امس الضحى (للسكران والسديري)

طي
X
 
  • التوقيت
  • إظهار
مسح الكل
المشاركات الجديدة
  • فتى الهيلا
    (مصـمـم)
    • Jan 2005
    • 163

    #1

    امس الضحى (للسكران والسديري)

    [align=center]هذه قصيده مشتركه للشاعرين
    أحمد الناصر السكران
    و
    محمد الاحمد السديري

    حيث قال محمد السديري ثلاث ابيات فقط في منتصف القصيده
    اما باقي القصيده فهي للشاعر أحمد السكران



    يقول أحمد السكران :

    امس الضحى عدّيت في عالي التل
    ................... رجمٍ على الجاهل عسير الدروبي
    ساعة رقيته وازرق الدمع ينهل
    .................. هل المزون اللي مطرها شبوبي
    على عشيرٍ سلني باالهوى سل
    ................ وباالخير يامن يلزمه قضي نوبي
    لولاي اوسع خاطري واتجمّل
    ............... عن قولةٍ من فقد خله يهوبي
    أني لصيح بعالي الصوت واجهل
    ............... واصير مثل(خليف ) وارمي بثوبي
    لاشك اخاف اضيّع العقل وابحل
    ............... ويصير قلبي من خفاف القلوبي
    القلب لو هو طاعني ماتوحل
    ............... لاشك صدقي صار عنده كذوبي
    عزاه يانفسٍ تشوف وتحمل
    .................... واللي مشى درب الهوى مايتوبي
    عزي لمن مثلي برايه تمشكل
    ...................... أنا شمال وصاحبي باالجنوبي
    حتيش لو نقعد على ناعم الزل
    ...................لاعاد مايومٍ نشوف محبوبي
    الله يجمع بيننا يفرح الكل
    .................. منا ولايجري شره ومعتوبي

    فقال محمد السديري:

    خلاف ذا ياراكبينٍ على جل
    ..............شيب الغوارب قاطعات الدروبي
    جلٍ جليلاتٍ هجافٍ تجفّل
    ..............ماركبهن خطو الهدان الطنوبي
    ركّاب ضمرات السماحيق مامل
    ..............متلذذٍ بأكوارهن للركوبي

    فأكمل الشاعر أحمد السكران الى نهاية القصيدة وقال:

    خوذو لهن بأرسانهن قدر ماانهل
    .................دمعٍ ومنه صبيّ عيني يذوبي
    لو هو على كل الوطا عل وانهل
    ...............اربع سنينٍ ماش جو معروبي
    في دبرة اللي سيّر الشمس والظل
    .................علاّم مابان وخفي الغيوبي
    من عقب ذا سيروا عساها تسهّل
    ....................تنحّروا للي يدور الذهوبي
    تلقون ابوفيصل على العسر مامل
    ................اللي لصعبات المراجل كسوبي
    قولو بغيت الصبر والصبر كمّل
    ................وبين الخلايق صار مشيي دبوبي
    اسباب غروٍ حط باالقلب مدهل
    ................خافٍ صوابه والعرب مادروبي
    اقول له درب الهوى مايبدّل
    ................مير البلا وان بايعو واشترو بي
    لوهو درى عن شن بخاف الحشا حل
    ................عاف الحياه واعف حلو الشروبي
    غروٍ لمبلي العشاشيق يقتل
    .................من شوفته كثرة على الذنوبي
    ان كان جافيني فنا عنه ماأسال
    ................وان كان هو تايب فنا مثل اتوبي[/align]
  • الطير
    عضو فعال
    • Feb 2004
    • 148

    #2
    [align=center]فتى الهيلا

    الله لايهينك على القصيده الجميله

    وصح لسانك ولسان السكران والسديري

    ومشكور
    [/align]

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      فتى الهيلا

      الله لايهينك على القصيده الجميله

      وصح لسانك ولسان السكران والسديري

      تسلم ولاتحرمنا من مشاركاتك

      تحياااااااااااتي

      تعليق

      • فتى الهيلا
        (مصـمـم)
        • Jan 2005
        • 163

        #4
        [align=center]الطـــير

        لاهنت

        وصح بدنك
        [/align]

        تعليق

        • فتى الهيلا
          (مصـمـم)
          • Jan 2005
          • 163

          #5
          [align=center]لاهنت

          يا الدلبحي


          وصح بدنك
          وجعلك سالم

          شاكراً لك متابعتك لمواضيعي
          [/align]

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            ...
            اختيار موفق والله يعطيك العافيه...
            كل الشكر ..
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • ولد عوجان الجذع
              عضو ذهبي
              • Jan 2005
              • 343

              #7
              لا هنت يا فتى
              على المواضيع الجميلة

              تعليق

              • فتى الهيلا
                (مصـمـم)
                • Jan 2005
                • 163

                #8
                [align=center]اخواني الاعزاء


                مرزوق العتيبي

                ولد عوجان الجذع



                الله لايهينكم على المرور
                ويعطيكم العافيه



                وتقبلوا تحياااااااااااااااااااتي[/align]

                تعليق

                • داهية عتيبة
                  عضو مهم
                  • Jul 2003
                  • 961

                  #9
                  تسلم تسلم

                  يعطيك العافيه

                  تحياتي

                  تعليق

                  • فتى الهيلا
                    (مصـمـم)
                    • Jan 2005
                    • 163

                    #10
                    [align=center]الله يسلمك من الشر

                    يا داهية عتيبة

                    ويعطيك ألف عافيه




                    شاكراً لك مرورك
                    [/align]

                    تعليق

                    العمل...