ماضرا بالخديعـه

    والثامنه صيته وذكره وطاريـه

    الأجنبي قبل العتيبي يذيعـه

    والتاسعه يحما لربعه وعانيه

    على القبيله مارضا بالهزيعـه

    والعاشره بالفوز محدن يماريـه

    الكاس في يدينه يشرف لميعـه

    كاس النصر فالخيل والبل مخاويـه

    مضريـن خصمه بكبر الفجيعـه

    يالله عسى من ذمه فدا لرجليه

    موتي بغلك يالكبود الوجيعـه

    ويالله تمهل لابوخالد وتحييه

    وتجعل محمد عن جهنم شفيعـه



    الشـــاعر : مشــوح بن مطلــق الشيبـانـي
  • علي الدعجاني
    عضو ماسي
    • Oct 2010
    • 556

    #2
    صح لسان الشاعر

    وابو خالد كفو ويستاهل ممثل عتيبه مجملها

    لاهنت

    تعليق

    • المـرشدي
      عضو ماسي
      • Dec 2010
      • 647

      #3
      صح لسان الشاعر

      وابو خالد يستاهل من يقول فيه من الشعر

      لاهنت

      تعليق

      • بطـران العتيبي
        عضو نشيط
        • Oct 2010
        • 87

        #4
        علي لاهنت على المرور ويستاهل أبوخالد المدح



        ........



        المرشدي لاهنت على المرور ويستاهل أبوخالد

        تعليق

        • الراكد المطيري
          عضو
          • Nov 2010
          • 9

          #5
          صح لسان الشاعر
          لاهنت ع النقل

          تعليق

          • سلمان العرم
            عضو نشيط
            • Sep 2010
            • 58

            #6
            اخوي بطران العتيبي
            صح لسانك ولسان الشاعر
            يعطيك العافيه على النقل بارك الله فيك
            لك مني أجمل تحية

            تعليق

            • بطـران العتيبي
              عضو نشيط
              • Oct 2010
              • 87

              #7
              العرم أشكرك على المرور تحيتي

              تعليق

              • أخطل عرب
                عضو
                • Jan 2011
                • 16

                #8
                صح لسان الشاعر مشوح الشيباني
                والممدوح فنجال يستاهل
                وحقه الطيب ابو سلطان
                وتحياتي للجميع ,,

                تعليق

                • نايف المغيبي
                  عضو ماسي
                  • Oct 2010
                  • 454

                  #9
                  صح السانه ويستاهل الممدوح

                  تعليق

                  • خلف القثامي
                    عضو مميــز
                    • Nov 2006
                    • 5690

                    #10
                    يستاهل الممدوح



                    فنجال الشيباني


                    مواقفه طيبه مع عتيبه كافه


                    ونعم فيه


                    هنا الشعر الحقيقي يجسد مواقف الرجال الطيبه


                    صح لسان قائلها

                    سلمت يد ناقلها

                    تعليق

                    • بطـران العتيبي
                      عضو نشيط
                      • Oct 2010
                      • 87

                      #11
                      يستاهل فنجال وأشكركم على المرور جميعـا ..

                      تعليق

                      العمل...